حادث موتري التاهو

مافي أحد يشور علي :smilie20:

ياجماعة الخير رحت التشليح وفريته ومالقيت الا باب السواق ليوكن 2009 لا ويبيه بــــ 4800 ولونه ذهبي يعني يبيلي أرشه فضي

والحين عزمت اني أشتري بابين وكاله بس اللي أبيه منكم أرش البويه في الوكاله أو ورشة الجرفين بالرياض

طيب يا أخوان احد يعرف محل معين فيي التشليح القى عنده قطع التاهو أرجوا ذكر أسم المحل

للمعلوميه انا في الرياض وبروح تشليح الحاير

والله اذا لقيت بالتشليح خير وبركه

بس وين تلقاه [ لون جديد + موتر جديد ]

لكن بآذن الله تبي تلقى ,,

نفس راي الاخوان ... موفق

والله تبي نصيحتي دور لك على بابين في التشليح نفس اللون على كلام اخوي (عكوس) احسن لك من رشها ونقل كل الديكور والقزاز ويمكن حتى ما ينقلونها زين ينكسر على كلبسه ولا مسمار بلاستيك حق تثبيت الاسلاك الداخليه وفك نفسك من هرقلة البيبان،، في التشليح بس فكه وركبه وسلام سلام... لكن لا تجيهم على سيارتك ويشوفون الصدمه ويغلون عليك السعر تعال بسيارة ثانيه وفاصلهم في السعر....

والله يعوضك ويعينك ويفرج عليك....

الف شكر ونحتري باقي أراء الأعضاء

اول شي دور بالتشليح
إن لقيت نفس اللون فأنت بتأخذ اخو الجديد
ولا تحتاج تفك قزاز ولا ديكور ولا قفول وتنقلة من الباب
القديم للجديد

طبعا سعر التشليح حسب المزاج 

لكن إن لقيت نفس اللون لا يتبين للبياع
عشان ما يستغلك
ولو كان بويته بوية نظيفه حتى لو دفعت فيه
اكثر لأن النتيجة مضمونة أمامك

الله يوفقك لما فيه خير

الله يعوضك يأخوي


إذا لقيت بابين في التشليح نظيفه ،، خذها بدون تفكير ،،