انا عانيت من الحرارة لحد ما خرط الروس وكان السبب الأول
ان احد مجاري الماء مقفل والشغله الثانية كان التهريب
طبعن اول تركيزي على الاشياء الظاهره ونجهل مجاري الماء
راح اذكر لكم تسلسل الماء واللي لازم الكل يركز عليها ويبداء فيها قبل كل شيء
1- غطاء الرديتر ( الكل عارفينه )
2 - خراطيش الماء اللي فوق واللي تحت
3 - فيه خرطوش صغير يطلع من الكوع الأيمن يروح لمبرد الزيت ( مبرد الزيت = هو اللي يركب فيه السيفون )
4 - الجهه الأخرى لمبرد الزيت يطلع خرطوش صغير وقصير يتصل في ماسورة ممتدة الى خلف
الماكينة ( كانت في سيارتي هي السبب حيث كان الأنسداد في الخرطوش الصغير والماسورة )
5 - في الجهه اليسرا كذالك فيه ماسورة صغيرة جدا وفيها قاعدة مثبته على جنب الماكينة ( كانت في سيارتي التهريب الماء منها )
6 - خراطيش المكيف الحار
7 - الكوع الأيسر االطويل المثبت عليه الحساس اخر الكوع يوجد خرطوش كبير وقصير ( لقيته في سيارتي متحجر)
8 - بلوف الحرارة في الكوعين الأيمن والأيسر
9 - طرمبة الماء
10 - رأس الماكينة
لما فكو الماكينة لي علشان الراس
اكتشفت الأسباب وكانت هي الصدمة بالنسبة لي مع اني كنت ابحث عن الأسباب ولم امر على احد الأسباب في المنتديات كان تركيزي على الرديتر وغطى الرديتر والأهواز والبلوف اللي كانت ظاهره لي
اتمنى تعم الفائدة لأصحاب الماكسيما
