طالب جامعي محتاااااااااااااار كامري 2011 ولا اكود 2011 ولا سوناتا 2011 ؟؟؟؟

وجهة نظرك هذه : إحترمها , ولكن : كما ذكرت لك سابقاً :

مستحيل مستحيل : أحط ريال واحد من فلوسي مرة أخرى : في سيارة كورية !!!

حتى لو : تقولي فيها مواصفات أكثر من اللي قلتها ..

بـ تقولي : الكوري تطور الكوري تحسن الكوري .. وغيره من كلام ( التطبيل والتفخيم ) ..

أقولك : أنا ما أشتريت سيارتي الكورية الـ 2005 : إلا بعد ما سمعت الكلام هذا وقتها ..

كان يقولوا ويطبلوا ويفخموا : مثل ما هو في الوقت الحالي ..

ولكن للإسف : النتيجة كانت مخيبة للآمال , وفعلاً : تحسفت على كل ريال دفعته فيها ..

فـ لا تلومني : يا عزيزي : على ما أقول : لأنه ما عندي إستعداد إتحسف مرة أخرى ..

حالياً : إذا خيرت بين :

أكورد أو كامري أو سوناتا ..

لـ أخترت : الأكورد , ولـ هذا رشحتها للأخ : كاتب الموضوع ..

ـــــــــــــــــــــــــــــــــــــــــــ

إذا أنت عاجبتك السوناتا : روح توكل على الله : وخذها ..

والله يهنيك فيها , وأن شاء الله تطلع عند حٌسن ظنك ..

أنا : معليش لا تحاول : تقنعني بـ الكوري ..

لأني : أستبعدتها من خيارتي نهائياً ..

وتبقى وجهة نظري : وأحترم كل من يخالفها ..

تحياتي للجميع ~ :xyxwave:

مانع للانزلاق ممتااااز جدا

طيب اخوي ماتشوف سعر السيارة شوي غالي مقارنة مع اللي قبلها ؟؟؟

وفي الاخير السيارة رائعة واعتبرها من اهم الخيارات

اخ حادي العيس

ليش تستخسر الكوري ولا تحط فلوسك فيه مرة ثانية ...!!

انت تتكلم عن سيارة موديل 2005 قديمة

والكوري نهض في عام 2008

والحين السوناتا 2011 وانت تقولي مليانة خرابات وما ادري ايش!!

الكوري يا حبيبي اثبت جدراته بقوة

السوناتا ...شكل احلى من الكامري..

مواصفات اكثر من الكامري ...

فخامة اكثر من الكامري ...

تناسق شكل من داخل افضل من الكامري

اسعارها افضل من الكامري

وقوتها اقوى من الكامري

وش بقي للكامري؟؟!!

فتحة سقف بانورما مو موجود فيها....اوكي نقول ان البانورما مو مهمة

قير تبترونك مو موجود في الكامري !!...وهو موجود حتى بالمازدا 3 2006 ستاندر !!

تشغيل بزر مو موجود بالكامري ....

مسجل سيدي ..في السوناتا الستاندر ....ولا ام بي 3 ومدخل ايبود ...والكامري للحين على مسجل كاسيت صيني

السوناتا نظام التعليق منفصل ....والكامري متصل

وش بقي للكامري ..؟؟

سوناتا 2011 لعدة أسباب :-

1- كورية
2- موديل جديد
3- فخامه داخلية وخارجية
4- أنظمة متطورة ومميزة

أولاً كورية لماذا ؟

لأن في أمريكا والدول المتقدمة تعترف بالإنتاج الكوري كإنتاج رئيسي

وفي المملكة العربية السعودية يقال :-

والله تبطي الكوري لو دفعت فيها هالمبلغ >> فالملاحظ أنه شعب أعمى

لذلك لن نتطور ونحن بهذه العقليات المتحجرة

من واقع تجربة ولد خالتي يمتلك وحده نص فل 2011

الرجل مبسوط مع السيارة للآخر

إشتراها قبل 6 شهور وهي ماشية إلى الآن تقريباً 40000 كيلو ماشاء الله

هو ممرض من الطائف وتم نقله لمدينة جازان لمساعدة النازحين هناك

وكل إسبوع ماشاء الله تبارك الله الله لايضره وهو عندنا

مميزاتها على لسان صاحبها ومن تجربتي معاه

طبعاً سيارته نص فل بدون ABS و ESP

يعني لو أخذت الفل كامل راح تتمتع برساوة السيارات الفارهه
لوجود هالأنظمة فيها

رساوة ممتازة على المنعطفات لحدود 160 والسيارة ثابته ماشاء الله
العزل الصوتي ماتسمع صوت الهوا يضرب السيار إلا بعد 140
العزل الأرضي وهو صوت الأرض عند المشي على سرعات عالية جيد جدا لحدود 120

سيارة ممتازة وداخليه جودتها ممتاه جدا جداً

النور ممتاز في الواطي والعالي جيد جداً

عزم في الخطوط الطويلة ممتاز لأبعد الحدود

......................................

هذا كل مالدي وأي إستفسارات أخرى أنا حاضر لمساعدتك بالنسبة للسوناتا

ملاحظة مهمة :

لا أحد يجي يتفلسف عليك ويقول لك مافيها مواصفات سلامة

هذي في الدفعات الأولى فقط لدى جميع الوكلاء

والحمد لله الآن المجدوعي توجد بسياراته 6 وسائد هوائية والناغي 4 وسائد هوائية

بالإضافة لنظام مانع الإنغلاق والموزع الإلكتروني ليعطيك ثبات أكثر للسيارة

وقبل هذا كله إستخير ربك والله يكتب لك اللي فيه الخير

وإذا ماناسبتك السيارة حط في خياراتك الألتيما لكن قطع غيارها غالية عليك

أما الكامري والأكورد إبتعد عنها وهذي وجهة نظر

والله يكتب لك اللي فيه الخير

الفل أوبشــن بـ90 وشوي

نعم يوجد فيها نظام ملاحه

التراكشن هو مانع الانزلاق

مثال: لو أخذت لفه قويــه وانت مسرع ما تزلق فيكـ السياره
وأيضا في المطر ما تزلق فيكـ

ياحبيبي روح للمازدا
اذا تبي حمار مكده

اقلك شوووووووووووف شووووووووووف هنا بلا كامري بلا اكورد بلا سوناتا روح شووووووف الليجاسي الجديده من سوبارو شكل جديد 2010 مواصفات عاليه جدا وفخامه حتى بالاستاندر فيها تحكم من الدركسون ودفع رباعي وزينون ومواصافات سلامه عاليه جدا جدا وياباني 100% و و و و و والكثير صدقني لو معايا حق سوناتا وكامري واكورد ما اشتري وحده منها اروح عسوبارو على طول يكفيك الدفع الرباعي بس انتا شوف مواصفاتها واحكم وروح شوفها بالوكاله وافتكر سعر الفل قبل رمضان ب95000 الف وفي نوع رياضي اسمو GT سعرها نسيتو بس اظن 108 طبعا فيها تيربو السياره وفتحه بالكبوت .........بالشكل الخارجي الGT مايختلف عن الفل الا بفتحة الكبوت ونفس كل حاجه مكحله الاصطبات لانو الاستاندر ماتجي مكحله.....انصحك تروح الوكاله وتشوف عطبيعه صراحه روووعه والله يوفقك واللي يقلك قطعها غاليه روح للشركه وخذ برنت من قطع الغيار وحتشوف اسعارها بنفسك.

انا انصحك بالالتيما لاني طالب جامعي ومررره مريحتني من ناحية العزم والتكييف والرساوة والعزل
اسف على شطحة بس حبيت ادلو بدلوي واعطيك شي انا مجربة وعارف وش من لحيه

الكامري جيده جدًا
أهم شيء بعد ما تقرر على السيارة تستخير واشترها من المعارض تطلع أرخص بألفين أو ثلاثة وأنت وشطارتك مع المفاوضة

مبروك مقدمًا

السلام عليكم
انا تقريبا وضعي نفسك ياصاحب الموضوع
بصرراحه تحطمت توقعت بترشحون الكاامري الافضل بس شفت اغلبيتكم اكورد
الحين احترت كثييير لاني بشتري خلال الايام هاذاا مع اني لي تجربه في كامري موديل 2000 كان اجمل ما يكون شرينها وكااله تقريبا 50000 وبعتهااا قبل فتره شهرين تقريبا بمبلغ 23000 والف وا
كنت ماشيه فوق 500000 وبصراحه احس في بيعتها اني كسباان
يعني الواحد يبي سياره يكرفهااا ووقت البيع تجيب قيمه وكثير ناس قالوا الشكل بيتغير بس وش يهم اذا بستعمل السياره فتره 5 سنوات ؟ وش رايكم
معليش على الاطاله

الافضل الاكورد

اكورد وبس

ولايهمك اللي يقول الاكورد قطع غيراها غالي كل السيارات قطعها غالي في وقتنا

تجد تجربتي : في هذا الموضوع :

http://www.assayyarat.com/forums/thread210948-5.html

الرد رقم : 36 ..

معاك حق الأكورد والكامري أفضل بس إذا ممكن تبين لنا تجربتك مع الكوري وهل المشاكل اللي واجهتها عامة في الكوري ولا بس في سيارتك = يهمني رأيك