[CENTER]اكورد تكفى تكفى عطني عيوب الاكورد 2010 والله عيني عليها بس سمعت كلام منتديات ماهو كلامي
أخوي الله يهديك انا بسألك سؤال ع الطاير , بالله عليك ماتشوف أكوردات موديل 98 موجوده بالشوارع والبدي حقها نظيف ؟! اكورد 2003 وطالع تلقاها اخت الجديد !!
صح ان الأكورد تفتقر للمواصفات لكن مستحيل تقول انها خرابات هي اقل السيارات في فئتها خرابات ومعروفه عند الناس وسهله صيانتها ولايغرك كلام الناس ابد
لاحظت كثرت هالسياره بشوارعنا
شوف هالصور كلها موديلات قديمه ومستحيل اطلع في الشارع ومالقاها بكثره خصوصا الصوره الاخيره موديل 98 منتشر بكثره
انا وانا اخوك مايهمني لاهوندا ولاغيرها بس انت حدك محتار وانا ابغى ابين لك تجربتي وان الهوندا ماشاء الله تبارك الله صبوره وبعطيك كذا سياره هي الافضل لو تشتريها بس باخر الرد
بعطيك الحين انطباعي عن السياره
انا معي أكورد 2009 ماشي بها 107 الف ولاغيرت الا فحمات وبطاريه وين الخرابات
؟!
واذا منتب مصدق مستعد اصور لك عداد السياره وتحكم بنفسك ورحت بها مكه وجده والدمام والجبيل ولاشفت منها اي عيب والله !!
اما بخصوص الايجابيات والسلبيات
بعطيك الايجابيات والسلبيات علشان تكون بالصوره !
الايجابيات :-
1 - رساوة ممتازه ع الطرق
2- صوت الهواء ماتسمعه في ظروف الجو العاديه
3 - فخامه داخليه
4 - أوسع سياره في فئتها في المراتب الخلفيه
5 - صبوره
6 - تمسك سعرها عند البيع
7 - المراتب لها ايجابيه وسلبيه ( الايجابيه مراتب طبيه )
8 - صرفية بنزين ممتازه جدا
9- تبي تريحك بسبب قلة الخرابات باذن الله
السلبيات :-
1- مراتب قاسسسسسسسسيه جدا جدا
2 - السياره قاسيه في الحفر !
3 - عندي الابواب اسمع صوت طقطقه عند ربط فرامل لكن يشهد الله اني ماعترف بشب اسمع مطب !! اكله وبس
4 - الفحمات تستهلك بسرعه لدرجة لحد الان مغيرها حول 3 او 4 مرات بس بدون خرط هوبات لان الهوبات سألت عنها لقيتها ممتازه
نصيحتي لك :-
السياره ممتازه وماراح تندم باذن الله لو شريتها بس لاتستعجل وشوف كذا سياره وياليتك تشوف سيارتين لانهم معجبيني الماركيز و الليجاسي واذا ماتبي هالسيارتين لاتاخذ الا اكورد
نصيحه ثانيه اذا شريت الأكورد وصارت لك مشكله مع الفحمات انتبه تخرط الهوب غير الفحمات وبس لان الورش يلعب عليك يقول اخرط علشان ياخذ فلوس عليك والدليل سيارتي لحد الان ماشيه 107 الف والهوبات سليمه 100 %
ويشهد الله اني نقلت لك كل شي بامانه وواقعيه وماكذب بحرف واحد
اذا تبي تقتنع ان الأكورد هي افضل الخيارات الموجوده هي والسوبارو ليجاسي
اركب في الالتيما في المرتبه الخلفيه اتحداك اذا عرفت تجلس بعدين الاكورد شكلها رسمي مهوب شبابي وان شاء الله تكد معك اقل شي 10 سنين اذا حافظت عليها
عليك بالأكورد او السوبارو ليجاسي او الماركيز ( لانها مريحه ) اذا انت منتب راعي عزم وتبي موتر على اصوله
ومبروك السياره مقدما :)[/CENTER]
