ما شاء الله تبارك الله
بعطيك العافيه أخ اليكي بصراحه كان يهمني اعرف هالمعلومات عن الاكسبلورر من احد مستخدمي السيارة بس عندي كم سؤال اتمنى تجاوبني عليهم لو تكرمت :
* كم موديل السيارة اللي معك واي فئة النص فل او الفئة السياحيه؟ ووش يسمون لونها وكم صار للسيارة معك الى الآن ؟
* حسب علمي الاكسبلورر 6 سلندر بقوة 230 حصان ( ضعيف نسبيا مقارنه مع المنافسين ) هل تشوف ان عزم المكينه وقوتها في الخطوط تحديدا ممتاز ؟
* كيف صرفيه البنزين ؟ ووش هو المقاس اللي غيرته لكفرات السيارة ( حسب الصور كفرات هانكوك )
* كيف جودة السيارة الداخليه وهل هي مريحه واعتماديه في الخطوط الطويله ؟
* كيف مستوى التكييف ؟
* هل تكلفة الصيانه عاليه ؟ وهل تعامل الصيانه جيد ؟
آمل ان يتسع صدرك لكثرة اسألتي والله يبارك لك في السيارة
1- بالنسبه للقوه مالاحضت ضعف << لاني ماني راعي تطعيس قوي ولا مجاكر . بس يمكن قوة المكينه مناسبه لوزن السياره.اما بالخطوط فممتاز جدا( افضل من منافسينها ):xyxthumbs:
2- موديلها 2008 الون يسمونه حجري او زيتي غامق القريب للاسود وفئته اقل نوع وفرقه عن الي قبله فقط حساس للريوس و ازرار قفل عند البيبان والفل كامل طبعا 8 سرلندن وافخم
3- صرفية البنزين : طبعا اخضر اعبيه بـ 33 ريال ويكفيك لمدة اسبوع او اقل . وبالخطوط يوصل الى 400 كيلو بالراحه وجربت عبيت احمر على شان بشوف وش الفرق .. بصراحه مالحضة اي فرق الا ان الاحمر زود 10 ريال بس :tongue:
4- مقاس الكفر ( 265-70- 17)
5- بالنسبة للديكورات من داخل اركبه واحكم بنفسك .
6- المكيف امممممم :c0214: بصراحه ماقدر اقولك انه 100 % بس ماتشتكي منه . يعني التويوتا والنيسان احسن مكيف . بالنسبه لمكيفه فيه امامي ووسط وخلفي وتبريده زين بس يمكن اذا وقفت تحسه انه يتغير شوي بس . ولا هو عيب قوووي .. يمكن فيه ناس مايلاحضه.
7- بالنسبه للصيانه :
ممتازه وتكلفتهم ماهي غاليه . كل 8000 يمكن بحوالي 333 ريال مع تغير زيت وسيفون وبعض الشغلات . الا اذا مشى على ماضن 16 و 30 و 45 تكون بحدود 1500 تقريبا ..
بس بحكم تجربتي . كنت امشي مسرع بالبر ودخلت بوصط كومة تراب وصدمته وتحرك الاديتر . طبعا مالاحضت الشي الا يوم جيت للوكاله . لانه ماهو خربان بس كراسي الاديتر تغير مكانه . طبعا قالو لي نبي نغيره لك لازم وانا رفضت << كنت احسبه بفلوووس :tongue: ... قالو لازم على شان الضمان . قلت لهم توكلو على الله .. وفعلا غيروه واعطوني المفتاح وقالو توكل على الله ؟؟؟:confused1: استغربت وقلت ليش والفلوس .؟؟ قالو على الضماااان ...
ومره ثانيه جيتهم وقلت لهم البطاريه ضعيفه وكل شوي تطفي << كنت اولع عليها لمبة الكبوووت << قامو وغيروها :bigggrin:
و و و اشياء كثيره بعد غيروها لي وكان السبب مني انا سوء استخدام وهاذا الي خلاني استمر معهم الى الان.
ومستعد لاي اساله .
