الرمز الامريكي .. كابرس .. الى أين؟

أنا مايرفع ضغطي الا الي يقلك الكابرس خربات والي هم اصحاب السيارات الورق الكامري
الي ماجرب كابرس مايدري عن شي
يكفيك قوة المكينه والشكل الرسمي ورزه

آآآآه جبتوها على الجرح والله

انا اتكلم معاكم بواقع تجربتي لـ
Caprice 83
Caprice 86
Caprice 88
Caprice 90
Caprice 91
Caprice 94
Caprice 2002
Caprice 2008

الاولى كانت تبع الوالد وهي اللي تعلمت عليها و طارت ( الى التشليح )
الثانية سيارتي اللي كنت احلم بها من ايام الطفولة والحمد لله اشتريتها من قبل 8 سنوات
والى اليوم الحالي وانا استخدمها ( ومقطعها في المشاوير ) ( وعندي لها فرشة ملكية بيج مخزنة )
الثالثه سيارة نسيبي واذكر اول ما اخذها كان سعر الكابرس في حدود الـ 40 الف
والى يومك فرشتها جدييييييييييييييييييييييدة
الرابعه و الخامسة سيارات الوالد بعد الـ 83
وباع الـ 90 واستمر في تكسير الـ 91 لانه بوكس ( عائلي )
والباقي انا اشتريتهم وماكملت سنه وبعتهم
لانهم بكل امانه ليس بجودة القديم اللي عندي
خاصة الـ 94 تبعني بمشاكل الكهرباء
2002 تكايات
2008 بسرعه يتعب ولكن يخدمك لفترة طووووووووووووويلة اذا انت خدمته

و لكي اقطع الشك باليقين
انا كنت اشتغل في التوكيلات العالمية للسيارات من عام 2005 الى عام 2007
في المنطقة الشرقية
و عندي معارفي واعرف ايش اللي حاصل في السيارات والمشاكل اللي تجي منها

كــــــــــــيـــــــف نعــــيــــش بــــلا كابريس
سيارة يتوارثها الاجيال
لم ولن ارى افضل من قطعة الذهب (86) المركونة امام منزلي ( سيارتي العزيزة)

عشقي الابدي هو الكابريس
ولكل جواد كبوة ،،، والكابريس خسرت المعركة امام الفيكتوريا و الماركيز ولكنها لم ولن تخسر الحرب

Don Hassan AKA Caprice 86
اسف على الاطالة ولكن خرجت عن الموضوع
لان كلمة كابريس اثار عاطفتي وزاد من خفقان قلبي

ويبقى الرمز الامريكي الاول و الرمز الاسطوري
كابرس

رأي غيري !!
ولا المعلومات الغير صحيحة اللي جالس يقولها غيري ( أجل الكابريس كوري ) :bigggrin:
لكن اش دخل الثقة خخخخ صار اللي مجرب الكابريس ومبسوط منه ما عنده ثقة ! واللي يسب بالكابريس عنده ثقه :bigggrin::bigggrin:

:c0038: لا حول ولا قوة الا بالله
وآآسف لكل واحد شاف اني غلط عليه

اخوي O.Almazroo3y


جايب لي سيارات توهم متغيرين تغيير كامل تحطها مع الكابريس اللي نازل من 2007 مثل الماكسيما والتوريس والشارجر انتظر الكابريس 2012 او 2013 وشو الدخليه وقارنه مع السيارات اللي جايبهم والكابريس LTZ 2011 نزل في الوكاله وصار تغيير بسيط في الدخليه وصارت اجمل واذا الكابريس مو عاجبك لاتتكلم عنه الكل عاجبه شكل الكابريس من الخارج والداخل وانت شفت الكابريس في الوكاله وهذي الصور في استراليا الدخليه سوداء وحنا عندنا تجيك بيج وعلى كلامك انه دخلية التوريس كانها سياره اوروبيه الكابريس بعد تصميم الداخلي والخارجي اوروبي

استغرب حقيقه من الي يتكلم عن الكابرس وهو ما جربه فقط لأن فلان من الناس جربه وقال فيه مشاكل وخرابات
انا معي كابرس 2004 ما شاءا لله تبارك الله ما اذكر قد عطلني ابدا
الا مره وحده وذكرت هالمشكله للشباب في هذا المنتدى وتم حلها ولله الحمد ومن هذاك التاريخ ولله الحمد ما طلبت السياره شئ يذكر باستثناء الاشياء الاستهلاكيه العاديه

وان شاء الله ناوي على كابرس 2011 دعواتكم يا شباب

كان الكابرس ايام السبعينات والثمانينات الميلاديه اما الان ليس له من الكابرس الا الاسم فقط ولو انه الكابرس الاول شفت الامريكان الي هم اهله يتسابقون عليه

والله يا اخوي من ناحية الشكل هو في تطور ملحوظ اما من ناحية التحمل والكرف والاعتمادية مثل اول فهو في انحدار مخيف جدا جدا ......!!! والصراحة موضوع تشكر عليه ......!!!

يالبى كل الكوابرس بس

انا من وجهة نظري اقول ان الكابرس له اصحابه و مو كل واحد يركب كابرس ولكن انا ما اقدر احكم على الكابرس من بعد الصابونة لاني اخر موديل ركبته كان الصابونة وكانت تجربة راااائعه وكنا من راحة المركب و من برودة المكيف ننام في الصابونة ونحن في الطريق علما ان المشاوير لم تكن طويلة من الشفا الى السويدي و العكس ولكن اتوقع ان هذا الرابط يمكن يهمكم

اضغط هنا

انا اعتبر الكابرس انتهى من 1990م تلك الموديلات تحس انها سيارات اسم على مسمى قوه وتحمل واعتماديه لكنها لواستمرّت على تلك الحال لخسرت الشركه ولم تقم لها قائمه في ضل تبدّل طريقة تصميم وتصنيع السيارات ولابد ان تساير السوق مثل باقي السيارات وهي سياسة مابعد البيع وهي انتها السياره بمجرّد تعرّضها لأي حادث ولو كان بسيط وصعوبة تصليحها ...

مشكور اخي على طرح الموضوع..

خلاص قلت وجهة نظرك ؟؟
ياليت تكتفي بالشي هذا ومايكثر كلامك وتطلع عن الموضوع
وتقلب المسألة شخصية وتسخر من راي غيرك
إذا ثقتك معدومة بنفسك و بإختيارك مو ذنبنا
و حاول تتعلم إحترام الناس إذا إذا تبيهم يحترمونك

لكل جواد كبوة((من الصابونة-2004))
والموعد 2013

هلا أخوي ..

بالنسبة للتصاميم كل واحد وذوقه .. لكن انا راح أقولك ذوقي

أنا أشوف ان الكابريس وخصوصا الـ SS كشكل خارجي الأفضل بلا منازع
بالنسبة للادخلية
الدوج كشكل جديد راح يكون حلو وشاشته 8 انش خطيرة .. وانا معاك انه متميز لكن لساا غباء التصميم الأمريكي موجود فيه للاسف
التورس حلوة لكن انا اشوف الكابريس أكثر أناقة
النيسان ماكسيما طلعها برا المنافسة .. انا اشوف انه تصميم غبي مع احترامي خصوصا لما تركب بالانفنتي G37 وترجع تركبها .. وتشوف نوعية التخشيبة مرة سيئة والأنوار البرتقالية اللي مدري من العبقري اللي فكر فيها وضيقها من الداخل
الأكورد .. هذي السيارة انا أحترمها عندنا وحدة بالبيت وصراحة ممتازة كسواقه وهدوء .. وصدقني باقولك ان عيبها الوحيد داخليتها السيئة ومواصفاتها .. بس بكل الأحوال السيارة توب

الكابريس انا اشوف التصميم أنيق جدا .. شاشتها الأفضل بين كل اللي قلتهم كمواصفات
التصميم بسيط جدا وماهو متكلف وانا اشوفه حلو وماهو سيء .. والأهم هو وسع الداخلية المشهور فيها الكابريس

واتمنى تحمل الملف هذا وتشوف كيف الكابريس يستاهل والا لا .. وشف التصاميم الداخلية وأنظمة الأمان
وهذا ملف لموديلات ومواصفات وأشكال 2011 ..

http://www.holden.co.nz/content/eBrochures/Caprice-Series-II.pdf

^
^
^

معلومات قيمة وممتازة يعطيك العافيهـ


بالنسبة للكابريس والله انه سيارة حلوة ومميزة وقوية وراسية ولها اسمها

لكن

شوف معي الداخليهـ




هذي داخليه الرويال..الداخليه حلوة ...لكن

تصميمها عادي ولا هو جريء ..مافيه شي جديد



لكن شوف معي التشارجر 2011






شوف معي داخلية الفورد تورس




تصميم جريء خطوط قوية ...تحسسك بفخامة مطلقهـ

كأنك راكب سيارة المانية بدون مبالغهـ

تصميم جريء وخطوط جريئة ..تحسسك بالفخامة والجودة العالية



الحين شوف معي بعض السيارات اليابانية - بغض النظر انها تنافس في القوة او لأ -



شوف معي النيسان ماكسيما




مع اني عندي تحفظ على تصميمها الداخلي

لكن تصميم رياضي فخم ..ومميز وجودته جيدة جدا


وشوف معي واخيرا الاكورد




بصراحة لا تعليق ديكور داخلي ولا أروع وبشهادة جميع من يركب السيارة


.....سؤالي هنا الكابريس بما انه سيارة معروفة وقوية ومميزة

ليش ما اهتمت جنرال موترز بتصاميمها الداخليه والخارجيه ..؟

والمنافسين يتفوقون بتصاميم وتقنيات افضل

شباب تعودوا من الكلام هذا اللي يقولون .. الكابريس خرابات !!
والله شي يقهر صراحــة خاصة لما يتكلم الواحد وهو أصلا ما عمره ساق او امتلك كابريس
لكن بذمته والله يعينه ..

الكابريسات من 2000 - 2003 كان فيه بعض العيوب
انا امتلكت كابريس 2001 ومشت معاية 206 الاف وربي ما واجهتنا مشاكل فيها الا التكايات وتأخرت ما غيرتها وأثرت شوي على المكينة وأشياء بسطية لا تذكر استهلاكية ..
والحمدلله كثر الله خيرها خدمتني ولا يوم من الأيام تعبتني ..
ولو ان الكابريس متعبني كان ما طلعت كابريس ثاني من الموديلات الحالية

الكابريسات من 2004 - 2006 أفضل من اللي قبل واعتمادية للغاية والدليل ليومك هذا منتشر الكابريس 2004 انتشار رهييييييب لدرجة ان بعضها تحس انها جديدة ما شاء الله

الكابريسات 2007 فوق صراحة مافي كلام جودة واعتمادية واتحدى اي واحد يقول غير كذا
ممكن حالات نادرة .. وكل السيارات كذا

الكابريس تستاهل بالنسبة لي وتعجبني وبكيفي ولو واحد طلب نصيحتي بانصحه فيها لأني مجربها ومتأكد من كلامي
لكن اللي يتكلم من غير تجربة مجرد يسمع وما جرب وبس جااا هنا يكتب .. فما اقول الا الله يبلاه بسيارة كلها خرابات
ويجيك الثاني يفتي يقووووول كوووري خخخخخخخخخخ ياخي بذمتك وش تبغغااا توصله يوم كتبتها ؟ ارحم حالك ولا تجلس تكتب شي انت ما تعرف شي عنه

الكابريس ( مكينة + جيربوكس ) أمريكية تماما .. مكينة مطورة من محرك LS1 الشهيير اللي صنعته GM من عام 98 .. وجيربوكس أمريكي شهير بعد

أنظمة تعليق كلها من شركات وربية .. ومتعوب عليها

باقي التصاميم استرالية

وللمعلومية GM استثمرت مليارات في مصنع هولدن .. من أجل التطوير
سياسة GM هي اللي تحرك مصنع هولدن .. ويكفي اسم شفر اللي انا اشوفه التوب

بصراحة انا اعتبر ان الكابريس من افضل السيارات الامريكية //

بالعكس انا اشوف ان السيارة تتطور من موديل الى موديل // ( السيارة هذه لها شعبيتها )..

وانا اعتبرها ان شركة جنرال موتور تعتبرها من اهم سياراتها .. واكبر دليل انها حاولت توقفها عن الانتاج وبالفعل توقفت عن الانتاج لكن سرعان ماعادت الشركة وان قامت بادخالها في خط الانتاج من جديد ..

تقبل تحياتي ..

^^^^^
ويين كوري الله يستر عليك

فلتر الهوا ياباني , رمان الكفر الخلفي ياباني , البواجي صناعة شركة بوش الالمانية

هذي اللي اعرفها الا الان

^
^

المكينة والقير امريكي..

والباقي مخلوط استرالي على كوري ..ويوم بعلامة شفر ويوم بعلامة دايو ويوم بعلامة هولدن

الكابرس اذا صنعت برا امريكا الشمالية ماتستاهل اسم كابرس

الحين يصنعونها باكثر من اسم منها Daewoo L4X و Holden WM Statesman
[/IMG]

http://www14.0zz0.com/2010/12/02/23/493740782.jpg

يعني السيارة صارت مسخ مع اني معجبني انهم للحين متمسكين بالدفع الخلفي