السلام عليكم ورحمة الله وبركاته
مساكم الله بالخير او صبحكم الله بالخير
يا طويلين العمر طالب استشارتكم بخصوص الكامري
قبل ثلاثه اسابيع واللهم لك الحمد اشتريت لي كامري 2008
والسياره ماشيه 96000 كيلو
وهالحين قربت تقفل الـ 100000 كيلو
فأنا ناوي انفض السياره من و إلى
يعني ابيكم طول الله في اعماركم تقولون لي وش اللي احتاج اغيره ؟
وأبي اسألكم عن جنوط الكامري الاصليه بكم احصلها ؟
والميزانيه مفتوحه اللهم لك الحمد :bigggrin:
يعني اي قطعه استهلاكيه يحتاج لها تغيير قولوا لي عليها
و غير كذا هل تنصحوني بعمل تربيط للسياره بالرغم انه ما فيه اي اصوات في السياره ؟
ولكن بحكم شوارعنا المكسره يعني كاحتياط فقط :smile:
وعندي سؤال بخصوص القير لامن اجيت اغير من الاول الى الثاني القير ما يرضى يطلع معي من الاول الا اذا دعست له بنزين ؟
و اذا خليت السيارة تقوم في الثاني فيه مثل الرجه خفيفه هي طبيعيه وفي كل سيارات العادي
لكن هل مع الوقت تضر السياره ؟
واخر سؤال متى اعرف ان الفحمات الخاصة بالكلتش يبي لها تغيير ؟
ادري اني مصختها بس مالي الا الله ثم انتوا
وسلامتكم :smile:
