عااجل : صارلي حادث وهذا اللي صار ،،، وش السواة

نياهاها @user_150650 · 24-07-2011

السلام عليكم
اليوم حصل لسيارتي حادث تضررت بشكل كبير من قدام وورا
الخطأ على الطرف الثاني 100% وماهو مأمن
سألني المرور اذا الايرباق طلع ولا لا وقلتله لا ،،، لكن بعد ساعتين لاحظت بان لمبة الايرباق مولعة
المهم رحت لمرور الناصرية وعطاني ورقة قال رح قيمها باحد مكاتب التقييم بالصناعية

طيب الان كم تقييم يبون وما قال لي رح لشيخ المعارض ولا شي
مين بالضبط يقيمها وعلى اي اساس علما بان سيارتي موديلها 2009 ووش السواة مع لمبة الايرباق

عبدالملك22 @user_266825 · 26-07-2011

بخصوص التقييم لازم يكون بمكتب المعروف اللي في الصناعية
وإذا كنت في الرياض فهناك مكتب لهم في الصناعية القديمة اللي على طريق الخرج ... تروح لهم والتقييم يكون من ثلاثة أشخاص في نفس المكتب وهم يقيمون التكاليف ... وبيعلمونك الإجراء المناسب في المكتب ....

Bander LoOoL @user_37877 · 25-07-2011

الايرباق اذا ما طلعت الاكياس لاتشيل همه
لانها ان شاء الله بسيطة
اسلاك أو حساس أو يمكن حتى برمجة

e7sas1991 @user_266573 · 25-07-2011

الحمدلله عالسلامه اخوي بالنسبه للتعويض الله يعينك اذا كان الطرف الثاني مايخاف الله

لان نظام القضاء عندنا الله بالخير

km260 @user_218261 · 25-07-2011

الحمد لله على السلامة .

تروح تقدر موترك عند ثلاث ورش والقطع الغيار والتامين ياخذ السعر المناسب .فحاول ان تكون الورش الى راح تاخذ التقدير منها جيدة وشغلها ممتاز وبعدها يصرف لك الشيك من التامين بعد انهاء الاجراءات

لمبة الايرباق .. اذا لم يطلع عليك الايرباق فالاكيد ان احد الاسلاك بمقدمة لسيارة تضرر من الحادث وامرة بسيط اذا العلبة سليمة .. الايرباق تحل موضوعة بعد الانتهاء من تصليح السيارة ..

تميمي وافتخر @user_264559 · 25-07-2011

وعليكم السلام
الحمدلله على سلامتك اخوي بالحديد والحديد معوض ان شاءالله
اتوقع انا انه اذا كان تقدير ثلاث ورش وكل ورشة تاخذ عليك 30ريال حق التقدير والوكالة تاخذ الضاهر 50 ريال حق تسعيرة القطع اكثر من 10.000ريال فإنه يحولك على شيخ المعارض وشيخ المعارض يشوف السيارة كم تسوى قبل الحادث وبعد الحادث ثم الطرف الثاني يدفع والله اعلم اتمنى اني اوصلت لك معلومة صحيحة