ايوه يالبي قلبك , توقعتك منكر هالشي بالمره
و ليش انكر
طبيعي ليست كجودة القديمة
الكارينا اللي كانت عند الوالد عاشت 22 سنة و مكينتها الأصلية و جيرها الأصلي عليها ما تغيروا و لا جاهم شي
الكرسيدا عند صاحبي و كانت موجودة عند بيتهم و استخدمها اهو لفترة و ضربت مكينتها بعد استخدام 15 سنة
بعدها كامري 99 عند صاحبي جراندي ضربت من كم شهر يعني 11 سنة إستخدام
الأرقام في تناقص
زيادة التكنولوجيا في السيارات زاد من إستهلاكيتها
شيء طبيعي ان السيارات القديمة جودتها أفضل لبساطة صناعتها و عدم تعقيدها عن الجديدة
ايوه يالبي قلبك , توقعتك منكر هالشي بالمره :smile:
لكن ابي اسآلك
1- هل المواصفات والتقنيه تدخل ضمن الجوده ؟
2- هل الامان والسلامه برضه تدخل ضمن الجوده ؟
3- ممكن تقولنا اي مستوى اجل ؟
معلش انا رقمت اسألتك عشان اجاوب عليها
1- لا .. جودة التصنيع شيء و التقنية و المواصفات شيء آخر
على سبيل المثال لو كانت المواصفات تدخل في الجودة لكانت سيارات تشيري من اعلى السيارات جودة
2- لا .. إذا لكانت فولفو و ساب ملوك الجودة
توضيح بالنسبة للسؤالين الأوليين :
شوف اللي ذكرتهم انت في أسألتك عوامل مثل ما الجودة عامل في إختيار السيارة
يعني انا مثلا لما اجي افكر اشتري سيارة افكر بهالنواحي على الترتيب التالي
1- جودة التصنيع و الإعتمادية
2- وسائل و أنظمة الأمان
3- السعر
4- المواصفات
5- الوكيل او بالأحرى سعر قطع الغيار و توفرها
6- سعر البيع بعد الأستخدام
3- المستوى اللي خلى تويوتا محتفظة بمركزها العالمي بل و التقدم و تحقيق الربح بعد الأزمة التي المت بها
لكن ماقول الا لكِ الله ياتويوتا ان رجعتي لعهدك ماتشوف الا تويوتا بالشارع
اما هيك فـ المنافسين بدآت تنافس وبقوه وتفوقت بالشي الكثير عليك
الا الشعبيه والعقل الآمعه الماشي ورا سمعه فارغه منها !
لاتقولي هات مصدر يا امير الاشباح ,, فالواقع امام اعيننا الا اذا اعمتك تويوتا فـ مشكله ! :bigggrin:
ممكن سؤال بسيط
هل كل من يعارضكم يكون بالنسبة لكم اعمى
ليش تعميني تويوتا ؟؟
انا سيارتي ميتسوبيشي و سيارات بيتنا مازدا و نيسان
يعني لا سيارتي تويوتا عشان احاول ارفعها او محصل مكسب من وراها
إنما هي كلمة حق واجب علي قولها
طيب اقولك شيء
شوف انا مسجل في المنتدى من 2003 و وقتها ما كنت اعرف اي شيء عن السيارات
ربما النزر اليسير حتى اتذكر ان سيارتي خف عزمها في ذيك الفترة و سألت هنا في المنتدى و افادوني الشباب و ما قصروا :)
من 2003 و تقديم الموديل الجديد من كامري بدأت الحملة الشديدة على تويوتا
و نفس الكلام اللي يدور الحين كان يدور وقتها
لو آمنا و صدقنا ان الكلام في ذيك الفترة صحيح زيادة على ان البعض حاليا لا زال يردد ان تويوتا (( و مدري شلون حكموا على تويوتا على اساس الكامري فقط ما كأنها تصنع سيارات ثانية ؟؟ )) انتهت من 2003
7 سنوات و سمعة تويوتا ما زالت مسيطرة و الناس منومين و ماشين وراها :confused1:
يا عزيزي لو هي بنتلي و فيها هالعيوب لأنفض العالم من حولها
اما بالنسبة لمسالة المصدر
فانا ما اشوف فيها شيء
يا عزيزي إذا انت على حق ليش تزعل لما يطالبونك بمصدر ؟؟
بالعكس من اسس الحوار العلمي ان يكون مبني على حقائق موثقة بمصادر معتمدة
و بالنسبة لمسألة الواقع
الواقع يختلف من بلد لبلد و قد يختلف من نظرة إنسان لنظرة إنسان
لذلك نحن نبحث عن المصدر لنعرف الواقع عن النظرة
أعطيك مثال
الواقع عندكم في السعودية مما ترونه ان هيونداي مالية الشوارع اكثر من كيا
الواقع عندنا ان كيا منتشرة بعكس هيونداي اللي نادرا ما تشوف لها سيارة فقط في الشارع
في هالحالة
نحكم على واقع البحرين ؟؟
لو على واقع السعودية ؟؟
لا هذي و لا ذيك
نحكم على الواقع العالمي
و الواقع العالمي لا يمكنك و لا يمكنني معرفته إلا من مصدر موثوق
نفس سالفه حراره الامريكي بدون مصدر كلنا متآكدين من هالشي ( سابقا )
ونتداولها عادي بدون مصدر , وللاسف صارت عاده وللحين فيه عقول ( الامريكي ابو حراره ) !
بسيطة ارمي كلامه بعرض الحائط
و إذا شفت ان كلامه مو صحيح طالبه بالمصدر
ما فيها شي
بالعكس هذا هو المفروض عمله
وكذلك حتى هربده النسيان معروفه ,, اما الجديد مانسمع شي والحين صار مافيه شي اسمه هربده نسيان
[COLOR=red]ويكفي انها هجدت اللي يعيبونها ويطيحون قيمتها بالارض :xyxthumbs:[/COLOR]
الله يهديك
هذي مو شركة
هذي شمشون الجبار هههههه
شوف انا من محبي نيسان
نصحت اخوي بالتيدا و نصحت الأهل بالألتيما
لكن الحق حق وما ينزعل منه
واحد قالك تهربد
قوله عطني مصدرك .. لأنك لست خبير سيارات عشان تحكم و قد تتحكم فيك الأهواء فيكون حكمك متحيزا
هذا ما معاه حق
واحد قالك ما يعيبها شيء و هي احسن من جميع منافسينها قوله نفس الكلام
و هذا ايضا ما معاه حق
احنا لا نؤيد المدح الغير عقلاني و لا الذم الغير عقلاني
الا تويوتا فـ هي مشت بخط وتعثر , لكن البلا ماصارو مثل غيرهم فـ الاعتراف اصبح صعب عليهم
ومكابرين لان انفسهم بنيت على هالشي للاسف والسبب تويوتا .. الا من رحم ربي !!
تعثر ؟؟؟
تويوتا نجت من الأزمة المالية فكيف تعثرت ؟؟
تويوتا نجت من أزمة الإستداعاءات الأمريكية و حافظت على مركزها حتى ان سيارتها كامري استعادت مركزها كأكثر سيارة سيدان مبيعا في امريكا .. فكيف تعثرت ؟؟
http://www.leftlanenews.com/in-pictures-best-selling-cars-of-august-2010.html
و قبل هذا و ذاك نجت من الحروب التي دمرت اليابان
لاتستغربون ياجماعه بكرا يقولون سيارات تويوتا افضل من البي ام والمرسيدس جوده لانها اكثر مبيعات ! :bigggrin:
هههههههههه
اتذكر سابقا في واحد الله يستر عليه قاللي هالجملة بس معكوسة
قال لي بمعنى الكلام
(( دام تويوتا ذات جودة ممتازة و إعتماديتها رائعة لماذا لم تسحب البساط من تحت جي ام و تتصدر مبيعات العالم ؟؟ ))
سبحان الله و اليوم لما تصدرت تويوتا المبيعات تحولنا لهذا السؤال
اولا ما يصير تقارن تويوتا بمرسيدس و بي ام
لأنهم شركات سيارات فاخرة
إذا بتقارنهم قارنهم بلكزس الفرع الفاخر لتويوتا
ثانيا عالم السيارات الفاخرة عالم خاص تتحكم فيه عوامل غير عن عوامل السيارات العادية
على سبيل المثال
تاريخ الصانع
برستيج الشركة
ولاتسغربون بعد بكرا عدد السيارات اللي فيها عيوب بالبي ام اكثر من تويوتا ويقولون اكثر جوده تويوتا !
الإعتمادية شيء و جودة التصنيع شيء ثاني
الا مير اذا مافهمت شي قلي اجيب سبوره اشرح لك عشان مايكون فيه سوء فهم ! :smilie16:
امممممممم
ما ادري وش الهدف من هالعبارة ما ابغي احط بذمتي
لكن دريت
جيب السبورة على قولتك
يمكن اكون فاهمك غلط ؟؟
الا تويوتا ماشفنا الا مكينه الاند الجديده كـ تحسين !
يمكن ما سمعت اما ان تويوتا ما عندها اشياء جديدة فهذي غير صحيحة
نظام الزحف و نظام التعليق في اللاند ما سمعت عنه ؟؟
الهايبرد الـ 600 ما سمعت عنها ؟؟
البرايوس ملكة الهايبرد ما سمعت عنها ؟؟
نظام تويوتا ضد السائقين المخمورين ما سمعت عنه ؟؟
إذا بتتابع على هذي الأمور
الهيونداي سوناتا على سبيل المثال ما شفنا مكينة الحقن المباشر لها ؟؟
و غيرها
تويوتا مبدعة لكن إذا ما وصلت إبداعاتها إليك فلا تلمها
لم الوكيل الذي لم يوفرها
و حتى إذا وفرها انا متأكد ان سعرها راح يبعدكم عنها
وكذلك سابقا مافي احد مثل الحين يذم تويوتا من اراء ووجهات نظر وغيرها
تدري وش السبب ؟
لا فيه
من 2003 إلى اليوم فيه
اللهم ان هي حملة ترتفع فترة و تخبو اخرى
بس هالمرة مشتدة لأنها صايرة متزامنة مع ازمة الإستدعاءات
الا مير ماتدرون الهلي القديمه اغلى من الجديده ؟
وبرضه ماتدرون ان لو تجيك كامري 2002 نظيفه الكل حولها والسوم طاق الـ 60 وكل ماله فوق
بينهما الـ 2007 وطالع مافيه الا واحد ولا اثنين وحقين النصب بعد ! :a1120(121):
ماتدرون ان الكرسيدا بمكه توصل 60 الف خصوصا النظيف النظيف !
ماتدرون ان لو معك جيب قديم من موديلات 99 وتحت ورحت تبيعه
حقين المكده والكرف يتحرجمون حولك وخصوصا لاجاء ديزل :rolleyes1:
وماتدرون بعد ان الشاص اللي اموت واعرف اللي يشريه بـ 100 الف مع وين يفكر
انه هو الوحيد ماتتحسف انك شريته وتحس انك راكب تويوتا مع انه بدا يميل للنعومه شوي :wavey:
مع ان الربع نفسه بس سمعته بالقصيم عندنا مهب زينه فـ اسمحولي كلش ولا السمعه :bigggrin:
اشري حوض واطلع كل اللي بي من تطعيس وجلد وكرف وكل ابو شي وابيعه بالقصيم يمسك سعره ماشاء الله
واطق انفنتي ولا لكزس بقيمته ,, :xyxthumbs:
طبعا السبب مايحتاج :smilie16:
وعلى طاري الربع والشاص والهلي ,, هذا وجهي ان مسك سعره بمنطقه الشرقيه ولا جده !
الله اعلم بسوقكم
ما ادري عنه ولا اقدر احكم عليه
وعلى طاري المصدر , بعيد عن الازعاج فـ المصدر اما اعيننا فحب الناس لعرش تويوتا صارت عمياء
ومالوم ابو جميل يوم بدا يلعب بالاسعار والمواصفات فـ اهنيه على المخ التجاري !
ومع السلامه
هذا المصدر اللي قدام عينك هو لك لحالك
انت شفت احنا ما شفنا
المطالبة بالمصدر ليست شيئا يدعو للإستياء بل هي الأساس اصلا للتأكد من صحة المعلومة
على طاري ابو جميل
على فكرة لو يصيدونكم باقي تجار الخليج لعرفتوا قيمته
انا لا اعلم عن لعبه بالمواصفات
بس اللي اعرفه ان الأرخص و صيانته الأفضل
على الأقل ارخص من كانو بالبحرين و الساير بالكويت
