الحقوني يا حقين الورشه

جزااااك الله خير

رحت اليوم وحاول الميكانيكي يفتح البرغي

بس حس انه راح ينكسر وقال خلها للصبح الين تبرد السياره يمكن ينفك
او خله ينكسر ومالك الا المخرطه ذيك الساعه

قصه طويله عريضه ويقول يبي يشيلون الثلاجه عشان عملية الخرط لانها بلاستك

انا قلت وش لي بكل هالبربسه

خلها تقعد

بس حكاية الدريل العادي هذي لفتت نظري !!!!!!

انت مجربها او ترف ورشه تسوي هالشغله

دلني عليها تكفا

تحياتي :xyxwave:



جزاك الله خير

ما اظن ان هذا السبب

هو وحده من ثنتين يالبلف خربان يا الاديتر موهب صاحي

تحياتي :xyxwave:

اقصد إذا تسكر شبك الأديتر مايسمح بمرور الهواء اللي تسحبه المروحه وملاحضته جداً سهله انظر من داخل شبك السياره الأمامي (الزيق) تشوف الأديتر إذا مثتسكر وأكثر مايسكره الحشرات اللي تصطدم بها السياره وخاصه بالليل وتسكر فتحات التهويه وهي صغيره جداً وعندما تتسكر بشكل كبير الهواء لايمر بشكل طبيعي لأن مهمة المروحه الأساسيه هي سحب الهواء وأثناء مروره من بين الأسياخ بسحب معه الحراره لأن اسياخ الأديثر رقيقه جداً تؤثر بها الهواء اثناء ملامستها ويصبح حرارة الماء معادله او اكثر بقليل من حرارة الجوء الطبيعيه وإلا مافائدة المراوح ..

ارجو ان تكون النقطه هذي وضحت اتمنا لك التوفيق

اخوي الغالي
هل اخراج البرغي(اللولب)مشكلة!!!في حالة فتح اي برغي اول عملية يقوم فيها
المختص هو الطرق الخفيف على راس البرغي باستخام المطرقة,في بعض الاحيان
يوضع القليل من زيت البريك على البرغي يسهل كثيرا في عملية الفتح.وفي حالة
كسر البرغي...اذا كان جزء من البرغي باين او بارز فيتم لحام نت او برغي آخر
على الجزء المكسور ويتم فتحه بشكل عادي,واذا كان الجزء المكسور غاطس
فيتم عمل ثقب في منتصف البرغي المكسور باستخدام دريل عادي ومن ثم استخدام
قلاووظ سن عكس ويتم فتحه بسهولة...هذه الامور حبيت اوضحها للاستفادة.
اما اشلون تعرف الطرمبة شغالة ولا ضعيفة فاعمل الآتي:
افتح غطاء الاديتر عندما تكون السيارة باردة طبعا اي في بداية تشغيلها بعد ان
توصل درجة الحرارة المعقولة واللي عندها ينفتح البلف سوف تشاهد تبدي الموية
تمشي او تدور ادعس على دواسة البنزين تشاهد الموية تطلع فوك من غطاء الاديتر
فهذا يعني ان الطرمبة مية مية,واذا لقيت فقاعات هواء مع جريان الموية فهذا يعني
انه عندك مشكلة في راس المحرك....وامانة عليك ان تستخدم موية خاصة بالاديترات
ولاتستخدم موية عادية ابدا لان هي اتخلي معظم الاجزاء الحديدية تتلف..
اما موضوع ارتفاع درجة الحرارة فهذا موضوع طويل عريض لان هناك اسباب
كثيرة تسبب ارتفاعها لكن عليك ان تبدا دائما بالاسهل ماديا وفنيا...
مع............تحياتي

جزااااااااااااااااااااااااااااااااكم الله خيراً وتقبل منا ومنكم صالح الاعمال

فيه سؤال في اخر هالمداخله وهو عن طرمبة المويه


الله يعينك



جزاااااااااااااك الله خير ومااااقصرت
الكلام الي تحته خط ما فهمته ؟


جزاك الله خير


والله ريحتني والبلف معي اصلي بس تفاجأت يوم قال عيا ينفك !!!!!

عساه يطلع منه وهي تهون بس ولا ناصل للاديتر




عندي شك في طرمبة المويه شلون اتأكد من انها تسوي عملية تدوير للمويه بشكل
صحيح ؟؟؟؟


تحياتي للجميع :xyxwave:

السلام عليكم ورحمة الله وبركاته ،،،، ومبارك عليكم الشهر الكريم
أخوي غير البلف أول حاجة وزي ما قالوا الشباب الله يعينك ودها مخرطة وهو بيفكها لك إن شاء الله ... كان عندي فورد وكان فيه نفس المشكلة ولا راحت إلى يوم غيرت البلف بواحد أصلي من الوكالة وحصرا من الوكالة وأنا أخوك . والله ييسر أمرك

اعانك الله والمخرطة فقط تحتاج الى وقت

مشكلة المسمار صار معي قبل سنه عيا ينفك في كابرس89 وقال لي عامل الأديترات افضل شي تفكه في مخرطه لو انكسر ماتحتاج شيله بسطحه رحت لمخرطه وقال لي العامل إذا انفك ناخذ عليك 20 ريال وإذا انكسر نصللحه لك بــ70 ريال وقلت توكلنا على الله زر عليه بالمفتاح ونكسر على طول وبقة القطعه بالسرندل جاب دريل وادوات تسنين وصلحه وغيرت البلف كان خربان والحمدلله اصبح تمام فمالك إلا المخرطه يمكن ينفك بس اول شي اشرط عليهم واتفق معهم على سعر الشغل لو انكسر

عموماً الحراره هي من طبيعة الجو الحار هذي الأيام لكن لو الأديتر ممتاز والبلف كان تكون طبيعيه وتغيير الأديتر إذا كان متسكر من الداخل او متسدد اشبك الخارجي ولا يدخل الهواء يشكل طبيعي تغييره امر مهم ورايح تضبط معك الحراره واصح للمكينه بالتأكيد

الله يعينك على مشكلة الحراره والله انها اكبر مشكله في السيارات
عندي اكسنت وبهذلتني بهذله
تحتر مع الخط من النص الى الاتش وانا ماخليت شي ماسويته مراوح سليمه رديتر تسييخ
لدرجة اني ركبت مروحه ثالثه ونفس الشي الحراره ترتفع اذا تعديت ال60
حتى حقين الصناعيه كل ابوهم محد عرفالمشكله بالضبظ واحد يقول راس مكينه واللي يقول
غير الرديتر واللي يقول طرمبة مويه اظن انها طرمبة بس ماني مصلحها
تحياتي اتمنى افدتك

^^^

جزاك الله خير

المراوح وكلتشاتها ما فيها شئ سليمه ....

وش الحساسات ؟ اول مره اسمع فيها!

انا شاك في البلف ودي اغيره قبل ما اخسر فلوس الرديتر الجديد
الي راح يكلفني قرابة 700 ريال


وانا ماشي الحراره عاديه ... بس المشكله اذا وقفت في الظهر ترتفع الحراره!!

وفي الليل ماااااااااااااااااااااافي اي مشكله !!!!

ما ادري صراحه وش المشكله !!

هل الرديتر يسوي كل هذا !!!

او ان البلف موهب مضبوط !!

وده لمخرطة ياخذ عليك 25 ريال ويضبط لك مسمار جديد وسنة جديدة وريح بالك لكن اذا الحرارة ترتفع ونت واقف معناتها مراوح او حساس المراوح واذا ترتفع الحرارة مع المشي بالخط هذا يعني الرديتر طبعا لازم تتفحص مستوى الماي حق الرديتر يمكن ناقص وتفحص مضخة الماي احتمال يكون فيها ضعف والله يوفقك.