والله ياخوك يابو نواف5
الضاهر انك سجلت بالمنتدى من القهر اللي من الشريطيه انا من زمان مطلعين في الشيب واصبحت اكره المعارض بسببهم وانصحك وانصح كل اعضاء وزوار هذا المنتدى الكرام ومن يعز عليم ( ان لايشترون من الشريطيه ولا يبيعون عليهم لأن الفرق عشرة الاف بكل الحالتين لصالح الشريطي )
فيه قصه حدثت لواحد بالرياض قبل حوالي 20 سنه يقول كان معي كرسيدا وعلى شان احجز موقف جيت من الساعه وحده بعد الضهر في عز الصيف بدا سوق بعد العصر وكانت الناس متجمعه على سيارتي وجا شريطي وقال شريت السياره يقول انا قلطت اللي ماخذت عليه عربون وطلعنا نفحص السياره يقول وداني لمخطط الخليج وهو بعيد عن معارض النسيم
يقول يحط اذنه عند القير ويقول فيه صوت المهم قال انا شريت لكن نزل لي 1000 ريال يقول موتري جديد ولايوجد اي صوت لكن يتحجج يقول يوم شفته مصر على الألف قلت خلاص ماني بايعك انزل قال له الشريطي ودني للمعارض قال وش ابي بالمعارض ونت مطلعني منها يقول وخليته بمخططه ذابحه الضما ماحوله ولا حوليه ,,
مره عرضت سياره وكنت حادها بــ57 ألف جاء شريطي المشكله اني اعرفه وقلت الموتربــ57 قال شريت خلاص يالربع شريت يقوله للي وقفين عند السياره على شان يروحون قلت عطني العربون وهو يتصل على واحد يوم جاء قال له هذا الموتر لف حوله قال لي خلاص شريت بــ47 قلت وين الــ10000 قال انت بكم تقول قلت مادري عنك قال والله اني احسبك تقول بـ47 الهدف على شان يستفرد بصاحب السياره ويضيع عليه السوق ,,ِ
المشكله الأن تنزيل العداد اسهل منه مافيه عن طريق جهاز يشبك يالفيش اللي عند يد الجلنط بالنسبه للأمريكي ويحط الرقم اللي يبيه ..
مشكور على التنبيه
