السلام عليكم
بغيت اعرف اذا احد مرت عليه هالمشكله اذا مشيت بالسياره فتره بالديره (تكثر تبديلات القير) السياره بدون سبب تصير مجنونه البيبان تتبطل و تقفل بروحها بسرعه (البابين الامامي يقفلون مع بعض و الخلفي مع بعض) و يطلع صوت طقطقه عند العدادات مثل الصوت الخفيف لا بغيت تقفل الباب و الشاشه مالت القير تبدل بين D و P و القير يرد غياره مثلا اذا على ممشى 80 يكون بالرابع يرد ثالث و يصير مرات كأنه على ال N و يرد يشبك D وخاصة لما اكون بلف على سرعة خفيفه كأنه الموتر يبوش يصير على N (و نفس الوقت البيبان تتبطل و تصكر) و اضغط بانزين على الفاضي ثانيه ولا ثانيتين و يرد D و ينقز الموتر كأني مبدل من N الى D و رجلى على البانزين .
ملاحظه : انا دوامي اسك خط حوالي 30 كيلو رايح 30 راد , دربي كله خط الى الدوام المشكله تختفي لا مسكت خط طويل
فحصت القير مافيه شي و لله الحمد
استعمالي للسياره محافظ و لله الحمد
فحصته عن اكثر من كهربائي,واحد ركب جهاز بالسياره قالي في التماس بجسم السياره لازم تخلى السياره عشان اصيد وين الالتماس , ما اقدر اخلى احد يلعب بالظفيره مني و الطريج .
بالنسبه للوكيل انا ادري ان اقل شي بيقولي نبي نبدل كهربة السياره كامله لأني عانيت مع الوكيل من قبل
للتفاصيل
http://www.assayyarat.com/forums/thread209393-2.html
