مصيبة الكامري 2011 !

السلام عليكم

الحمد لله على السلامة وطيب انك عرفت تتصرف وقليل الي يقدر تصرف

مع الاسف المشكلة تتكرر والاستدعاءات التي حصلت بالملايين في اوربا وامريكا والصين لم يكن لنا منها نصيب سوى بالسكويا والافالون فقط
فالله المستعان

انصحك تراجع الوكيل وتطالب بحل العطل واذا لم تجد تجاوب ارسل فاكس لحماية المستهلك

هذي المشكلة اللي صارت عليها هيصة بامريكا و ابو جميل مسنع وزارة التجارة لكن لو حنا رفعنا عليهم شكوى وسوينا هيصة بيحترمنا بس الناس مو مقصرة طايحة بسياراته مايدرون ان عهده ولااا من زمان

ونسيت أقول الحمدلله عسلامتك يا صاحب الموضوع , لا تاخذني بس والله من زعلي , الله يحميك ويحمي الجميع يا رب , وألف حمدلله عسلامتك

حولو سيارات امريكا علينا ..

ابو جميل قال جيبها يا تويودا .. ترى وزارة التجارة نايمه عندنا ومجاك بوجهي

قد حصلت لي بي لاند كروزر 2001 السبب من الفرشة الارضيه بسيطه حركها وتنفك الفرشة ما تحتاج شغله انا قصيت الفرشة عند الدعسة عشان ما تتحرك مع الزمن و تتدخل وتعلق بس السيارات الجديدة صارو يحطون شي يثبتها مثل الاتيما عندي


وهاذا الشي ممكن يصير مع اي سيارة عادي

اولاً

الحمـد للهـ على سلامتكـ

ثانيـاً

سياراتـ ابو جميـل لا تعليـق :c0038:

يا جماعة الخير كلامكم كله صحيح , والمشكلة بصراحة مركبة ,
لأنه بامريكا فعلا غيرو الدعاسات من موديلات 2007 ورفيقي
بامريكا معه كامري 2007 وساوت استدعاء الوكالة وصلحوها ,
وبعد فترة ظهرت مشكلة دعسة البنزين واستدعوا السيارات المتأثرة

الله يحمي الناس بس , ولازم الوكالة تحترم نفسها , وتويوتا تحترم اسمها
الذي لم يعد مثل ما كان . والمشكلة موجودة بلدعاسة والدواسة أيضا ولكن
ليست كل السيارات متأثرة ,

^^^^^^
لما قالو ان تويوتا بريئة في امريكا قالو ان المشكلة في الدعسات

يعني الواحد يشيلها وخلاص والا يثبتها عند اي محل من محلات سيارات

والمشكلة هذي كمان صارت مع قريبي باوريون...والسبب طلع من الدعسة

وتقدر تستاجر كامري وجرب ادعس للاخير وارفع رجلك...زي اللي في المقطع اللي حطه اخونا مادميمو

وياصاحب الموضوع..اذا بتتاكد ان المشكلة مو عيب مصنعي...سويلها فحص اذا كانت نتيجته سلبية يعني المشكلة من الدعسة زي باقي الحالات اللي عندنا واللي في امريكا

لا لا لا من جد المشكلة طولت وشمخت بعد ...

الحين من 2009 الى 2011 ومالقو حل للمشكلة عندنا ....

وفية ناس تقول من الوطايات تخلي الدعاسة تعلق !!!! والي مبين من المقطع ان الدعاسة معلقة بدون اي وطايات او اي شي ...

طيب سوال ليش مايسون استدعاء لجميع سيارات تايوتا ويحلون مشكلة الوطايات اذا كانت بسيطة الى هالدرجة ؟؟؟ يعني وش راح تكلف الوكيل ؟؟؟ طيب هل المشكلة من الوكيل الي ما سوا استدعاء ولا من تايوتا و وطاياتها ابو كلب ولا من الدعاسات الي لازم يرفعونها فوق شوي ؟؟؟ وهل الوكيل يستاهل الشهرة و والدفاع عنة وهو مستهتر باراواح الناس وهو حتى ماكلف نفسة يحط اعلان بالجريدة بــ 180 ريال ويكتب فيها ياناس ياهوة شيلو الوطايات ابو كلب وانا اعوضكم صيانة مجانية لمرة وحدة فقط ؟؟؟ الى هدرجة ارواح الناس رخيصة ؟؟؟

وبعدين راجعت التقارير الامريكية بخصوص المشكلة هاذي واكتشفت ان تايوتا حلت المشكلة بامريكا باستدعاء جميع السياراتها و رفع دعاسة البنزين من 2 او 3 سنتميتر عن ارضية السيارة عشان ماتعلق الدعاسة من الوطايات ... طيب ليش مايسونها بالسعودية ولا حنا عيال البطة السوداء واروحنا وارواح الي يعزون علينا فداء لتايوتا و وكيلها فالذلك مايهم .....

واعذروني لني كثرت الكلام ولكن الي مبين انها صارت ظاهرة بالسعودية ولازم نلقى لها حل .....

وشكرا

باللهي من جدك تشتري من تويوتا
الحين جوده تويوتا ابو كلب
اشتر لك امريكي ولا كوري افضل

والله المشكلة حصلت معي كنت مرة على الخط وقلت أجرب تسارع السيارة وأنا أدعس للأخير وعندما شلت رجلي عن البنزين تفاجأت بالدعسة معلقة والسيارة في تسارع وعندما سحبت الدعاسة (وانتم بكرامة) فكت التعليقة وربك ستر ومن وقتها قم بتثبيت الدعاسات بواسطة المساكة المخصصة للدعاسات وإلى الحين الحمد لله وربك يستر على كل مسلم .

عادي عادي
زي الكورلا
انا عندي كورلا كانت تعلق بسبب الوطايات
بس ابعد الوطايه وارتحت ولا كأن فيه شي

طيب يلا نفتــتحها وآكون آنآ آول وآحد يقلك آنو الوطايآت تمسك الدعآسة....تفضل عزيزي :wink:http://www.youtube.com/watch?v=kRexOM1ysK8&feature=related
:smilie16::wavey:

ماعمري سمعت عن ان الوطايات تمسك الدعاسة وتثبتهل على الاخير الا اذا مفصلها من حديد او اسمنت واحد من الشباب ابوة معاة كورلا وصارت نفس الحركة خوينا الي في الفديو ربنا ستر على راعي الاند كروزر الي بغى يروح هو وعيالة كلها دليل على ان السيارات الي تجينا من تويوتا اهملت في كل شي حتى شروط الدقة في التصنيع صارت تشكل خطر على سلامة الركاب وغير كذا متى سمع واحد منكم ان الكامري خذت جوائز في السلامة.....!
وبالنسبة للي يقول المفروض الحكومة تجبر عب........ياعزيزى الحكومة وري عبد اللطيف جميل ولا ماكان متحكم بالسوق حتى حقوق المستهلك حاطها في جيبة تروحله تشتكى يقولك الموظف انت مجنون تشتكى صاحـ.......السمـ.....الامـ........فلان ال فلان
روقونا بس وخذلك اي سيارة لها صيانة قطع غيار بلاكامري تحت اوامري بلا مسخرة الارض

انا معاك 100% ...

لمتى واحنا نصرفها ونقول مرة دعاسة ومرة ومرة طيب ياخي مراح نستفيد شي لما نغطي العيوب بس عشان معانا كامري مثلا او احد اقربائنا .

والمشكلة ماعمري سمعت بمازدا او ليجاسي او اكورد او التيما او فورد او سيفيك علقت دعستها حتى وان صارت يعني بتكون مع قله لاتذكر وساعتها يكون خطأ مصنعي بسيط اما لهذي الدرجه لا معليش ماعمري شفت ..

ع العموم كل واحد عقله في راسه ويشتري الي يبغى .:smile:

تحياتي.

شباب هاذا العيب مو شرط من الدعاسه

هاذا عيب في الدواسة البنزين نفسها ويمكن بعد في كمبيوتر السياره

شوفو ها الخبر لراعي لاندكروزر

مصدر
http://www.alriyadh.com/2011/07/14/article650520.html


وشوفو ها المقطع
http://www.youtube.com/watch?v=M1toIvQ0A20

ركزو دواسة البنزين مو عالقه في الدعاسه
والمقطع واضح وما يحتاج فلسفه زياده

يا ليت محد يتفلسف ويقول ان المشكله من الدعاسه
عشان يرقع عيوب ها الشركه الي للاسف من جرف لدحديره

المفروض الحكومه تجبر عبد اللطيف على سحب سياراته
زي ما صار في امريكا

لاكن للاسف ما حولك احد ارواح الناس لعبه لها التجار

الحمدلله على السلامة آخوي آول شي........والقصة فالدعآسة وانت بكرآمة..تتزحلق وتجي قدآم آنت خليهآ ورآ فقط لآ غير...آشبك ذي كآمري لو فعلآ تعلق الدعسة كآن مدى 454546 واحد مآتو..وآصلن كآن سآر فلم فرنسي ..تقبل مروري

مشاكل تويوتا بالفتره الاخيره كثيره
الحمد لله على السلامه