بسم الله الرحمن الرحيم
السلام عليكم و رحمة الله وبركاته
مبارك عليكم الشهر والله يعوده عليكم اب كل صحة وعافية يارب
اخواني عندي بعض الأسئلة عن كرايزلر C300 8 سلندر Hemi وانا قعد اتكلم عن موديل 2006
س1 : شلون ممشاها واستعماله مع العلم انه الاستعمال الي راح اخذه له استعمال متوسط
لاهو كثيف ولاهو خفيف وانا من النوع الي ما يدوس بالسيارات يعني كلش كلش 140 كيلو
لكن احب يكون عندي 8 سلندر حق اشياء ثانية غير الدوس
س2 : سمعت انه قطع غيارها غالية وغير متوفرة هل هذا الكلام صحيح ويريت لو تقولولي شنو
الي تعرفونه عن السيارة لاني ماودي اخذه واتحسف عليها
س3 : اهو سؤال يعني مالا اهمية بس حبيت اعرفه هل شاشة الكرايزلر تحتوي على GPS
ومدخل IPOD الي يسمونه AUX واذا كانت من غير شاشة هل تحتوي على فتحة AUX كالجارجر و اليوكن 2007 وما فوق ؟
هذي اسئلتي وبالأخير ابي نصيحة عشان اعرف شنو الي اختاره
انا عندي واحد من ربعي عنده ال SRT8 ويمدها وايد ويقول الحرارة دايما نص وما عمره اشتكه من خراباتها
خاصتا انا بالكويت وانتو عارفين حر الكويت شلون صاير فيريت لو تعطوني الي تعرفونه والله
يوفقكم ان شاء الله
ويرزقنا على حسن نيتنا
تقبلوا تحياتي
وبانتضار ارائكم و اجوبتكم
