ياليل ما طولك مع الفورد..!

السلام عليكم اخواني الاعزاء ..
وعليكم السلام ورحمة الله وبركاته


بصراحه كلمة شكر وتقدير لمجهودكم في هذا المنتدى قليله ..
حياك الله وبياك وابد يالغالي اكيد انوا في المنتدى جميعهم اخوان

وان شاء الله نفيد بعضنا بعض..

سجلت والله لاني بصراحه حصلت التعاون اللي بينكم وعسى ربي يديمه عليكم اجمعين ..

سلمكم الله ...قدر الله لي وجمعت لي قرشين:rolleyes1:
الله يعوض عليك ويرزقك من نعيمه

وشريت فيها فورد قراند ماركيز 2003 GS ..الموتر نظيف الحمد لله ....
ماشااء الله تبارك الرحمن الله يعطيك من خيره ويكفيك من شره

بس قمت اهوجس فيه كثير وماله الحين معي اسبوع ..شيكت عليه وحصلت تهرب جدا

بسيط في الدفرنس ..وفكيته وغيرت الزيت وشريت غرا اصلي ونظفه لي الفلبيني والحين اوكي

:xyxthumbs: ..حصلت تهريب تحت السياره وحركتها واخذت منديل ومست الزيت حصلت لونه احمر يعني زيت علبة الدركسون تهرب ..طبعا طوالي رحت وغيرتها :rolleyes1:..

الحين الحمد لله كل شئ تمام التمام ..صار النور عندي فجاه يطفي وفحصتها طلع عندي الكتاوت حق النور الله يخلف عليه :confused1:

رحت وشريت واحد بــ 800 ريال وركبته وزبط النور معي ....<<اقولكم ذا الشئ علشان اذا احد

صار له هذا الشئ يستفيد منه :bigggrin: ...

الحين عندي بعض الاستفسارات ارجو انكم تساعدوني فيها والله مادخلت الا باقول اللي عندي
واستفيد منكم ...

1- الحين فيه تهريب في زيت الدركسون ينقص علي وتهريب بسيط مع اني مغير العلبه ..واحد قالي الاصلاح حق المساعد..

وما يتغير الا في الوكاله مدري صح ولا لا ..؟؟:a120(115):
حاول يالغالي تشيك عند اكثر من ورشه ويغسلك جميع اماكن الزيت ويشيك عليها مره ثانيه
لان من الممكن يكون تهريب الزيت من احد الاهواز ويسيل على بعض القطع وتعتقد انه من القطعه الفلانيه وهو ليس منه التهريب وباذن الله تهريب الزيت الباور ماله تأثير كبير ويكون بسيط حله


2-ذي اول مره اشتري فيها فورد ..وكثير من الازرار والله ما ادري ليش حاطينها اخاف اضغط شئ ويخرب الشغله كلها :bigggrin:..زي الازرار اللي في الطاره وش مهمتها يعني لو تسابقت مع فراري اجيبها >>متاثر بسياره سوبر مان :bigggrin:.. وفيه زر في حق القير وش استخدامه ..:rolleyes1:
بالنسبه للأزره مكتوب عليها اساميها ياليت تذكرها لان كل زر وله وظيفته بعض السيارات الامريكيه يكون فيها ازرار تحكم بالمسجل ووغيرها ولكن الاغلب يكون تبع مثبت السرعه فقط

بالنسبه للزر الي في القير اسمه زر الاوفر درايف وهو مختص بتبديلات القير بحيث اذا ضغطت الزر راح تشتغل لمبة في الطبلونO/D OFF وتعني ان الظام مطفي والي راح يحصل ان القير يطول في النمر ويعشق جميع التعاشيق الا النمره الاخير الي هي الرابعه بمعنى مايريح السياره
استخدامه يكون عند عدم تجاوب العزم مع دعسة السياره بمعنى انك على سرعه وتبغا تتجاوز وجالس تدعس السياره ثقيله وماتمشي تضغط الزر راح يبدل غيار عكسي وهكذا

3-الحين انا اول ما اخذته غيرت كل زيوته >>من قوه الحماس :bigggrin: ..غيرت زيت القير وزيت

الدفرنس وزيت المكينه ..بالنسبه لزيت المكينه استخدمت زيت كاسترول 20/ 50 وحطيت 6 علب

ونص مع الفلتر طبعا ..وزيت القير حطيته خمس علب مع تغير الوجه والفلتر..طيب الحين كم امشي

عليه الزيت واذا بغيت اغيره كم علبه احط وش افضل شئ لو بغيت اغير ..

هل اقدر احط عليه 10/30 بدون تغيير الفلتر ...
يفضل يالغالي بالنسبه للزيت انه يكون الموصى به من المصنع فحاول تقراء الكتلوج وتلاحظ وش المطلوب هل هو 10/30 او 20/50 اما اذا قصدك تغيره وهو فيه زيت 20/50 فما انصحك لان الفلتر جداً رخيص وخاصه تبع الفورد وسعره 10 ريال طبعا هذا عند قطع الغيار الاصلي اما البناشر للأسف بـ25 ريال وتجااااااري فدائما اي قطعه غير الزيت من القطع المعتمده لنفس الشركه التابعه لسيارتك اما الزيت فحسب اختيارك وتأكد انه مختوم

>>معليش كيف ينقري العداد :bigggrin: هل اول خانه من اليمين تنقري يعني

الحين ماشي الزيت 2105 هل يعني ماشي الفين ...:a1120(86):..
اما مسألة العداد حسب سيارتك عدادها بالميل او كيلو

4- الحين اذا بغيت اعبي مويه ..وش اعبيه مويه خضرا ولا حمرا .. ترا الا الحين ما حطيت فيه قطره مويه ...وهل اعبيه وهو شغال ولا مطفي ...وفيه استكر على الغطاء فيها 50 % ماء و50% شئ ثاني مدري وشهو ...تروني اول مره استخدم فورد :bigggrin: ..فاعذرووني :xyxwave:...
المويه شوف المستخدمه ايش لونها احمر او اخضر ولكن بالنسبه لي ارا ان الاخضر افضل بكثير
ولكن ممكن سيارتك لا يناسبها الا الأحمر

5- زر تحريك المقعده حقت الراكب مايشتغل اذا احد عنده حل لها يعلمني الله يجزاه خير ..
حاول تراجع اقرب كهربائي يشيك لك على نفس سويتش التحكم وايضا ماكينة الكرسي

6- عندي بالطبلون الحراره النص ..وموشر الزيت ثابت على النص لاهو عند H ولا هو عند L..وفيه شئ حق الفولت وش يفيدني فيه ...
الحراره طبيعي يكون في النص الزين نفس الحكايه يكون في النص اما بالنسبه للفولت فيعلمك ان الدينمو يشحن طبيعي ويكون في النص اما اذا كان عالي جدا فهناك مشكله واذا منخفص ايضا

ومعليش الكلام طال ..بس والله مالي غير الله ثم انتم ...الى الحين فوق 2500 ريال حاطها فيه مع اني لو دريت عن شغلتها ما توصل معي 1200 ريال ..وانتم ادري باهل الورش ...

عندي اضافه بسيطه لاهنتو ...

يوم توصل السرعه 100 ..يرج الدركسون في يدي شئ بسيط ..
ويوم ادعس فرامل برضه يرج شئ بسيط ...هل هذا وزن اذرعه والا اغير الكفرات الاماميه
مادامك خسرت وغيرت جميع الأغراض المذكوره الي فوق فحاول انك تغير الاقمشه وتغير الكفرات وترصصها وايضا توزن الاذرعه والمقصات ميزان كمبيوتر

ودمتم بود

واذا عندي شئ جديد ابشرو مايغلى عليكم ..


تحياتي :xyxwave: