صار لي فتره طوووويله مادخلت المنتدى وماشاء الله صارت تغيرات كبيره بالنسبه لي :)
على العموم انشاء الله الجميع بخير وحبيت استشيركم في مشروعي الجديد :bigggrin:
لقيت مازدا MX5 موديل 1992 بحالة جيده جدا (ماعدى انه الدفرنش ضارب وهذي سهله)
انا فيني حب غريب للسيارات الصغيره وخصوصا لما تكون 2 سيت وتجذبني فيها انه سواقتها فنانه بمعنى الكلمه وماتحصلها في السيارات الكبيره (واللي تعتبر ممله بالنسبه لي)
المهم انا قررت اشتري السياره وسعرها جدا جدا مغري ..... طبعا السياره صار لها واقفه في كراج اكثر من 8 سنوات = تحتاج سيرفس كااااامل
عندي شخص اتعامل معه في اليابان وسألت عن جميع القطع وفي النهاية حصرت انه تجديد السياره بالكامل + قيمة السياره ماراح تتعدى الـ 10 الاف ريال
اللحين الخطط شبه تغيرت شوي ....
السياره قوتها تقريبا 120 حصان من محرك 1600 سي سي انجكتر مع جير عادي 5 غيار (محركها الاصلي)
وانا ابغى استشيركم في 4 خطط (شدعوه مدرب منتخب وطني كخخخخ)
الخطه الاولى: اجدد الموتر والمحركات وانظمة التعليق والجير والدفرنش بالكامل إلى حالة الوكاله
النتيجه: MX5 وكاله وبتكون الوحيده في قطر .... 120 حصان تقريبا على سياره وزنها 900 كج
التكلفه: 10 الاف ريال
العيوب: لايوجد (من وجهة نظري كاستخدام يومي) لكن بتكون السياره بطيئة جدا جدا (120 حصان ماتوكل عيش .... الكورولا اللحين تجي 150 حصان)
الخطه الثانيه: اجدد الموتر بالكامل لحالة الوكاله + تيربو كت
النتيجه: تقريبا 160 حصان على مكينة الوكاله ...... تصل إلى 300 حصان إذا تم تجهيز المحرك للتيربو واستخدام يومي من دون مشاكل :xyxthumbs:
التكلفه: 25 الف ريال
العيوب: بيكون كل شيء 100% من شركة مازدا وهي ميزه ممتازه ...... لكن السعر مرتفع جدا :blue:
الخطه الثالثه: اجدد الموتر بالكامل + جير ومكينة نيسان سلفيا SR20DET
النتيجه: 220حصان كبدايه وتوصل إلى 300 حصان والوزن ممكن يوصل 1000 كج
التكلفة: 15 الف ريال
العيوب: لايوجد (لكن انا اكره السياره اللي تكون من شركه والمحرك بيكون من شركه اخرى)
الخطه الرابعه: اجدد الموتر بالكامل + جير ومكينة تويوتا ألتيزا 3SGE
النتيجه: 220 حصان بدون تيربو وممكن توصل 400 حصان مع تيربو صغير ... الوزن يوصل 1000 كج
التكلفه: 15 الف بدون تيربو ....... 30 الف مع التيربو
العيوب: لايوجد (لكن انا اكره السياره اللي تكون من شركه والمحرك بيكون من شركه اخرى)
الملخص ....
انتوا من وجهة نظركم .....
شنهو الافضل ... سياره شد وكاله بس بطيئة .... سياره بمحرك وكاله ومعدل بقوه (يكلف) .... سياره بمحرك من شركه اخرى اقوى (سلطه خضروات.... وانا ما احب السلطات :blue:)
ارجوا التصويت
وهذي صوره للسياره للي مايعرفون المازدا MX5 موديل 1992
