السلام عليكم ورحمة الله وبركاته :
هذي أول مشاركة لي بمنتدى الأمريكي كنت ناوي اشتري يوكن لكن هونت والحمد لله غيرت رأيي واشتريت سوبربان 8100 دفرنسين وبعد ماجربته ( ماشي 6000) واتضحت لي حقائق جديدة قلت لزوم انشرها بالمنتدى .
مقارنة (غير متكافئة يعني من حيث الحجم وقاعدة العجلات لكن الجود من الماجود) بين اللاندكروزر VXR موديل 2001و2003 و بين سوبربان 8100 موديل 2003 وكلا السيارتين جير أوتماتيك .
- طبعاً لو كنا بنقارن الاند طبعا مع اليوكن لكن هذه السيارات الي عندي - .
- المكينة : الاند 8 سلندر 4700 سي سي 250 حصان ، السوبربان 8 سلندر 8100 سي سي 356 حصان غير العزم الرهيب لصالح الجمس . لكن الوزن يفرق .
- العزم – القومة – : طبعا بالراحة الجمس يقوم على الجيب مافي أي وجه مقارنة عندي كامري جراندي 2002 اتوقع الجمس ان ماكان يقوم عليها أو يوازيها أما الجيب ثقيل للغاية لدرجة لاتتصورها .
- الجسم الخارجي للسيارة والسلامة : من ناحية قوة البدي الجمس أقوى من الجيب والصدامات الجيب كأنها كرتون لكن الجمس الي ورى ماعليه كلام لكن الي قدام يعني موهب زي القديم لكن لزوم الانسيابية أما بالنسبة للشكل أنا ماعندي فرق كلهم حلوين لكن يمكن الجيب أحلى بشوي والسلامة عاد الجمس به 2 ايرباج أمامي و2 جانبي والجيب بس 2 امامي .
- الفخامة الداخلية :الجيب الجديد 2003 مكيف اليكتروني (شاشة معلومات غبية )، ازارير بالدريكسون، مثبت سرعة، ثلاجة، فتحة سقف، مكيف يدوي خلفي، سي دي مسجل شكله حلو مره، لكن المراتب غير مريحة للغاية . الجمس مكيف اليكتروني كمبيوتر بشاشة عربي (رهيب مرة)، وازارير بالدريكسون ( نزل بالدفعة الأولى أما حقي دفعة ثانية شايلين منه الأزرار!!! ) ، سي دي يعني شكله وسط لا هو شين ولا زين،المراتب مريحة لكن بدون ثلاجة وبدون فتحة.
- القير : الجمس متطور وماعليه كلام ، الجيب التماتيك مايقارن بالجمس حتى لو طوروه إلى 5-سرعات يضل سئ مقارنة بالجير الامريكي . مع أن سيارات الوزن الثقيل لازم لها من نمر قليلة 4-سرعات علشان تتناسب معاها . ومع ذلك فيه تحسن في العزم لل5سرعات في المدينة أما الـ 4-سرعات في البر أفضل .
- الدبل وفي البر : اللاند ما عليه كلام نسم وامشي ، الجمس غيرت له الجنوط – أعرض- ويمشي زي اللاند أو أحسن ( الي ماصدق يروح يجرب الـ 8100 ) وفيه قفل دفرنس أمامي وخلفي واختيار اضافي دبل أوتوماتيك أما اللاند فهو قفل دفرنس أمامي . لكن العملي للبر طبعا الجيب وخصوصا اذا كان جي اكس آر جير عادي .
- الاقتصادية في الوقود : ماراح تصدقوا اذا قلت لكم ان الجمس صرفيته اقل ورح جرب واحكم بنفسك وياخذ علب زيت مثل الجيب .
- السعر : الجمس 13200 والجيب 18000 .
- الصيانة : هذي والله ما أدري عنها والوكيل الجيب الي عندي بريمي -عماني- يعني ما دخل ولا ورشة ماله وكيل هنا أما الجمس فما شفت من الجميح شئ الى الحين.
- في الأخير الجيب زين للبر وكشخة والمدينة لكن يصرف بنزين . الجمس ورطه في الزحمة كبير مرة يعني لو شريت يوكن كان أحسن.
هذا رأيي الشخصي لحد يزعل .............
عندي سؤال : أنا من سكان الرياض مافي وكيل لـ GM عندي الا الجميح والعيسى . وين هذي التوكيلات العالمية ؟؟
