الرجاء من ذوي الخبرة حل اللغز الغريب الذي أصاب سيارتي

مساء الخير عليكم جميعاً ,,, تم حل اللغز الغريب الذي اصاب سيارتي ولله الحمد وكانت جمية المشاكل بسبب بطارية السيارة أوشكت على الإنتهاء أو اصابها خلل ما لأنه عندما اشتريت بطارية جديدة انتهت جميع المشاكل : الباب يفتح عن طريق المفتاح بسهولة وعودة الريموت للعمل بعد توقفه والتحكم بزجاج السيارة عن طريق المفتاح واختفاء رسائل التنبيه والوميض على الشاشة و عودة كمبيوتر السيارة للعمل بشكل جيد .. ما شاء الله تبارك الله ولا حول ولا قوة إلا بالله تم حل جميع المشاكل بسبب تغيير بطارية السيارة للفائدة دمتم في رعاية الله

hello namir how are u all ?

يسعدلي مسائكم يا شباب ويعطيكم العافية انا وضحت في كلامي قبل ان مجموعة معي حاولو اخواني واصدقائي وقت المشكلة مو بس انا لحالي عشان تقول يمكن اكون متوتر علماً بأني سافرت ولم أعمل اي شي بالسيارة وعندما اعود سوف اخبركم بالتفاصيل وماهي المشكله بالضبط لكي تعم الفائده على الجميع تحياتي

يمكن انك متوتر ولم تستطسع فعل شي كيف بصاحب المفاتيح فتح الباب بسهوله بدون مشاكل ممكن انه من المفروض تدخل المفتاح الى الاخر او شي ما قد حصل ونمر معه حق في اصرارة على ان المفتاح اليودي يفتح بدون كهرب وهو موجود لهذه الحالاات الضرورية
في انتظار باقي القصة ؟!!!

ياشباب اعتقد بأن مشكلة السيارة بسبب البطارية راح اغيرها واعطيكم النتيحة للفائدة ان انتهت مشكلة السيارة الغريبة

مفتاح السيارة يجب ان يفتح الباب يدوياً وكل ما عليك شراء بخاخ مزيل الصداء وتركيب انبوبه في البخاخ وترش مكان دخول المفتاح وهذي صارت معي المفتاح لا يدور لا يمين ولا يسار وبعد رش البخاخ الامور تمام والحمد لله 0 موفق اخوي

صباح الورد عليكم,,, الله يعينك يالشاعر واعتقد بأن مشاكلنا فعلاً بسبب الحسد والعين .. اما بالنسبه للرهيف معك حق اعتقد هذا اللي صار معي ولكن مو مني لأني اكثر من قول ماشاء الله على نفسي او على غيري يجب ان لا تفوتك هذي النقطه ولعلمك أنا رجل أعمال معروف.. ويعطيك العافية على المشاركة والله يبعد عنا وعن جميع المسلمين مصائب الدنيا ويحمينا من كل شر حاسد اذا حسد ولا تنسو يا اخوان على تعويد السنتكم وقلوبكم بذكر الله وقول ( ما شاء الله تبارك الله ولا حول ولا قوة إلا بالله ) اذا رأيتم أو سمعتو او قرأتم شئ فأعجبكم ..

تأكد من رقم اللوحة
لا يكون مهي سيارتك
خخخخخخخخخخخ

ترا العين حق والشخص ممكن يعين ممتلكاته بدون ما يدري
وانت من خلال كلامك قلت انها في اليوم السابق فتحت لك من مسافة بعيدة،ممكن انك في تلك اللحظة أبهرك توصيل الريموت كل هذه المسافة والله اعلم

الله يكون في عونك ولا يمنع انك تقرا على موية الرقية الشرعية وتنثر هذي الموية على انحاء متفرقة من السيارة

الي صار معك صار معي حاليا وانا محتاس وماني عارف ايش اسوي السيارة عندي اوبل اوميجا ونفس الشي مافي بطارية ولا راضية تفتح السيارة ...

يسعدلي مساءك نمر انحل بعض اللغز الغريب من وحده الشباب دلوني على محل مفاتيح قلت اروحله ايش خسران المهم هذا المحل جيته قبل سنه تقريباً عشان يبرمج لي المفتاح قبل كذا المهم قلت له على الموضوع قالي ابشر الحين اتصل على صديقي يجلس بالمحل واروح معك المهم رحنا للسيارة وقلت له هذا السياره العجيبه خذ المفتاح وريني ايش بتسوي يافالح قالي بالحرف الواحد لا ما عليك قريت عليها الحمدو عاد الله اعلم ايش كان يقصد بهذا الكلام هل يقصد سوره الفاتحة! ولا حركات دجالين ولا مجرد مزح المهم والله بدون اي سبب او حركه غريبه حط المفتاح وفك الباب فكت معاه السياره ( علماً بأنه ليس انا الوحيد الذي حاولت فتحها بل اخواني واصدقائي حاولو معي ) وطلع فيها وشغلها واشتغلت انا ما صدقت اللي حصل قدامي .. المهم وديته لمحله ورجعت للسياره ماني مصدق وافتح الباب فتح معاي واشغل السياره وفعلاً كل شئ تمام ولكن شاشه السيارة اللي فيها الساعه ودرجه الحراره ومعلومات البنزين والرادار وغيره تومض يعني كأن البرمجه فقدت من السيارة واليوم سوف اذهب بها الى شركه صيانه مشهوره لكي ارى مالذي حصل بالضبط (علماً بأن الريموت لم يعمل معي وأشك بأن البرمجه فقدت كيف الله أعلم)

ما اتوقع ان فيه نظام يمنع المفتاح في اغلب السيارة
لان احتمال نفاذا البطارية وارد في اي سيارة
والمفتاح غالبا ميكانيكي ما يحتاج كهرباء ليكون حل في مثل هذه الحالات

حتى انه عند ترك السيارة فترة طويلة ينصح بفصل البطارية و تقدر تقفل و تفتح بالمفتاح دون حاجة للكهرباء

يسعدلي مساءك يا نمر بطارية المفتاح طلعت بحالة جيدة ومع ذلك غيرتها ولم يتغير شئ اما بالنسبه لبطارية السيارة فارغه من الكهرباء ام لا فهذا مستحيل لاني لا استطيع ان افتح السياره بالريموت او بالمفتاح لكي استطيع ان افصح السيارة وكأن السيارة يوجد بها نظام لو تعطل لا يعمل معك اي شئ سواء الريموت او المفتاح لكي افتح الباب على الاقل وانزل البريك لكي اسحبها بالسطحة للشركة علما بأنه تصميم السيارة لا يسمح بسحبها من الخلف بدون ان يكسر الصدام الخلفي بما ان البريك يعمل هل يعقل هذا !!

مفتاح الباب حسب ظني يفتح بطريقة ميكانيكة بحته و لا يتدخل الكمبيوتر في عمله
اللهم انه عند فتح الباب سيعمل جهاز الانذار لانها قفلت بالريموت
فالمفروض يفتح انت حاول

اتوقع احتمال تكون بطارية السيارة هي الي فاضية
ممكن تكون نسيت شي شغال او نور سحب عليك البطارية تماما
وبكذا ما راح يعمل الريموت لو كان مافيه مشكلة
حاول تشوف الساعة او لمبة الحماية هل تعمل الان لتعرف ان كانت البطارية فعلا فارغة او لا

عموما كيف بطارية الريموت هل قست قوة البطارية كم فولت
و المهم هو مقاس البطارية لو حبيت تغيرها ماهو شرط سوني ... باناسونك و انيرجايزر ممتازين فقط خذ نفس المقاس

للفائدة معنى مقاس البطارية و طريقة قراءته مثلا CR3225
32 تعني قطر البطارية 32 مليمتر
25 تعني سماكة البطارية 2.5 ملميتر

ممكن تحاول فتح الكبوت حاول من خلال شبك و جه السيارة تبحث عن طريقة فكه او تتبع الوير الي يفك قفل الكبوت

او شوف لك محل مفاتيح عندهم طرق يفتحون الباب بدون ما يؤثر على الباب او الجلد او اي شي بادوات خاصة ممكن يكون لها حل

و لو لقت دليل المستخدم على النت او كنت حاطه خارج السيارة قد تجد معلومة تفيد

بالتوفيق و الله يعينك و ييسر امرك

عفواً نسيت ان أعلق على موضوع الوكالة ( بالبيد ) وهي من اسوأ الوكالات على الإطلاق حسب تصوري وبحكم خبرتي مع أغلب الوكالات الأخرى وياللأسف ان نجد شركات بها امكانيات كبيره ولكن الصيانة واليد العاملة بها من الجنسيات العربية رغم انهم قريبين من دول هذه السيارات وكثرت استخدامهم لها الى انهم لايفقهون شيئاً وكأن خبرتهم وشهاداتهم اللتي قدمو بها مزوره ياترى اذا تعطلت سياراتنا اين المكان الآمن والموثوق به لكي نذهب اليه علما بأني من ينبع الله يعين ويصبرنا على كل حال

الله يعطيكم العافية يا شباب ما قصرتو في آرائكم ولكن بالنسبه للبطارية لم تخطر على بالي ولكن في اليوم الذي قبله أغلقت السيارة به من مسافة بعيدة هذا يعني ان البطارية بكفائة عالية وفعلاً عملت كما قلتو كشفت على البطارية وهي من نوع سوني واخرجتها وأعدتها مره اخرى ولم تفلح الطريقة وسوف أشتري بطارية اخرى غيرها وابدلها لكي نجرب جميع الاحتمالات ولكن الوقت متأخر الآن أغلقت المحلات علماً بأن المفتاح الآخر اللي من الشركة ( الإسبير ) ضاع مني في فتره سابقه كنت قد ذهبت بها إلى المطار وتركتها في الموقف وسافرت ونسيت المفتاح في جيب مقعد الطائرة ولم افتكره الا بعدما عدت من سفري لكثره انشغالي واردت ان استقل سيارتي ولم اجد المفتاح وكلمت اصدقائي المسؤولين لكي يتعقبو جميع المطارات اللتي ذهبت اليها الطائره ويرسلون بلاغاً بفقدان مفتاح سيارة على متن الطائرة ولم يستطيعو العثور عليه فيعتقد بأن عمال النظافة قد تخلصو منه .. اما بالنسبة لحالة السيارة فهي بحالة ممتازة ما شاء الله لم اعاني من اية مشاكل خلال الست سنوات اللتي مضت وهي فعلاً سيارة تستحق الاقتناء من جميع النواحي وهي كالجديده حيث ان بعض الناس يستغربون من موديلها يفتكرون انها موديل السنه لأنها تحت يدي دائماً هذا يعني انه لايوجد مشكله في كيلون الباب ومازال اللغز مستمرا

هذا يا طويل العمر والسلامه خلل بالكميوتر الظاهر ما صار يستقبل إشارة الريموت...

أو إن البطاريه ضعيفه...

وبالنسبه للمفتاح استخدم السبير وإذا ما نفع فهذا أكيد خلل بالكميوتر ويبيله تغيير...

لأنها محميه ضد السرقه ولمفتاحها كود خاص يتعرف عليه الكمبيوتر...

فعشان كذا ما صار يستجيب الكميوتر..لوجود خلل ما ..

أرجو بأني أفدتك ..لأني مررت بحاله تقريبيه لحالتك...لكن أنا بيجو 2003 (406)

وإذا بتوديها الوكاله لا توديها لبالبيد نصاب كبير وعماله زي الزفت ما يشتغلون بأمانه..

شوف وكالة المتوكل...مع إني ما جربتها..

تحياتي لك..والله يعينك وتتصلح

ممكن بطارية الريموت انتهت
جرب فك الريموت و قيس البطارية و غيرها لو كانت ضعيفة

من ناحية اخري المفتاح الى في الباب المفروض يفتح لكن ممكن لعدم استخدامه فترة طويلة و الاعتماد على الريموت قد يحتاج بخاخ تنظيف و حاول فيه لازم يفتح

اما لو كانت السيارة مملوكة قبلك فقد يكون قفل الباب مغير لسبب ما و يحتاج مفقاح اخر غير مفتاح السويتش