سؤال ونصيحة فة الاكسبدشن

فرق في الصوت !! ماسمعت أن أي فرق

بارك الله لكم جميعا وان شاء الله نأخذ 4x2 لانخفاض الصوت وعدم الحاجة للدبل

والله يا اخي الكريم عشان اكون صريح وامين معاك

انا عندي اكسبدشن 2005 4X2 ومره رحت به الهاف مون ودخلت في تغريزه وجلسنا 3 ساعات عشان نطلعه السياره ثقليه جدا في الرمل يعني اذا تفكر في البر مجرد تفكير لازم يكون 4X4 هذا من جهه من جهه ثانيه الاكسبدشن 4X4 معروف عنه انه اكثر رساوه عن العادي لكن صوته قد يكون اعلى واستهلاك البنزين اكثر
هذا اذا طلعاتك للبر خفيفه مع العائله وتمشي في اماكن مستويه الى حد ما,وبالمناسبه الاكسبدشن كسياره عائلية ماشاء الله لايعلى عليها في الخطوط والمساحه والقياده
اما اذا شغلات تطعيس ومغامرات ورحلات طويلة في البر لا انصحك بالامريكي كله صراحه يمكن الخيار الافضل في هذه الحاله الجيوب اليابانيه
والله يقدر لك الخير

والله شوف أخوي

بخصوص القيادة بالثمامة هذا يعتمد على خبرتك بالتطعيس أخي العزيز

وحقيقة الثمامة أراضيها أصبحت سهلة (الي قريبة من محطة الخزام) قليل جدا الموتر يغرز إلا الي خبرته بالتطعيس قليلة

الهاف مون ما ادري عنها لأني ليست من أهل الشرقية :c0214:

ماراح أعتقد تلقى فرق كبير جدا أو واضح بين الدبل والي بدون وأيضا بخصوص الرساوة لكن التسارع قد يكون الدفرنس الواحد أخف بشيء بسيط

وبخصوص البيع حقيقة حسب ما أعرف
أن الجيب أن صار بدون دبل الناس تفر منه! نسبة الي يرغبون فيه قليلة جدا

قد يجي يوم من الأيام ودك تطلع لأماكن حلوة وطلعات كشتات وبر وزي كذا وتقول ذيك الساعة ليتني شاري الأكسبدشن دبل

أنا أقولك رأيي الشخصي أخي العزيز بخصوص أختيار الدبل فهو يرجع لك أن كنت تكره طلعات البر بالاساس ما يحتاج الدبل لكن أن كنت تدخل ساعات بعض الأماكن الي فيها رمل سواء بسيطة أو متوسطة راح تضطر أحيانا للدبل لو صار لك مشكلة وغرز موترك

أنا اذكر فترة كنت أدور لي على جمس أول شيء أناظر الطبلون (أناظر زر الدبل أو قير الدبل) أن صار غير موجود ما فكرت حتى أسئل عن قيمة السيارة على طول أمشي وفيه ناس كثيرين يسوون نفس حركتي أثناء البحث عن المستعمل (ما أقول كلهم)

لا تنسى الأستخارة وناظر أنت كم نسبة بتحتاج الدبل وطلعات البر بنسبة لك وهنا قرر تاخذه أم لا

جزاك الله خيرا اخى الكريم ز وهل هو مرغوب عند البيع ؟ وهل استطيع استعماله فى الثمامة او الهاف مون وهل يسهل بيعه ؟