لو خيروك بين مرسيديس SLK 2012 و موستنق GT 2012

والله لسا امس شفت صور slk 2012 وانجنيت الصراحة ابداع

وانا كنت افكر في الموستنج يعني نفس المقارنة هذه ولكن المقارنة جدا جدا صعبة يعني وجه نظري هذه لها مميزات وعيوب والثانية لها مميزات وعيوب

من ناحية القوة الموستنج اقوى بالراحة بل انه slk ضعيفه جدا الصراحة يعني اظن الكامري اقوى منها وهذا عيب جدا جدا كبير خاصة للي يبغا يقارن بينهم من ناحية السعر كمان

ومن ناحية الحجم فبرضو slk جدا جدا صغيرة ما تكفي الا ل2 !!! واما الموستنج لا ممكن تركب 4 ولا 5 اذا تزاحموا

ولكن من ناحية الشكل الخارجي فslk هي الافضل بكل جدارة شكلها ابداع صح الموستنج حلوه ولكن مو زي الslk

ومن ناحية الشكل الداخلي فزي ما قلت الحجم الموستنج افضل ولكن الشكل الداخلي كمواصفات فslk ابداع من مرسيدس يعني مقاعدها وشاشتها وكل التقنيات في الداخل جنان صح انه الموستنج فيها مواصفات داخليه جباره بس مو زي الslk ولا تقارنها بيها من الداخل

ومن ناحية الشركة فبدون كلام slk افضل بمليون مرة يكفي انها المانية والثانية امريكيه ومرسيدس اعرق وافضل من فورد

يعني الزبد تبغا شكل ومواصفات وتقنيات توكل على الله وخذ لك slk

ولكن تبغا قوة وسرعه ودرفتات وفيها كمان شوية مواصفات داخليه ممتازة فتوكل على الله وخذ لك mustang

طبعا انا قارنت بين mustang gt full option و slk 200

انا اشوف الموستنق افضل

لاني اباخذ سياره كوبيه لازم اهتم للقوه والصوت الي يبرد القلب
بعدين الموستنق سياره معروفه وتمسك سعرها اكثر من SLK

مو اخذ سياره كوبيه وفي الاخير اسخف سياره سيدان تمغطني

عموما انا ما افكر بالكوبيه لكن لو اباخذ كوبيه وسبورت بحط القوه في المرتبه الاولى

:xyxthumbs::xyxthumbs::xyxthumbs:

الموستنج بكل صراحه

لسبب وحيد .. لأني من عشاق السرعه و القوه والصوت :smilie16:

كم سعر المرسيدس ؟؟؟

انا افضل المرسيدس اذا كانو بنفس السعر

ايييييييييييه هم يخيروني اول وانا ما اردهم ههههههه

والله احلف هم يختارون لي هههههههههه

موستنج وانا مغمض
بسبب السرعه والقوه

بالنسبة للخيارين الي ذكرتهم , افضل الـ SLK
افخم واجمل داخلياً من رأيي الشخصي , بالاضافة اسم شركتها اعرق :)

ههههههههههه والله صادق

بس صراحة السيارة كلها لاغبار عليها

الا بالداخلية السيئة

والسيارة عاجبتني كثير ومكينة قوية وعظيمة

بس الداخلية جدا جدا سيئة

بس تبقى الداخلية ماتكون شيء يحدد الشراء الاهم المكينة الشكل الخارجي ,,,,,الخ

بس الغريب ان داخليتها سيئة بعكس اختها الكبيرة كورفيت هذيك احلى مافيها الداخلية خصوصا الكشف :rolleyes1:

الله يرزقنا بوحدة ونجي نمرك في عرعر :bigggrin:

هلا بالغالي مشعل , :)

الكامارو مميزة من ناحية الشكل الخارجي , وقوتهآ مميزة ,
بس الي مآخلآني أذكرهآ هو تصميمهآ الدآخلي ,
[ 2012 يبي يتغير لكن الشكل الحآلي ؟ ]

شوف معي هالصور , ممكن تقول انها ريآضية ,
لكن حتى ولو ريآضية , الاودي + المرسيدس مهتمة كثير من الداخل ,

لكن الكامارو ؟ اخوي مشعل شوف الصور و عطني رأيك , :)

صحيح الكامارو لها كثير معجين , وانا منهم والله , لكن الحق يقال











,

بصرآحة اخوي مشعل , هل هذه دآخلية سيارة تقارن مع مرسيدس و أودي , أو حتى تشالنجر ؟ :)

ونسيت وحدة اخوي سهيل كمارو SS :ch19:

من بين الي ذكرتهم , أنصحك فالـ SLK , وان كانت عاجبتك الموستانج , تراها روعة :xyxthumbs:

,

لكن عندي لك خيارات أخرى أفضل , وبأذن الله مقاربة لأسعار الي ذكرتهم , :)

أودي A5
مرسيدس E كوبيه
دودج تشالنجر SRT 392
BMW Z4

,

في نظري هالخيآرآت أفضل , وشكل مميز + موآصفآت + جودة , :xyxthumbs:

بس ياخوي محمد الاس ال كي حلوة بس مشكلتها صغيرة بزيادة وماتشيل الا راكبين

ومكينتها جداً عادية والسيارة غالية

اما الموستنق اقوى مكينة اكبر مساحة

وغير كذا سعرها عند البيع يمسك اكثر من الاس ال كي

عليكم السلام ورحمة الله وبركاته

بكل تأكيد الـSLK لاسباب كثيرة اهمها الاسم والشكل الجديد كليا والملفت للنظر والسقف الصلب القابل للطي والمتوفر بخاصية تخليه شفاف في الفئة العليا ومميزات الامان بالسيارة وجودة الصناعة الى غيرها من الاسباب الي تخليك تتجه لهذي السيارة من تجربتي الشخصية لها

واذا تهمك قوة المحرك عندك SLK 350 سته سلندر

الله يوفقك ولاتنسى صلاة الاستخارة

الموستنق قوة وسرعة

المرسيدس الالتيما تقوم عليها

مايبغالها ياكبتن ,,, slk وبقوووووووووووووووووه بعد ولو خيروني بين شيلبي و slk لخترت الـ slk كمان ,,, يارجل يكفي السقف اللي ما ادري ايش اقول عنه قزاز وفجاءة يقلب سقف عادي !!

18 مشاهده والرد 0 !!!!!!!!!