عندي الجمس اليوكن 2008
تولع لمبة ثبات الجهاز بالارض وتولع لمبة المكينه
يصير الموتر مايمشي ادعس له للاخير كنه يقطع
ويطلع في الشاشه الكمبيوتر اصلح جهاز ثبات العجلات بالارض
لقد انخفض مستوى الطاقه
ما ادري ايش الحل
اخوي إن كان السيارة على الضمان دخله الوكالة وريح راسك وإن كان إنتهى الضمان او الصيانه ماسويتها عندهم في ورشه في الصناعية القديمة فيها واحد باكستاني كان يشتغل في الوكالة وبعدين ضهر من عندهم اسم الورشة الإمتياز و إذا مالقيتها إكتب لي واجيب لك رقمها وفي وحده ثانيه إسمها الجميح بعد في الصناعية القديمة والله يعينك والله ذا اليوكون يضيق الصدر هو والتاهو والسوبربان ياكثر مشاكلهم والوكيل حرامي في حرامي
اخوي افصل البطارية لمدة ربع ساعة الى نصف ساعة وشوف ترى انا نظفت الثروتل وحركة البوابة والسيارة شغالة فجاني افحص جهاز تحسين الثبات وولعت لمبة المكينه جاني (انخفاض مستوى طاقة المحرك) وفصلت البطارية وراحت المشكلة والله يعينك للمعلومية السيارة يوكون 2005
اول خطوة تسويها تشيك على جميع الفيوز لأنه فيه فيوز لكل شيء تقريباً وهي المسئولة عن خراب اي شيء 0
اذا كانت جميع الفيوز سليمة شيك على الكتاوت وشف حدايد او مشقبيات الكتاوت فكها يمكن تلقى فيها سواد وهذا دليل على خرابها واذا كل الفيوز والكتاوت سليمة ففحص الكمبيوتر راح يبين لك الخراب في الحال0 بالتوفيق
