الضمــان .. كلمة حق اريد بها باطل

مرحبا اخوي

للاسف كنت متوقع ان الكلام هذا صحيح وبعد محاولتي بالاتصال ب GM بامركيا عن طريق قريب لي هناك كانت الصدمة مايلي

-ليس لنا علاقة بالوكلاء في ما وراء البحار (الاوفر سيز) وارسلوني للمركز الاقليمي فقط اللي بدبي الذي هوه بالفعل اسواء من وكالاء السيارات لدينا بالعربي اذا كانت مشكلتك بسيطه جدا ممكن تنحل اما اذا كانت المشكله عيب مصنعي كبير وفادح وقد يؤدي لحادث لا سمح الله ويحتاج لتبديل السياره فسوف ترى ما يذهلك
- اعلا مافي خيلك اركبه.
-اشرب من البحر.
-حنا فوق القانون.
-اتحداك تثبت ان السياره فيها خلل.
-احنا بنعرف كيف نمرمطك <~ اكيد عرفتوا اللهجه.

تحياتي لكم واسف ع الاطاله

طبعًا وجود الرقابة الحكومية هو ما نأمله.
و أشجع على شراء السيارة من المعارض ,, إيش الداعي للضمان إذا كان مالك السيارة لديه خلفية بسيطة في الصيانة؟ و سوف يوفر الكثير من المال.

حسبي الله عليهم

لازم تكون مزعج وسليط لسان عشان تأخذ حقك من اي وكالة...
لازم تعلن حالة استنفار وتقابل اصغر موظف الى مدير الصيانة عشان يفكروا ويشوفوا...
لازم تدبر نفسك بسيارة ايجار اذا ماعندك ثانية ...الوكالة ماتوفر لك سيارة بديلة حتى يتم اصلاح سيارتك.

ياخي في وكالة انا كنت اتعامل معها قسم بالله العظيم ان مدير الصيانة فيها انسان لا يفقه في امور الصيانة ذرة

السيارة مافيه موية والمطلوب عدم تشغليها وادخالها وهي تمشي لازم سطحة...يقولي ياخي مايضر السيارة شي..قلتوا توكل على الله بس تحت مسؤليتك...وبعد ماركبوا الرديتر الجديد استلمتها "وبعد 200 متر من خروجي من الوكالة ولعة لمبة الحرارة"اكتشفت انه ضربة طرمبة الموية وكان فيه شك في اشعار راس المكينة...قلت لهم وش رايكم الحين قالوا احنا ماعلينا ذنب احنا ادخلنا السيارة وانت استلمتها كويسة...لم يبقى موظف استقبال ولا مكانيكي ولا مشرف صيانة ولا مدير صيانة "الي مايفهم في الصيانة شي لاني سالته وبأمانة هل تفهم شي في امور الصيانة قال وبكل وقاحة لا" الا كلمني وانواع اساليب الاقناع والصاصه, وكان ردي بعدم القبول واني راح اوقف السيارة في مدخل الصيانة و الي فيه خير يحركها....قالوا تعال عندنا لك راي نعطيك 35% خصم على شغل اليد ونعطيك 25% على القطع ...ماوفقت رجع لي مدير الصيانة وقال نعطيك 30% على القطع يعني اظافة 5% ...وبما اني مواطن عادي ومغلوب على امري وادري اني اذا وقفت على الباب راح ينادوا المرور يشيلها وافقت لان الحسبة طلعت لصالحي بما ان اللومينا تطلب طرمبة كل سنة او سنتين واخرمرة غيرتها كانت قبل سنة ونص وكانت الحسبة كلها 800 ريال والي هي قيمة الطرمبة لحاله لو اشتريتها من عندهم توكلت على الله وصلحة سيارتي ...وعلى الله العوض.

في الحالة العادية تكلفة تغير الطرمبة الموية 1300 ريال.

وياصبر ايوب.


لازم تكون تعرف شخص في الوكالة ييسر لك امورك ويلعب من تحت الطاولة حتى تعيش مرتاح يعني "واسطة"

احترام للعميل, تعامل ممتاز, جودة اصلاح وعناية ....هذي اشياء نسمع بها بس.

نقاطع صعبة ...اللصوص في كل مكان وكالة كانت او معارض...الا من رحم ربي.

اقوووووووول عاااااد

يعني ما اشتري سياره؟!

الا بشتري وامريكيه بعد.... يا لب الامريكي وبس

كل الشغله نهب فى نهب ..... والصيانه يضربون ضرب .. وقطع الغيار مثلها ..... والضحيه المسكين اللى راتبه 5000 وانت ماشى.......

آهم شي انك عآيش بآمن وآمـآن . .

بالله كل وكيل عنده واسطه فـ المستهلك بـ حريقه .. يعني خلااص تلقآهم يعرفون الوزراء وبينهم مصآلح مشتركه .. فـ ليه نخسر عشان مواطن . ؟

مآلك الا حـل واحد تتوصل مع الوكآله الآم وهم اللي يدقون عليك ويجيبون السطحه لـ بيتكم ويحبون رآسك وياخذونها .. :)

+KoRn

S N E E K

wellwell_32

نورتوا الموضوع شكرا لكم

^^^
صحيح كلام سليم 100%

صدقني لا مقاطه تنفع ولا قرارت تفيد

دام في امانه مفقوده و طمع و جشع مسيطر

بل ان خسارة الشركات في الازمه تعوضة من الدول الناميه بمساعدة من ابناء جلدتنا

في وقت كانت الازمه في عزها و تسريح عمال و اقفال مصانع و اجراءات شد الحزام

كانت قمه الارباح و اشتعال الاسعار في عزها

و كاننا عايشين في عالم ثاني مفصول عن اي احداث و تغيرات عالميه

احنا مشهورين باعمار الارض بعد خرابها و تعويض الخاسرين عن خسارتهم

ومن ناحيه ثانيه لا نلتفت الى انفسنا و توفير الحياه الكريمه لابناء جلدتنا

و فعلا الضمان كلمه حق اريد بها باطل

دام اخذ فلوسه ولا حد يراقبه ولا احد يردعه راح يسوي اللي يبي

ولله المشتكى

لا يوجد حل سوى مقاطعت شراء السيارات الجديده وخصوصا الكاش

وشراء المستعمل لو صارت مشكله كبيره عادي بيعها وماتخسر شي كثير

واذا اقساط مافي مشاكل تنازل عنها وصحيح ضمان كلمة حق اريد بها باطل

على عكس الدول الغربية المتقدمة المشتري والزبون هم من يفرضون الضمان على الشركه

والشركة تتطبق الضمان بلكامل ارضاء للعميل القوي الذي اذا اشتكاهم راحو فيها والحكومه بجانب العميل