بسم الله الرحمن الرحيم
السلام عليكم ورحمة الله وبركاته
حبييت اطرح في هذا الموضوع قضية السيارات والمويه واخص بالذكر مياه الامطار
بعد نزولها بفضل الله
اتكلم عن السيارات الصالون بالذات لانها هي اللي تعاني من هالمشكله
لانها قريبه من الارض بشكل كثير فــ معرضه لمياه بشكل اكبر
وغير ان حماية السياره قليله من هالناحيه
الكل منا مر على مويه فالطريق وحس انه توهق .. خصوصن اذا واجه نقعة مويه
والبعض منا مر عليها بسلام والبعض الاخر مر عليها وماخلى مروره الا بمشكله
ياليت تطرحون المشاكل اللي واجهتكم
وهل منكم من غرقت سيارته نفس خويكم اما في نقعة مويه او بحر ؟
انا ببتديكم بسالفتي موتري لومينا SS كوبيه 2004 اللي هي باب واحد وعلى يديني وكاله
مريت على نقعة مويه وللأسف ماتوقعت في طريق يوصل الماي فيه لين نص السياره
وغرق الموتر تقريبا وصل الماي نص الباب لدرجة ان ماي المطر تسرب من الباب ودخل الى الداخل ووصل الى كهربة الكراسي
وديت الموتر الكراج ظبط الكهربا كمبيوتر ظفيره لكن للأسف المكينه خبطت
والموتر تخمر من الداخل
نصيحتكم لي
هل يسوى اني اتوكل على الله وابتدي اصلح الموتر اغير مكينه اشيك على القير
ويكون الموتر على يدي عارف كل اللي فيه
لان هذا اللي انا ناويه ان شاء الله
او اني اشيل هالفكره من راسي لان السياره دخلها ماي وصدت وماعادت تنفع ومن هالكلام
اخوكم الخالدي
