بسم الله الرحمن الرحيم
السلام عليكم ورحمة الله وبركاته
أخباركم يالطيبين هذا أول موضوع لي وأنا متابعكم من فترة وصراحة منتدى وقسم خيالي الله يعطيكم العافية
ندخل على المهم
أنا معي توسان 2006 ماشي 151000 كيلو ( قولو ما شالله ) :)
المهم في شي لاحظته على السيارة من يوم وصلت 100000 كيلو إن الريس حق الضغط يطلع وينزل على خفيف من مستوى نص إلى مستوى 1 ونص (طبعا مو دائما كانت دانرة ذاك الوقت) ومع هذي المشكلة السيارة كذا بدون أي تفاهم وإنت ماشي وتركت البنزين شوي تطفي ( طبعا مو دايم) لكن سارت كثير
المهم الآن زادت المشكلة بشكل كبييييير السيارة وأنا أمشي بها على 120 وأرفع رجلي عن الدعاسة أبي أخرج من مخرج مثلا تكون طبعا بالنمرة الرابعة ترد من حالها على النمرة الثانية بدون أي تفاهم وأي سبب
والسيارة تطفي بشكل فظييييع يعني تهدي عند إشارة تطفي تهدي تبي تديور تطفي شي يرفع الضغط عاد أنا أشبعتها سب مالي حيلة عجزت معها لفيت الميكانيكيين في المدينة المنورة أبي أعرف وش المشكلة ووش الحل واحد صرف لي وقلي حساسات الجيربوكس غيرها . هو الوحيد اللي عطاني حل فقلت مالي إلا أجرب ورحت شريتها من الوكالة حساسين كل واحد ب 200 وشوي ومع التغير عند الميكانيكي خارج الوكالة كلفتي العملية كلها 500 ريال
المهم بعد التكلفة ذي كلها ولا أي تحسن بالسيارة فكرت أروح أسوي فحص كمبيوتر بالوكالة سويته سابقا ب 100 ريال عند الناغي ورحت قبل أسبوع قلي ب 416 ريال !!!! أبو النصب شف من كم لكم
المهم قلت خلني أسأل الشباب الخبرة اللي بالمنتدى ممكن أحد يعطيني حل طبعا السيارة مكروووفة وطاحت بيد ناس الله لا يوريكم بس عاد سار اللي سار ونبي حل الآن لأنها تعبتنا
أنتظر آرائكم وحلولكم والله يعطيكم العافية
والسلام عليكم ورحمة الله وبركاته
