السلام عليكم ورحمة الله وبركاته ...
بدخل في الموضوع على طول ياشباب أنا قبل أسبوعين ولله الحمد مطلع
سوناتا 2010 وبحمد من الله وفضل منه السيارة تمام إلا من بعض الحاجات
البسيطة مثل ( زنه في القير عند التعشيق + حدفه على اليمين فوقـ 100 كم ) :c0038:
المهم ما علينا هذا مو موضوعنا ...... >> إخلص بس
يوم كملت الـ 1000 كيلو وديت السيارة للصيانة وتفاجأت بعد الفحص إنهم ماغيروا
زيت السيارة بحجة عدم الحاجة وأن التغيير راح يكون في صيانة الـ 5000 آلاف
وسبق إني نزلت موضوع فيه إستفسار في هذا الرابط
http://www.assayyarat.com/forums/showthread.php?t=197876
وأنا مبدأياً أقتنعت بهذا الكلام لكن بصراحة بدأو بعض الشباب يخوفوني ويقولولي
لا تسمع كلام الوكالة وغير الزيت حرام الماكينة جديدة وكلها 100 ريال تغيير زيت
مع فلتر أصلي من الوكالة وماراح تخسر شي أبداً .... المهم ما غيرت الزيت وأستمريت
على الزيت إللي جا مع السيارة لين قبل كم يوم بدأت أحس السيارة مو طبيعية وفيها كم
صوت يخوفوا في الماكينة وأنا قيدني مشيت 1400 كم المهم قلت بأتوكل على الله وبغير
الزيت كلها مبلغ هين أحفظ فيه ماكينتي وأطول بعمرها بإذن الله - سبحانه وتعالى -
ومريت على الوكالة وأخذت فلتر أصلي وبعدها رحت على مركز قلف إكسبريس للصيانة
السريعة وطلبت من العامل الفلبيني بدء إجراءات تغيير الزيت و وقفت على راسه أراقب
عملية التغيير وأنا كلي شوق أشوف شكل الزيت الأصلي في السيارة إللي من المفترض
إنه يكون مثل الجديد بحكم إني ما مشيت على السيارة إلا 1400 كيلو وطبعاً لا سافرت
فيها ولا شغلت مكيف بحكم إنها في فترة التمرين يعني بإختصار ما بذلت فيها أي مجهود
يستوجب إستهلاك الزيت .... المهم قعدت أنتظر نزول الزيت والعامل يفك الغطاء إلا
وأحس الكهربا أنطفت في جده كلها !!!!! :a1120(86)::confused1::blue:
أطالع إلا أشوف عيوني إللي طفت بسبب المنظر إللي شفته !!! >> طيب و شفت ؟؟؟
ياجماعة الزيت محروق على الأقل بنسبة 70 % وغير صالح بل بالأحرى حرام أنه
يستخدم في سيارة جديدة !!! :c0038: وطبعاً الحمدلله بعد التغيير السيارة أحس إنها رجعت
كأنها جديدة >> ماشاء الله تبارك الله إذكروا الله يا جماعة الخير و فعلاً وأختفت جميع
الأصوات الغريبة وهذا كله من فضل الله سبحانه وتعالى فقط لاغير وطبعاً هذا درس
يثبت إن الوكالات عندنا هنا طول عمرهم حرامية وما يخافوا رب العالمين وما يهمهم
مصلحة أي أحد غير مصلحتهم وبس لكن حسبي الله نعم الوكيل عليهم ونصيحة يا شباب
أي أحد يطلع سيارة جديدة سواء سوناتا أو غيرها لا يتهاون أبداً في موضوع الزيـــــت
لأنه موضوع مافيه لعب أبداً .....
وبالتوفــــــــــيق للجميــــع ,,,
