صور السيارة بعد الحآدث و الوكآله تقول نزينها بـ 46 ألف ريال

FaHoDy · 2010-02-24T00:07:19+03:00

كتبت موضوع بنفس اليوم اللي صار فيه الحآدث .. http://www.assayyarat.com/forums/showthread.php?t=199734 قبل لا أوديها الوكاله عشان اعرف بكم أصلحها عندهم .. كنت محتار الحقيقه بين تصليحها في الوكآلة او إني أنطلها عند ورشة تزينها لي و أوديها للمعارض أبيعهـآ .. اليوم طلع التقرير و السيارة بتكلف 50 ألف ريـ

FaHoDy @user_84441 صاحب الموضوع · 25-02-2010

الله يسلم روسكم يا اخوان اشكركم بصراحه على هالوقفه الطيبه اللي تدل على معدنكم الطيب و انا استفدت من كل الردود الله يعطيكم العافيه ماقصرتم و اخص GLX2007 ، سعود رويال و لا يهونون بقية اللي افادوني بردودهم

انا خلاص ماعاد بستعمل السياره يعني بصلحها و بوديها للمعارض ابيعها على اساس اسدد المتبقي من القرض و الله يعين اشوف لي سياره بديله تكون بمستوى الاوريون و انا حاط اكثر من اختيار بين اللكزس أي اس و المكسيما و هذا اختيار مبدئي و بإذن الله مابستغني عن مشورتكم بيض الله وجيهكم دمت بكل الود

الاداء التقني @user_209553 · 25-02-2010

اهم شي السلامة

أبو ماجد البشري @user_109566 · 25-02-2010

حتى لو تكلف 20000 الف بالورش صلحها عندهم ترا الوكاله بالنهايه ورشه لااكثر بالعكس فيه ورش افضل من الوكاله بكثير بس انت لاتطري للورش التكلفه بالوكاله وبعدين السياره لما يصير لها حادث حتى لو صلحتها بالوكاله مستحيل ترجع زي اول وكذلك معرضه للحوادث انا كان معي سياره صدمت عليها مرتين وبنفس الوجهيه وبنفس المكان اسمكر ومشي لوكل مره ابروح للوكاله اخذو على قيمة سياره جديده

الحمدلله على السلامه وبالتوفيق

بوغاتي فيرون @user_144364 · 24-02-2010

الصدمه غير قوية
وماأدري ليش 46,000

لكن تصليح السيارة ماراح يتعدى 10 الى 15 الف

والله يوفقك

تحيااااااااتي

GLX 2700 @user_175555 · 24-02-2010

ماشاء الله مادام انها ما طلعت الايرباقات هذا شيء طيب لانها مكلفة لو طلعت

و الحمد لله على سلامتك

شف لو تبي توفر 50 بالمية من القيمة روح للتشاليح

مثلا انت محتاج الان

كبوت قول 800 ريال + بويه 200 ريال
شبك تقريباً 500 ريال
صدام حوالي 700 ريال + بويه 200 ريال
شمعتين 1000 ريال
يمكن تحتاج رديتر و مراوح و بس

و الشغل ما فيه شغل كله تركيب

و الرفارق سليمة

يا رجال ما تكلف سيارتك و لا 4 الالاف وش 46 الف مجانين ذولي ؟؟

M.Suliman @user_144789 · 24-02-2010

اف اف اف والله حرام حرام حرام شي ما يدخل العقل
50 الف ثمن تصليح سيارة لا ماكينة تضررت ولا الشاصي يعني البودي والبدي ما يكلف هذا المبلغ مستحيل السيارة اصلا سعرها 100 الف تقريبا يعني انت تقول راح تدفع نصف سعر السيارة على جزئ بسيط منها
لا نصابين مع كل احترامي بس لو كنت اعرف ورشة والله من عيوني
الحمد لله على سلامتك اهم شي

سعود رويال @user_24789 · 24-02-2010

في ورشة ممتازة في الصناعية القديمة جنب تشليح العضيب

اسمها ورشة المدار

البوية مثل بوية الوكالة
اشتر القطع من التشليح واشتر رادتير جديد

يمكن ماتكلف عليك الا 5000 ريال

سمير الحازمي @user_212086 · 24-02-2010

سلام عليكم حمدلله على السلامه اخوي اذا للك نية تبيع انا شراي هادايميلي
[EMAIL="[email protected]"][email protected][/EMAIL]

فهيود @user_199978 · 24-02-2010

يارجال برا ماتكلفك 10000 توكل على الله وبس

mso @user_92904 · 24-02-2010

الحمد الله صدمتك سهله وانا اخوك وهينه

انا توقعتها شي كبير كلها شمعتين تشليح ورديتر وصدام

والباقي سمكره وهذي كلها على بعضها ما تكلفك اكثر من 10

وانا اتوقع التكلفه 7 وفيها اذا القطع تشليح والباقي سمكره

الحنش الأسود @user_211053 · 24-02-2010

يارجال برا ماتكلفك 10000 توكل على الله وبس

أبوهذال @user_79203 · 24-02-2010

الموتر اوريون صح

ياخي بالـ 46 الف صلحها برا و انت اللي جب القطع و رشها فرن لو تبي بعد غير لونها و الباقي خذ لك به سفره و بيبقى معك باقي

يا راسي 46 الف = قيمة ددسن غمارة جديد !

الملك 704 @user_138060 · 24-02-2010

الوكالة

إسم على مسمى

وكالة من الاكل

ابو خلود. @user_138684 · 24-02-2010

لا
صلح برا اوفر

قايد الكامري @user_204781 · 24-02-2010

شكل راتب الموظفين الشهر ذا عليك
صدقني ماراح تتعدى 12000 بالكثير اذا كل القطع اصلي وفي ورشة معروفه

mr.nawaf @user_146286 · 24-02-2010

يفيدونك اهل الرياض

لكن الصدمه ماهي قويه حيل

تقبل شكر وتقدير اخوكم { mr.nawaf }

وضح النقاء @user_82653 · 24-02-2010

اخوي الوكالة دائما غالية وبعدين وش يفرقون عن الصناعية
رشتهم مش حالك صح يركبون البوية تمام لكن الرشة والسمكرة وتطبيق البدي كله على بعضه عادي مثلهم مثل الورشات

لو بغيت رايي اسال عن ورشة زينة ولاتدفع اكثر من المعقول لان صدمتك يا خي والله بسيطة ماتستاهل كل الضجة هذي
والحمدلله على قضاءه وقدره
اتوقع تكلف اقل من عشرة الاف ريال يعني سبعة الاف لان قطع الكامري رخيصة والصدمة ليست قوية

عاشق القوة @user_140513 · 24-02-2010

اخوي اولا الحمدلله على سلامتك
ثانيا الله يعوضك خير ويكفيك شر كل حسود
صراحة أنا أشوف أنه الصدمة ماهي بالحيل صلحها خارج الوكالة يمكن مايكلف حتى 10000 ريال و إذا جابت لك قيمة زينة بعد التصليح بعها وخذ لك موتر جديد

فكتوريا2000 @user_209014 · 24-02-2010

تبغى الصراحة حراااام 46الف والله حرام ونصابين

مثل ما تقول المكينة والقير ما جاها شئ وهي الاهم خلاص

رح برى صلحها سمكرة والرديتر اهم شئ يضبطونه

وعوافي ان شاء الله وما تشوف شر غيرها يا رب

اما ورشة بصراحة ما اعرف بس حتى انا اسمع ورشة الوفاء

واتحدى اذا تعدت 20 الف ثمن تصليحها

وانتظر باقي الاعضاء هم بيفيدونك اكثر مني