السلام عليكم ورحمة الله
موضوعي اكتبه كأي مواطن سعودي اكل مخالفات لين شبع ولكن
بالبداية لعل موضوعي غير مرتب ولكن حروفي تطلتع من قلبي مباشرة من القهر :(
من اول ما اشتغل نظام ساهر كنت اقول سواقتي حلوة ولاني راعي سرعة مجنونة
ولكن بعد ماجتني كم مخالفة من كم شهر اوجعني قلبي 1000 ريال كنت لو تبرعت فيها لجمعية ولا لعائلة محتاجة كان جبت لها مقاضي شهرين كاملة تغنيهم عن الحاجة ولكن تهور شباب الله لايعيده
كلنا عارفين ان ساهر اول مابدا توقعناه نظام ضبط السرعة ولكن للأسف طلع سرقة بوضح النهار
ولكن
اكلت المخالفة الاولى قلت زلة والثانية قلت زلة والثالثة قلت آخر وحدة ولكن للأسف ماكانت اخر وحدة pb093
المشكلة مو بالكاميرات
المشكلة مننا انفسنا مقتنعين ان سواقتنا زينه وساهر اللي ضالمنا ولكن العكس !!
اقتنعت النهاية ان المشكلة بالسائق نفسه وهو اللي يجني على نفسه
تنقهر لما يكون زميلك بالعمل او صديقك الامريكي او الاوربي مو واثق بسواقتنا ولايركب معنا الا لما يسوق هو .:confused:
سألت نفسي ليش . وقتها عرفت السبب , وقتها قررت بنفسي الطريق فاضي ولا مزحوم . مهما كان
السرعة 70 امشي 70 او اقل السرعة 120 ما اتعداها
جربتها فترة
كانت صعبة بالبداية ولكن اسبوعين بالكثير وخلاص
كلنا متفقين ان سرعة شوارع المدن غير مدروسة ولكن لانتسى ان بداية التغلب على النفس تكون باصعب شي بالنسبة لك
صدقني ساهر ماراح يوقف , واذا ماعدلت نفسك الحين راح تظطر تعدلها بعدين بعد مايطيح الفاس بالراس ويروح كل مصروفك تسديد مخالفاته مهما كانت المدة سنة ولا سنتين
لعل نظام ساهر خلى فرصة لنا نعيد التفكير بحساباتنا , ومهما كانت الأسباب كلها مقدور عليها ,, متأخر من دوامك > تعود تطلع بدري . مستعجل > تذكر انت تخاطر بنفسك
الحياة غالية والله وبالسرعة هذي إذا ماكنت تعرض حياتك للخطر ومو مهتم بنفسك انت تعرض حياة شخص بريئ للخطر
ساهر ماراح يوقف , واذا ماتغيرت بقناعة نفسك راح تقتنع اجباراً للأسف
كلامي والله طالع من خالص قلبي والحمدلله اننا فتحنا عيوننا بعد ساهر علشان نراجع اخطاءنا
- اتمنى من المشرف عدم حذف\نقل الموضوع لأنه يهتم بحياة ناس بريئة وحياتنا والله يحفضنا ويخلي لنا اقرب أحبائنا
والسلام عليكم
