مشكله في القـير بعد التوظيب

هلا بالغالي

لو المشكله كبيره صح

لكن المشكله صغيره وماتحتاج 999 ولا لها فايده

يعني بيقولون السياره تمشي مافيها شي

والصراحه انا من برا الرياض انا ولا لي بالدوخه والقلق

لكن نقول ان شاء الله لان القير جديد بعدها يضبط ويرجع زي ماكان :smile:

الف شكر

هلا ابوسعود

والله هذا المفروض الصرااحه

بس يلا المره الجايه ان شاء الله

الف شكر

هاذي ال3 نقاط الى ذكرتها

الف شكر اخوي على التوضيح

صدقت

بس ممكن الى بتحصله بالتشليح على اخر عمره زي سيارتي كمثال ؟

يعني فتره ويخبط

وممكن مفكوك من اول بعد

بالعكس التوظيب احسن للي بيستعمل << مافيه نيه بيع اطلاقاً :bigggrin:

تحياتي

سلام عليكم صباح الليل كيف الحال انشاء الله بخير
اقول أخوي تعرف 999
أضن أنك تعرفها وانا كمان معلمها أخوي الصغير
حبيبي وقف السياره قدام بوابه المحل وكلمهم ع الموضوع ماشفتهم تفاهموو معك
اتصل على الشرطه والله ثم والله ماراح تاخذ السياره الا وهي زي أول
مشكلتنا أننا نتنازل عن حقنا شاللي تخليها ثلاث شهور يمكن تزبط بعدين منزل برنامج على جوالك حبيبي أنت دافع مبلغ وقدره
والله لو معطيهم عشره ريال ومانفع شغلهم مايشم الفلس
مثل مقلت لك خل السياره ببلاويها ورح للمحل ودق ع الشرطه وخلهم ياخذوون راعي المحل وياخذوون عليه محضر أنه راح يسوي السياره بوقت محدد واذا ماسووها راح يقفلوون المحل
أنت سعودي حقك مايضيع عند الحكومه
سلاام وسامحني

خذها مني نصيحة لا تثق في الميكانيكية اول شيء اذا بغيت توضب قيرك يجب التأكد ان قيرك يحتاج توضيب او لا واذا اجمعو على توضيب القير فعليك ان تسئل عن شغل يده في توضيب القير فقط من دون قطع اذا عرفت السعر تبحث عن اقل سعر شغل يد في توضيب القير في ورش توضيب القيور و اسئل عن القطع المراد تغييراها في القير وسجلها في ورقة 0 وعند الاتفاق على التوضيب شغل اليد فقط قله فك القير على ما اجيب قطع الغيار وروح اشتري قطع الغيار الاصلية وتكون GM ولا توديها للميكانيكي اصبر
دق عليه في الليل واستفسر هل فك القير ام لا اذا قال ايه فكيناه قله انت فاضي بكرا الصباح اجيب القطع تركيبها وقالك ايه قله بكرا اجيب القطع وانت من الساعة 8 صباحاً متواجد عنده وتخليه يركبها قدامك وترا المسئلة كلها ما تأخذ اكثر من ثلاث ساعات بالكثير وعد نفسك في مخيم في الثمامة ههههههههه طبعاً هو بيحاول يصرفك انشب له صحيح بتتعب ولكن بتأخذ قير جديد ما فيه كلام ولو خليته يشتري قطع الغيار بيحط لك تجاري ويمكن مستعمل 0 تحياتي للجميع

فكرة ماكينه مستخدمه او قير مستخدم الايجابي فيها وقت انك تبي تبيع السياره او تبي تستخدم

ولكن انت وحظك راح تحصل نظيف ويعيش معاك او راح ينتهي لأن للأسف الشديد ماتدري كيف

كان استخدام الماكينه او القير ,, هل هو محافظ ومنتظم في تغيير الزيوت او لا ..!!

طبعا التوضيب حسب الورشه واهمها المهندس الي يشتغلك السياره والقطع الي تستخدمها

اضف على ذلك الضمان الي راح يعطيك الورشه تكون كذا مرتاح نفسياً وكل شئ جديد

أخوكـ

يا اخي وش لك بالتوضيب سواء للقير او المكينة يمكن يضبط ويمكن لا
عندك طال عمرك هالتشاليح مليانة مكاين وقيور غير مفكوكة من قبل ويعطونك عليها ضمان
مدة كافية

صدقت

ابخليه كذا 3 شهور وان شاء الله يضبط :smile:

الف شكر لك

صدقت :blue:

الف شكر اخوي

^^

هلا بالغالي

اسعدني مرورك على موضوعي

اقصد فيها اني كنت امشي تقريبا 60 وجيت ابتجاوز سياره ودعست وسمعت صوت ضربه قويه جداُ من تحت وبعدها القير صار زي الفاااااضي

وقفت وشيكت على الزيت ولقيته محروق :(

وصار يمشي بـ R فقط .!

اما اذا عشقته على D تسمع صوت ونه فقط لاغير كل النمر كذا فيها ونه بدون ماتتحرك

وعلى كلامهم انهم غيرو الكلتشات والصحون .! الصحون والله اول مره اسمع فيها خخخ

اصلا من جبت لهم السياره قالوا علطول 1800 التصليح .!!

قلت طيب ممكن يحتاج اقل ؟ ممكن يحتاج اكثر ؟؟

نصابين وربي بس يلا راحت

تحياتي

يعني ايش الي صار عندك كيف خبط مايبدل او يبدل بصعوبه
او السيارة ماتبدل بالمره او ماتمشي
و الجير ممكن يحتاج ميزان ممكن يحتاج ظفيره ممكن يحتاج قياس زيت
قبل ان يتم انزاله و تصليحه وايش صلحوا فيه

هلا بك اكثر

بصراحه اذا التعشيق تحس فيه نتعات خفيفه بعد التوضيب احيان يكون عادي لان الكلتشات توه جديده

ولكن بعد فتره راح تشوفها ترجع طبيعي والحمد لله معاك سنه وشوف هل المشكله راح تروح ولا لا

لكن اهم شئ واضب كعادتك على الزيت والفلتر و راقب القير فيه تأخير في الاستجابه او التلقيم

أخوكـ

ياخي هدول عندهم نصب كبير دير بالك منهم
المهم انو في ضمان وخليهم يسوقوها ويشوفو المشكلة
الله يعين

^^

هلا وغلا

اسعدني مرورك

بالنسبه للتعشيق لاطبعاً وانا مهدي

يعني دعسه عاديه وسط

وراجعتهم يقولون طبيعي 100% وهذا شغلنا

اقولهم اول مو كذا و و و

بس عاد وش يفهمهم

ومحتار بأمره الحين