ما هي الدقمة ؟

hassson @user_183356 · 15-10-2010

السلام عليكم

انا عندي لانسر 2003 فيها تاخير في التبديل بين N و R وايضا بين الـ N و D

يعني السياره تتاخر لم تبدا تمشي

الميكانيكي قلي المشكلة في الدقمة ....!!

شنو هي الدقمة وشنو وظيفتها وهل تتصلح ولا لازم تتبدل لانه يقولي انه سعرها غالي ...!

hassson @user_183356 صاحب الموضوع · 20-10-2010

الـ N يسوي فلاش وانا على الطريق السريع ... لازم اصفت واطفي السياره واشتغلها حتى تبدا تمشي ....!

hassson @user_183356 صاحب الموضوع · 18-10-2010

صرت فاحصها عند اكثر من واحد وتكاليف الفحص بروحها تخوف ....!

بس حلم عندي اني اعرف

لما الـ N يصير يسوي فلاش شنو معناها او ليش يسوي فلاش مع انه حاطط القير d وماشي بالسياره ؟؟؟

عبدالعزيز 8 @user_231972 · 18-10-2010

انصحك بالفحص عند الوكيل لأنه هو اعرف بأحداثيات الكمبيوتر اقصد رموز الكمبيوتر
وهذه ترجمة ما ذكرته:

خط الضغط المنخفض

مخلب فشل النظام

الثانية ، وسرعة الاستشعار

hassson @user_183356 صاحب الموضوع · 18-10-2010

اخوي فني سيارات شاكر اهتمامك

اليوم سويت فحص مره ثانية وفقط للقير وطلعت نفس النتائج مره ثانية
Line Pressure low

Clutch system fail A

Secondly speed sensor

مع اني غيرت الحساس بواحد جديد من الوكاله بس هم الحساس طلع انه فيه مشكله

بكل الاحوال الي سوالي الفحص يقولي لازم تنزل القير تصلحه
ويبدو فعلا فيه مشكله في القير

ولكن السؤال هل انزل القير واصلحه ولا استبدله بواحد ثاني من السكراب ؟

فني سيارات @user_8460 · 18-10-2010

Line Pressure low

الضغط منخفض في الخط وربما المقصود فيه هو الجير قد يكون مضخة الزيت نفسها فيها عطل

Clutch system fail A

الكلتش او الكتشات الجير تحتاج تبديل

Secondly speed sensor
حساس السرعة الثانوي
بترجمه الحرفيه وربما هي Secondary
بمعنى الحساس الثاني
السؤال هل الفحص مركز على الجير او انه فحص شامل على الماكينه و الجير

ربما Pressure low
قد تكون على الماكينه ضغط المكابس منخفظ او زيت الماكينه ضغطه منخفظ

hassson @user_183356 صاحب الموضوع · 17-10-2010

شاكر لكم ردكم اخواني الافاضل

اخوي فني سيارات انا سويت فحص للقير بالكمبيوتر وهذه النتائج الي طلعت لي

Line Pressure low

Clutch system fail A

Secondly speed sensor

بعدها رحت وغيرت سنسور السرعه وسويت اختبار مره ثانية وطلع معاي
Line Pressure low

للعلم الفحص الاول كانت السياره مطفيه والفحص الثاني كانت السياره شغاله
طبعا نفس الميكانيكي ونفس الجهاز

ما ادري شنو معنا هذا الكلام وهل القير خربان ؟؟؟؟

فني سيارات @user_8460 · 17-10-2010

الدقمة كلمه عامه قديما تقال في جير الدبل ونسميه دبل دقمة اي للمهمات السعبه خاصة في اللاندروفر

وقد نقول دقمة السلف او شي يكون بارز في مقدمة القطعة في الغالب

في حالت سيارتك من الواضح انه يقصد كونفنتر الي هو يسمى البطيخه او الطنجره
وكما قال عبد العزيز تستعملها حتى تنتهي
لان غاليه
ولكن عليك اولا فحص مستوى الزيت قد يكون ناقص وهو يفعل نفس الاعراض

هذا و الله اعلم

mohh_001 @user_223536 · 17-10-2010

تغيير الطنجره يحتاج تنزيل القير

وبالنسبه لسعر تنزيل القير يعني اعتقد يكلف تقريبا 150
وبالنسبه للطنجره الله اعلم كم سعرها

hassson @user_183356 صاحب الموضوع · 17-10-2010

شاكرلكم اهتمامكم .... اخواني تغير الطنجره صعب او مكلف ؟

راقي طعس @user_154969 · 16-10-2010

الدقمة الظاهر انها مكان تدخيل مفتاح السيارة .. بس كلمة اندثرت ماعاد نسمعها

عبدالعزيز 8 @user_231972 · 16-10-2010

اول خطوة تسويها تغير زيت القير وفلتره وفأذا كان الزيت جديد فعاير الزيت لا يكون ناقص واذا تمام فمشكلتك بسبب طنجرة القير هي سبب تأخير لقم النمرة ولكن طنش يعني حللها لين تخرب ويطلع فيها صوت.

اما الميكانيكي اللي يقول لك دقمة فقله يأكل لقمه هههههههه
لأن الدقمة للسلف وما لها علاقة بمشكلتك
بالتوفيق

hassson @user_183356 صاحب الموضوع · 15-10-2010

المشكله في التبديل بين الـ N و D مو في السلف ....!

سليل المجد @user_6213 · 15-10-2010

الي اعرفة الدقمة في السلف