بحمد الله تم شراء الاكسبدشن

مبرووووك الله يعطيك خيرها ويكفيك شرها .....اخوك قبلك بـ10 ايام استلمتها

حياك الله اخوي طالبكم والله يجزاك خير - ووالله ياخوي ما جربت اشتري قطع إلى حد الأن لكن عموماً بهالوقت اغلب الوكالات ما تبيع برخيص واسعار هالوقت ما هي أسعار قبل 10 سنوات والقطع تتفاوت من معقوله الى غاليه كل الوكالات على هالسالفه وحتى الياباني والله ما هو رخيص . وعلى كل حال الموتر مكفول والفورد يعطون 3 شامل قابله للتمديد سنتين بسعر 350 دينار و5 سنوات على المكينه والجير هذا عندنا في الكويت الشاهد لا تحاتي القطع والموتر لو ما كان ثقه ما تعطي الشركة هالكفاله . حتى لو شريت موتر مستعمل وممشاه خفيف لا تخاف منه .

اخي الكريم mel ربي يعطيك خير السياره ويكفيك شرها ومره شكرا على النصيحه وخلاص بتوكل ربي مايحرمني منك

سؤال اخي الكريم هل صحيح قطع غياره غاليه وكمان قطع غيراه ارخص من الاكسبلور

مبروك اخوي وعسى الله يوفقك .


اخوي طالبكم
الموتر عندي من 3 سنوات وماشي عندي 65 الف وعلى ايدي من الوكاله وتبارك الرحمن مثل الساعه . مع حجمه لكنه خفيف ومكيف وسنترال ولا اروع وأعطال معدومه - سعة ورحابه وعلى طاري السعه لم كنت اركب العازل الحراري واحد عنده تاهو والثانو لاندركروز واشوفهم يسولفون عن موتري واخر شي أسألوني اني منزل الكشنات ولا لا ؟ قلتهم لا الكشنات مصفوطه وميزة الإكسبيديشن الكشنات الخلفيه بمستوى رجول السايق يعني اللي يقعد بالأخير وضعيه الركب عاديه ما هي مرفوعه فوق . هذا اكثر ما حببني فيه . وعموما ما يميز السيارة قلة أعطال + البريك . وهذا الشي بالفعل لامسته والبريك اذكر مره والله اني قلت خلاص فيشت بالهندي اللي طلع علي عرض وهو مخفف وانا على سرعتي لكن النظام اشتغل والبريك حسيته حجر ومسك بفرق 5 أمتار .

وبالمناسبة خلال السنوات الأخيره اللنكولن والفورد والميركوري رسميا متربع على عرش السيارات الأمريكية الأقل أعطال بالإضافه ماخذين جوائز بالبريك والسيفتي في الولايات المتحدة ومن باب الأمانة هالسنة البيوك حشر خشمه بعد اللنكولن :)

ملاحظتي عليه الطبلوم شكله مايل للرياضي . صحيح انه قطعه وحده وهذا يخليك ما تسمع أي أصوات مثل اليوكن لكن اتمنى يعطونه شكل أنيق .

موتر ينحب بس ها لا تقصر معاه بالسيرفس وبالتوفيق يالحبيب :)