وش اكثر شي تكره وانت تسووووووق؟؟؟

اكره شي عندي الباصات النقل وكمان لما يجيك واحد مسرع ويدوس فرامل قوي

وانا ادوخ مدري وش اسوي

والله الموضوع حلو وهادف الصراحه وماعليك من احد يارجال .. يقولك انه موب حلو .. وانا ععاجبني واذا تبي الجواب هذا هو > اكره ماعندي اني اكون مهدي واللي وراي مستعجل تقل الجنه قدام يبي يطلع من اي جهه ويدق بواري ويسوي وو وو وو عشان يتعداني ويحسب ان نص دقيقه بتفارق معه .. لكن من ناحية التكبيس .. ياشيخ جب لمبة ملعب زنن ودخلها في عيوني ماراح اقولك شي .. يعني تكبس ماتكبس مادريت عنك .. وبالنسبه للتكاسي ما اشوف فيهم شي وسواقتهم حلوه صراحه ومايغلطون .. لكن الغلط في الشاحنات احيانا ..وبالنسبه اللي يجيك ماسك اليمين عند اشاره عشان يمشي قدام ترى كل الدعوه دقيقتين ويمشي لاتعصب وهد امورك وخلك راكد وراح تفلح ان شاء الله ههههههههههه

الله يعين على ها السواقين يجيك يلف عليه يمكن تسلم منه او يصدمك ام اذا نزلته ليش ياصديق كذا قال مافي معلوم بالله وش تبي تسوي معه انا من ناحيتي يرتفع ضغطي الفين من كلمه ما في معلوم

لا جاء واحد راعي الجيب وراك رافع النور (( العالي )) وفي شارع مظــلم

لا صار الدائري زحمه وفيه ذبااب متسللة السياره وياذيك وانت طالع من الدوام مالك خلق :@

اللي ما يستخدمون الاشارات يوم ينزلون على خطي

حفريات - المطبات- المرور تفتيش في خط السريع بعد مخرج 2 << يسببون زحمة- الزحمة- السواقين الاجانب باكستاني - بنقالي - هندي- التكاسي<< هم سبب الحوادث

والله شوارعنا الله بالخيييييييييييير والوضع ماشي على البركة


شوارع مكسرة وسواقين ما يعرفون يسوقون تقول حيوانات

روح طريق الجبيل وشوف كيف السواقة هناك

تمشي نظامي 120 وماسك اليسار ,,, اببببببببدا ما يخلونك المسرعين ويا كثرهم لازم شططططططفففففف,, واذا تمسك النص ما تقدر تعدي الــ 100

طيب انا وش ذنبي ؟؟


واذا تدق اشارة يمين او يسار يتعمدون يدعسون ,,, وش النذالة هذه ؟؟



والمرور ما همه الا فلوس المخالفات



فعلا شي ينرفز

التكاسي والتريلات ..... الغبنه والله ,,,,

اكره ماعندي اللي يمسك المسار الايسر ويمشي 40
ولو دققنا كثير الاشياء نكرهها موجوده في البلد
لكن عندي هذي اهم شئ

[img]http://store2.up-00.com/Mar10/DfI78960.jpg" alt="" loading="lazy" class="post-attachment">[/IMG]

هاذي اللوحة تحزن عند الدوار

بصراحة موضوعك اخوي جدا ممتاز ...
أنا اللي يقهرني انه بعض الشباب هداهم الله مدري وش يحس به.
ماعنده ذرة ذوق،،، يجيك عند الاشاره ويرفع على صوت المسجل ولا يحترم خصوصيات الغير،، يمكن احد توه فاقد غالي عليه ..او شخص ما يسمع الموسيقى ....وخوينا مسوي الا يسمع الناس....
بصراحه هذي اكره عاده عندي اشوفها .....

اما انا صراحه ما يطفشني في الحياة الا اهل الددسن والهايلكسات كني شايق ابليس قدامي بذات اذا جاء شاق الشكمان ويداعس عند الاشاره يبغى يعلم الناس اني قوي

اللي يتعداك من اليمين

هههههههههههه والله انك صادق

عندك شعب عبيط

لو تدق اشاره يسرع علشان ما تدخل قبله

لا وتلقاه يناظرك بعين (( يعني خير تبي تسقط علي )) :bigggrin:


مدري نجاسه :bigggrin: او عباطه :bigggrin: او بثاره :bigggrin:

واذا لفيت بدون ما تدق اشاره تلقاه يقول هذا مهمل هذا يسبب الحوادث وهذا وهذا :rolleyes1:

وغصب عليه ينطق وراك :xyxthumbs:

موفقين :wink:

اكره شي اللي إذا شافك داق إشارة و هو بعيد يدز و يجيك مدرعم ما يبيك تدخل

ما ودك تدق إشارة عشان تدخل قبل لا ينتبه لك

موضوع أشطة يا أشطة .

انا اكره الحفر حقت الصرف الصحي الله يكرمكم الحفرة الوحدة عمقه 100 متر قسم بالله يا ترج الماركيز رج اه يا قلبي عورني .