افكر اشتري Subaru legacy 2011 ايش رايكم

ممكن توضحلي الصوت اش هو ومن وين يطلع ؟


على فكرة ,

قبل كم يوم كنت بصيانة سوبارو بالسليمانية - الرياض

لأول مرة بحياتي حبيت صيانتهم

طبعا الصيانة مجانية , عرض من اليمني للسيارات

اعطوني كوبون خصم في 3M للتلميع الداخلي والخرجي , الخصم 50 %

لاحظت التطور بالصيانة

لكن تبقى مشكلة قطع الغيار

كنت احتاج فلتر للمكيف , قالوا مايتوفر الا بعد شهر أو شهرين :(

السيارة معي من 8 شهور والممشى 24 الف

السيارة من ناحية الرساوة والراحة والإقتصادية والشكل والتكييف والجودة ممتازة

لكن من ناحية الأصوات في الشوارع الخشنة مرة فيه صوت مزعج عجزت الوكالة عن حله

الوكيل للحين ما احتجت شيء عليه الكلام ولله الحمد لكن بشكل عام غير جيد وفيه خطة للتطوير إذا منت مستعجل انتظر وشف الوضع

المازدا ماعندي خلفية عنها ،،،

الليجاسي سياره اقف امامها وقفة احترام وتقدير

لكن لازم تكون على علم بوكيلها اليمني

والله ما يحتاج من كل النواحي مكينة واداء وراحة وتميز ..

بس القطع احيانا تقعد فترات ( شهور ) وانتا تستنى قطعة الوكيل يجبلك قطعة كاملة من اليابان غير كدا ما يدري عن شي ..

والله هي كشكل رائعه جدا اما الامور الباقية ما اقدر اساعدك
بنظري الشخصي الليجاسي والكادينزا والازيرا حاليا من اجمل
سيارات سيدان , < واسال واحد شبع من شوفتهم :bigggrin:

اخوي h y u z a m u الله يباركلك, لو معاي سعرها كان اخذت التربو
للنصيحة أهم شيء تأكد ان الوكالة تستخدم زيت خفيف لسيارتك (10-30 مثلا) والا ممكن يعدموا عليك المكينة بزيت 20-50, والله اعلم

قبل اسبوعين كان فيه تجمع لملاك سوبارو مع المدير التنفيذي على ما اعتقد، وكانو مسوين تغييرات في الادارة قبلها.
فا في احتمال ان الوضع يتحسن إن شاء الله.

http://www.subaruksa.com/vb/showthread.php?p=55478#post55478

مشكورين على المرور ,,,
بصراحة الموتر خاش مزاجي وبقوة , بس صراحة الوكيل يخوف , مع اني تكلمت مع الوكالة وسألتهم عن توفر القطع وقالوا متوفرة ولو ماتوفرت نجيبلك من اي دولة قريبة زي البحرين مثلاً
بس تعرفون الوكالة تبغى تمشي سياراتها يعني كلامهم مشكوك فيه .
والله يكتب اللي فيه الصالح

حاول تجرب السيارات اللي ناوي تشتريها، و لا تنسى صلاة الاستخارة.

اخوي انا معي الGT و لها الحين حول سنة و 3 شهور و بعيدًا عن التعصب السيارة و لله الحمد خرافية :xyxthumbs: من ناحية قوة و جودة و متعة.

و انا ادور على سيارة كانت ميزانيتي 150,000 ريال و كنت محتار،فشريت السيارة عن غير قناعة و الآن لو يرجعلي الاختيار و الميزانية إلى 200,000 ابرجع اشتري السيارة بدون تردد.

اول ما شريت السيارة ركبت شاشة وسعرها 6,000 مع التركيب تقريبًا من http://www.flyaudio.net/product_id.asp?id=208&xid=2

و جودتها تعتبر عالية و الوكالة الحين تجيب شاشة اعتقد بس سعرها اغلى و جودتها اقل والله
اعلم.

بالنسبة للعزل ممتــــــــاز و لكن عزل الكفرات ليس بالشكل المطلوب لأن الكفرات رياضية Bridgstone و التعليق رياضي طبعًا اتكلم عن الGT، و سمعت أن العزل تحسن مع انه ممتاز في 2011

و هذا الموضوع http://www.assayyarat.com/forums/thread220667.htmlعن مقارنات من موقع insideline.net

الLegacy الامريكية اسوء شوي من ناحية الشكل بالنسبة لي و مافيها زر Start Engine بس ميزتها قير Manual

و بالتوفيق.

لله الحمد اخذت لي لجاسي 2010 قير عادي من اسبوعين, الممشى 700 كيلو وامس كنت على طريق مكة بسرعة 120

- الاداء: القير العادي يأتي بمكينة 2.0 وعزمها مقبول بأحسن الاحوال, لا احكم على مكينة ال2.5 لكن الاداء متوسط ضمن فئتها
- الخارجية: هي السبب الرئيسي للشراء, كرأي شخصي من اكثر السيارات هيبة وشكل رياضي في فئتها
- البدي الخارجي: مقبول او ضعيف, والاكورد مثلا افضل منها
- الداخلية انيقة وبسيطة بنفس الوقت, اعجبتني واعتبرها الاجمل في فئتها, الخامات ممتازة لكن قماش المقاعد من النوع الخفيف الرخيص
- الراحة: ممتازة, الداخلية واسعة والمقاعد مريحة لدرجة كبيرة, خصوصا اني اشتكي من تعب الظهر مع الجلوس لفترة طويلة لكن الحمد لله لم اشتكي معها
- المكيف: في النهار جيد وفي الليل ممتاز, ما اقول عنه ثلاجة
- الثبات على الخط: بصراحة ما يحتاج اكتب والي جرب السوبارو يعرف ميزة الدفع الرباعي على سرعات عالية مثلا مع تغيير المسارب تحس السيارة ماسكة بالارض, لكن مع الدفع الرباعي تحس بشيء من الثقل في الحركة (الدفع الامامي طبعا اخف)
- الوكيــــــل: خليها على الله وما اقدر اضمنه لك, العديد من القطع موجودة لكن احيانا ما تحصل, مستوى الصيانة سيء مقارنة بوكالة كبيرة مثل عبد الله هاشم

عندهم تجربة قيادة, والمازدا 6 الفل بصراحة شكلها جنان مع اللون ابيض, والله يكتب لك الخير.

الالترا ممتاز من ناحية الداخلية وقوة المحرك ل تغاضيت عن السرعه المحددة اما الخارجية فمعليش باردة متبلدة وتحس ان الابعة سلندر هي الفل وياما شفتهم وعجزت افهم ليش هالشغلة الغريبة
وكيل السبارو ياصديق بيقدم خلال الفترة القادمة وبالتحديد مع بداية الاسبوع القادم الخطط الجديدة لانتشال الوكالة من الدمار والفضل بعد الله للمدير الجديد الي شاد حيلة فاذا مستعجل الخيارات كثيرة اذا تبغى اكثر من مجرد سيارة انتظر اسبوع

الوكيل سيئ جدا جدا عندنا سوبارو 98 كرهنا فيها الوكيل

وعليكم السلام ورحمة الله وبركاته ,,

صراحة مايختلفوا اثنين على ان اللجاسي افضل سيارة بفئتها من جميع النواحي

يكفيك انها بوكسر ودفع رباعي وانظمة الامان كاملة وثباتها عالي ومواصفات عالية وممتازة

لكن ابعد عنها وعن وجع الراس

الوكيل كانه فاتح بقالة...يبعيك السيارة ويسحب عليك...لا صيانة ولا قطع غيار

قول الصيانة مقدور عليها بحكم ان السوبارو خراباتها نادرة جدا

لكن القطع !!!!!!!!!!!!

صعب تحصلها بسهولة

وفي اغلب الاحيان يقول لك طلبية

لكن في فرصة لتحسن الوكيل بس ماندري متى يتحسن...هذا اذا صدقت وعودهم وتحسن مستوى الوكالة

اما بالنسبة للمازدا

الالترا ماخبري ان في منها 2011 بالسعودية لحد الان

لكن اليابانية سعر الفل 91 الف

وبالتوفيق^^"

انا عندي ليجاسي 2007 ماشية 135000 كيلو

السيارة ممتازة وقوة مطارحات

وماأقوم الا مع امريكي

بس الوكيل مكرهني فيها

القطع مو متوفرة

الصيانة سيئة سيئة سيئة


نصيحتي لك

ابعد عنها

السيارة ممتازة الى اقصى درجة

التكييف ممتاز ما تحس بالحرارة ابد.
قوة المكينة ممتازة (طلعت قومات مع كامري و فيوجن و اكورد وغلبتهم كلهم )
السيارة مريحة جدا و راسية في الخط و المنعطفات (AWD )
قطع الغيار الى الحين ما واجهتني مشكلة مع الوكيل (سيارتي ماشية ١٦٥٠٠)

انا فكرت بالمازدا و الالتيما ٦ سلندر كمان بس فضلت الليجاسي عليهم ( ياخي تحس انك مميز)

انا اقول خلك من الليجاسي
بما ان فكرة المازدا6 داخله راسك
وبما اني من عشاق هذا الموتر
اقوللك خلك على المازدا6 الترا
تبيها شكل تراها توب
تبيها مكينه تراها مجنونه ماحد يمسكها
تبيها مواصفات والله انها قادحه
تبيها وكيل ماشوف احد اشتكى منه

وفي النهايه كل هذا بـ95 الف ريال او في حدود هذا السعر<<<<يزيد الفين ينقص الفين
طبها كل هذا في النهايه(وجهة نظر)

مشكورين على المرور بس وشي المشاكل اللي ممكن اعاني منها مع الوكيل ؟

السيارة ممتازة
لكن الوكيل سيء غير منتشر ولا هو موفر قطع
وسعرها بعد الاستخدام متدني جدا