والله انك محظوظ ياخي تراها اخر سيارة يا تلحق يا ما تلحق

نصب عيني عينك

ياخي مايخافون الله يسون كذا ؟؟

تعجبوني كذا
هذا الكلام الصح
خمس صفحات من الردود
زبدتها في اخر خمس ردود
كذا صار النقاش عملي وعلمي وفيه فائده للجميع
بأذن الله
تحياتي لكم

عسى الله يصلحك بس قل امين ,, تعال عندي واوريك وشلون ينفك القير ويرجع بدون اي مشاكل

لايصير بس الفك والتركيب مثل التوضيب وانا مدري :confused1:

و تقول انا مكانيكي لو انك مكانيكي كان عرفت ان اي واحد يقدر يفك القير ويركبه بكل سهوله

بدون اي تعقيدات واي واحد بالصناعيه يقدر يفكه

واذا انت مكانيكي تعال عند اي ورشه ونتقابل ونشوف سالفه القير اللي اذا انفك

مافيه امل انه يرجع مثل المصنع ,,, يارجال غيرو مكاين وغير قيور وغيرو دفرنسات

واتحد احد يدري انها مغيره و ابجيب لك 3 سيارات واحطها قدامك اذا اكتشفت ان السياره

الفلانيه مغيره مكينتها على شهادة القراء اعطيك 500 ريال عشان اشوف انت مكانيكي بحق

وحقيقه ولا عندك كم معلومه مكانيكيه وجاي تقول انا مكانيكي :wink:


ولمعلوميتكم مره صار حادث لمكسيما عندنا والسياره جديده الكلام هذا من فتره طويله وطلبنا

قربة رديتر من الحمراني وقالو بعد شهر طلبيه , السياره جديده وفيه بعض القطع ماوصلت

دخلنا على مدير الصيانه وقلنا يالطيب السياره واقفه ومتعطله ومو معقوله نصبر شهر عشان قطعه

صغيره مثل هذي ياتعطونا سياره بديله وتوقفون السياره عندكم يا تشفون لنا حل

المهم قال بالحرف الواحد نبي نفك لك القطعه من سياره عندنا

ولكن مافيه اي خصم على القطعه والسعر مثل ماهو مسجل على الكمبيوتر قلنا يبن الحلال

ندفع ماعندنا مشكله بس السياره تمشي وتخلص وفعلا فكو القربه من سياره جديده وعطونا القربه

وسألت الموظف اللي متابع معنا وقلت له طيب انتم فكيتو الحين القطعه وشلون تبيعونها قال

هذي تقعد لحد ماتجي القطعه ونركبها وكأن شي لم يكن وش الفرق لما نركبها حنا ولا تتركب

في المصنع هذي سيارتنا وحنا مالكينها ولا ركبنا قطعه مستعمله احيانا السياره تجي فيها

مشكله من الاساس قبل مانبيعها على الزبون ونغير فيها قطع ونبيعها

احيانا نحصل رديتر يهرب مويه والسياره جديده ونجي ونركب رديتر جديد قبل مانبيعها على العملاء

احيانا يكون فيه تهريب زيت من الصره ونغيرها والامثله كثيره


اخر شي ياليت لو تحسن شوي بس اسلوبك :wink: عشان النقاش يصير هادي ولا يطلع عن صلبه

وتصير مشاحنات عشان اثبات الراي

وجهة نظري تقول مادام ان القطعه مبدله بجديده مافيها اي مشكله

نضرب امثله مع التنزيل صار حادث بسيط وانكسر الشبك الامامي وتغير هل هذا فيه مشكله

احتاجو شمعه اماميه وباعوها لزبون وجت الشمعه بعد 10 ايام وركبوها بالسياره الجديده

فيها مشكله ؟ اسطب خلفي , نسافه مضروبه وغيروها , جنط ممخوش او مطعوج وغيروه ,

دينمو وخربان وغيروه , اكسسوار داخلي مكسور وغيروه , دفرنس مضروب من تحت او شكمان

مضروب وغيروه , كل هالاشياء مافيها شي لو تغيرت وتحصل دائما

طيب ندخل بالغويط مكينه شغلوها حصلوها مخبطه و جابو مكينه جديده من المصنع

وركبوها فيها شي

وترى الفك والتركيب مساله بسيطه ولا فيها فن ولا ابداع فك وركب , والبعض يقول ان المصنع

مو مثل الوكاله بالفك والتركيب والله انهم يفكون ويركبون نفس المصنع ولا فيه امل احد يدري .

المشكله الفعليه اللي بصراحه فيها غش اللي هي اذا كانت السياره موضبه او قير موضب

او السياره مصدومه ومسمكره ومرشوشه بويه هذي اللي فعلا فيها غش

ياتبلغ الزبون وتخفض بالسعر ياتخليها سياره خاصه بالوكاله لاحد الموظفين او سياره بديله

في قسم الصيانه

ياليت تقرون كلامي زين مره ومرتين لعل وعسى البعض يقتنع

والسلااااااااام

بالنسبه لي ماعندي مشكله بقول فكوه وركبوه على سيارتي وهي على ذمة الوكيل انا مالي دخل والمسكين اللي بيشتري السياره الجديده

وبالنسبه اني اكون مكان سئ الحظ اللي بياخذها بصراحه لو ادري اكيد برفض

انت تقارن شغل الوكاله بالمصنع مستحيل

حتى لو بيقولون لي ان نفس المصنع هو اللي فكه ورجعه

التركيب للمره الثانيه مو مثل المره الاول وكثر الفك والتركيب يخرب حتى لو من المصنع

هذا غش واضح وصريح الا اذا كان بيقول للي بيشتريها انهم فكو القير وركبوه مره ثانيه واستبعد هالشي يصير

وشوف ردي الاول يثبت ان الغش وارد ومن طبع بعض الوكلاء

اجل يعطيني سياره مبدل عدادها وهي اصلاً ماشيه الف كيلو

يعني ابسال سؤال يا بلاحدود الحين لو صارت لك المشكله هذي بالقير ولا عندهم قير

وقالو لك بعد شهر على بال مايوصل القير وقالو لك نبي نعطيك سياره بديله لين يجي القير

ورفضت انت قلت مافيه لازم تصلحون السياره الان وش المشكله لو فكو القير من سياره جديده

من اللي يملكونها وركبوها لك واذا جاء القير الجديد ركبوه على السياره الجديده المفكوك منها

السؤال اللي يطرح نفسه وش الفرق لما يركبون لك القير بالمصنع او يركبونه لك هنا

كل المسأله فك وتركيب

الغش انا في رايي لو جيت تشتري سياره وحصلت ان القير مستهلك او مستعمل ومركبينه لك

بالسياره ,, اذا صار القير مفكوك ومركب جديد شي عادي مادام السياره في حوزتهم

يقدرون يفكون اللي يبون

طيب خليني اعطيك مثل ثاني الحين السياره لم يصنعونها كل شي من المصنع ؟ طبعا لا

المصنع يصنع اشياء محدوده وبعدين تجي مسالة التجميع اللي هي القطعه الفلانيه من الشركه

الفلانيه والاكسسور الفلاني من الشركه الفلانيه والقطعه الكهربائيه من الشركه الفلانيه

وبعدين يجمعونها ويركبونها لك ويجيبون السياره لك جاهزه

السؤال اللي يطرح نفسه لما القير يتركب بالمصنع او يتركب عندك هنا عند الوكيل وين الاشكاليه

او لو يخرب عليك القير واستبدل بجديد وين الاشكاليه او يفك لك من السيارات اللي عنده

ويركب لك القير الجديد وبعدين يركب الجديد على السياره المفكوك منها وين المشكله

والله مافيه اي مشكله لكن حنا بس جالسين نتكلم ونسولف ونكثر من هالسواليف اللي لا تودي

ولاتجيب ونحرم ونحلل على هوائنا وفينا سرعه الاحكام الجائره



وش الفرق بين تركيب القير من المصنع ومن تركيب القير عند الوكيل

ابي الفروقات مع انهم كلهم مسوؤلين عن التركيب والصيانه


اخيرا لاتاخذون بكلام المنتديات بدون اثباتات ترى اغلبهم والله جالس يسولف ويخربط

واذا جاء الجد طلع نص كلامه خراط فاضي

وتراي ما ادافع عن احد لاعن وكيل ولا عن عميل لكن كلمه الحق لازم تنقال

وين يروحون من الله

الله لايوفقهم الى يسون هذي الحركات

يعني الواحد يشرد من المستعمل حتى يشري سيارة وكالة وفي الاخر تطلع خرابيط

ولا تلقى الواحد مدين الفلوس ولا قرض يدفع فيه دم قلبه وفي الاخر يطلع فشوش

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ ياقلبي

عشان كذا تخسف بسعر السيارة ويقولك هذا عرض خاص

,,,, وما خفي كان اعظم ..

على طاري اخر سيارة
خويي شاري كامري انواع الاصوات في الجير والنوافذ الخلفيه
والهوبات مصديه

دخلت على الرابط والمشكله يضحكون ومستانسين ولا همهم الضحية اللي بيشتري الجيب المفكوك على انه وكاله :a120(115):

لا وماشي فيه 90 الف وهو 2008 :a1120(82): انا ابي اعرف كيف جابها ذيك الأيام :confused1:

الله يعافيه ولا يبلانا

تحياتي

اليكم رابط لموضوع في منتدى مجوار اعتقد انه يثبت كلام صاحب هذا الموضوع

http://www.toyota4arab.com/forum/t29323.html

لاند كروزر 2009 القير يحتاج تغيير والطلبيه تاخذ شهر واتفق مع الوكاله انهم يفكون قير من السيارات اللي موجوده بالمستودع ووقت ما يجي القير الجديد يركبونه باللي شلحوه وبالنهايه يبيعونه

حسبنا الله ونعم الوكيل

شي يرفع الضغط ولا املك اي تعليق

الله يعيين على ها الوكالات
شاكر لك طرحك

لاحول ولا قوة إلا بالله العلي العظيم
وبعدين مع بعض هالوكالات اللي تضيق الصدر وتجيب الهم والغم
حسبي الله ونعم الوكيل
مشكوووووووور أخوي على موضوعك الجميل والمميز واللي أستفدت منه كثيييييييييييييييييييييير
الله يبارك لك بكل خطوه تخطوها ويرزقك رزق أبد ماينقطع

وتقبل تحياتي ودمت:xyxwave: