نظام التأجير من تويتوتا ونيسان

في بنوك فائدتهم ماتتجاوز 3.5% وقروض تمويل اسلامي

يعني سيارة 100 الف تطلع عليك 117.5 الف على خمس سنوات والقسط يطلع 1958

وسيارة بأسمك لك كامل التصرف فيها وتدخل تقول انا كاش ويمكن بعد يعطونك خصم 2000 الى 3000

يعني ماراح تتجاوز السيارة قيمتها 114 الف انت الكسبان ولا ظلم التأجير

أفضل من التأجير مليون مره

الوكالات نصابين نسبهم عاليه جدا

خذها عن طريق بنك راح تفرق النسبه بشكل ملحوظ

والله شوف كلهم نصابين
يعني عبداللطيف جميل يأخذ عليك فائدة سنوية تقريبا 12% لو حسبناها على مدى اربع سنوات تطلع 48% غير الدفعة الاخيرة
مثلا سيارة قيمتها 100 الف ريال راح تقسطها بنظام التأجير وتطلع عليك خلال اربع سنوات بمبلغ 148 الف ريال بالاضافة الى دفعة اخيرة

وانا انصحك تروح تطلعها عن طريق البنك ياخذو عليك الظاهر نسبة 5% بدون دفعة اخيرة وبدون دفعة اولى

يعطيك العافية أخوي بالنسبة لنيسان هل هم نفس النظام لأني ناوي آخذ التيما لمدة بحدود سنة وبعدها راح يجيني مبلغ وبشتري كاش يعني أبرميها لهم بعد سنة بس أخاف يطالبوني بمبالغ أخرى غير الأقساط ؟أتمنى تفيدوني ياشباب

انا ولد خالتي ماخذ كامري 2008

وسحبوها منه لانه ماعاد قدر يسدد القسط

وماذكر انهم اخذوا منه شي

وانت وحظك فالقسط على حسب العرض

شف اقرب فرصة ينزلون فيها عرض وخذها

والله يوفقك

تويوتا تركي البقمي يعطيكم العافية ولا زلنا بإنتظار رد بقية الشباب

ادفع دفعه مقدمه ويجي تقسيط سيارتك بحدود الالف

انا اخذت كورلا من اوتو ستار 2009
دفت دفعه مقدمه 6000واقسط 1400 كل شهر لمده اربع سنوات واخر دفعه 8000

ادري انها غاليه بس ابتعد عن عبد اللطيف جميل النصاب

بعدين انا ماعلي مكافئتي جيده وبعد سنتين بتخرج برتبه ملازم

انا كنت اباخذ اكسنت وكنت ناوي مادفع دفعه اولى وكان راح يكون قسطاها 1100

بس عاد اخذت الكورلا اجمل واريح واقوى الاكسنت


اما بالنسبه لــ انهم يسحبون سيارتك مادري عنها والله

انشاء الله يفيدونك الاخوان