بسم الله الرحمن الرحيم
السلام عليكم ورحمة الله وبركاته
يا جماعة الخير عندي مشكلة في الأزيرا وهي أني يوم جيت أشغلها أمس بغت تشتغل ثم طفت وجلست احاول فيها الين اشتغلت ثم رحت مشوار بدووون ما أطفيها (خايف يكون الخراب من البطارية) ويوم جيت اليوم اشغلها بغت تشتغل معي ثم حاولت مره ثانيه بس ما صار شي أدق سلف ما يدق علماً أن أنوار السيارة شغاله (بس ضعيفه شوي) فما أدري هل المشكلة من البطاريه ؟؟؟؟؟ ((علماً أنه قبل شهرين ونصف تقريباً كنت مسافر وخليت السيارة أسبوعين ونصف بدون ما أشغلها ويوم رجعت ما اشتغلت معي شحنت المرة الأولى واشتغلت وزودت لها ماء وكل شي ومشت معي تمام ))
فيا ليت تفيدوني يا أخواني لأني مستعجل بالحيل + لو كان المشكلة من البطارية فتنصحوني ببطارية 60 أمبير أو أكبر لأن خويي قال أن 60 أمبير صغيره مرة على الأزيرا والمفروض تكون 120 أمبير ؟؟ وما أدري وش الأفضل العادية ولا الجافه ؟؟؟؟؟ ووش تنصحوني به من أنواع (بأسعارها بالله) ؟؟؟
باختصار أبي أتاكد هل المشكله من البطارية علشان أغيرها بأسرع وقت :c0214:
