الفزعة ياشباب الGMC

whbo @user_163788 · 06-06-2009

ارجو من لديه خبره فى عملية تغير الحساسات بالنسبة للكفرات :c0214:

انا غيرت حساس كفر جديد ومازال شاشة العرض فى الطبلون تقول (تصليح مؤشر ضغط الهؤاء)
ويقرأ القيمة للكفر بهذه الطريقة يس أم ـــــ ـــــ ـــــ KPA

امل من ليه حل سرعة الافادة .

لكم اجمل تحياتي

فيق @user_23374 · 21-09-2009

شووف هالرابط
http://www.assayyarat.com/forums/showpost.php?p=1938302&postcount=9

لحن المشاعر @user_126547 · 20-09-2009

والله انا عندي حساسين خربانات بغيرهن انشاء الله

ولا اعرف الطريقه < -- البرمجه

ننتظر اهالي الخبره

مدمن نت 2008 @user_184585 · 19-09-2009

ولا رد وين اهل الخبرة

مدمن نت 2008 @user_184585 · 18-09-2009

مشكورين يا شباب على هذا الموضوع
وكل عام وانتم بخير
نفس المشكلة لدي غيرت حساس واحد الخلفي للسواق لليوكن 2006
وطبقت نفس خطوات تشغيل السكن واطفاءة وهي مقتبسه من موضوع سابق :

( شكراً جزيلاً اخي فيق على اهتمامك بالموضوع

لقد وجدت طريقة لبرمجة السيارة وهي كالتالي:
تشغل السيارة ثم تولع النوار وتطفيها اربع مرات ثم تسمع الهرن (البوري) ثم تتبع نفس الطريقة التي وصفتها ........... هذه الطريقة سمعت احد الزملاء يتحدث عنها ولكن يقول تبمرمجها والسيارة مطفية لكن لم تنفع معي هذه الطريقة الا والسيارة شغالة .......)

نجحت في ان تم اطفاء لمبة التحذير في الطابلون ولكن هناك ملاحظة:

عند تشغيل السيارة تظهر رسالة هذا نصها :
تصليح مؤشر ضغط الاطارات

علماً ان لما ادخل على قياس ضغط الاطارات الاقي الجميع بقياس صفر ؟؟

هل هذه صحيحة وما حل الرسالة ( تصليح مؤشر ضغط الاطارات )؟؟

ومشكورين ويعطيكم العافية

فيق @user_23374 · 16-06-2009

اها .. حلو :)

whbo @user_163788 صاحب الموضوع · 15-06-2009

شكراً جزيلاً اخي فيق على اهتمامك بالموضوع

لقد وجدت طريقة لبرمجة السيارة وهي كالتالي:
تشغل السيارة ثم تولع النوار وتطفيها اربع مرات ثم تسمع الهرن (البوري) ثم تتبع نفس الطريقة التي وصفتها ........... هذه الطريقة سمعت احد الزملاء يتحدث عنها ولكن يقول تبمرمجها والسيارة مطفية لكن لم تنفع معي هذه الطريقة الا والسيارة شغالة .......

لك تحياتي ,

مرعوب ّ~ @user_12827 · 10-06-2009

والله ياخي انا ركبتها بالوكالة واللحين كل الحساسات تعطي قراة معكوسة الامامي خلفي واليمين يسار

فيق @user_23374 · 10-06-2009

العفوو يالطيب ..

الطريقة اللي كتبتها هذي حق 2007 اللي فيها مركز معلومات السائق ..

في طريقة ثانية حق الموديلات اللي قبل بس مو مجربها و ماني متأكد منها ..

حط السويتش على ON بس لا تشغل السيارة ..

و خلال 4 ثوان .. شغل السكن و طفه .. يعني تفر المفتاح من Off الى وضع السكن و ترده مرة ثانية .. تسويها 4 مرات لما تسمع صوت الهرن ( البوري ) .. وتبدي تبرمج عن طريق زيادة او تخفيض الضغط للتاير بنفس الترتيب للتواير الاربع بالطريقة اللي كتبتها بأول رد .. و تسكر السويتش و تشغل السيارة و تشوف اذا راحت العلامة ولا لأ ..

اذا ما راحت مالك الا الوكالة يبرمجونها لك ...

whbo @user_163788 صاحب الموضوع · 10-06-2009

اخي العزيز فيق اشكرك على مرورك

بالنسبة 4 ازرار بمركز التحكم لا يوجد لدي خيار ( اعادة ضبط الاطارات ) هناك فقط ضغط الطارات
ونسيت اخبرك ان موديل السيارة هي 2006 وهل هناك فرق بالنسبة للموديلات الجديدة لعملية البرمجة
لانني حاولت ايجاد خيار ( اعادة ضبط الاطارات ) او بالانجليزي tire relearning لم اجده واخيراً يعطيك الف عافية على ارشاداتك

فيق @user_23374 · 07-06-2009

لازم تضبط البرمجة ..

عندك 4 ازرار بمركز التحكم .. اختر ( اعادة ضبط الاطارات ) او بالانجليزي tire relearning و السيارة مطفية

راح تسمع صوت هرن السيارة ( بوري السيارة ) تروح للتاير اليسار الامامي و تنسم عليه لما تسمع صوت الهرن مرة ثانية و حتى راح تلاحظ الاسطب اليسار الامامي مولع للدلالة على مكان التاير ..

بعدين تشوف الاسطب الامامي اليمين مولع و معناه تروح للتاير اليمين الامامي و تنسم عليه لما تسمع الهرن .. و جذي تروح للتاير الخلفي اليمين و بعدين الخلفي اليسار لما تسمع صوت الهرن مرتين ..

سكر السويتش و شغل السيارة راح تروح العلامة باذن الله ..