صحيح انه بعض السيارات تصنع خارج اليابان بس لا تزال تحمل الجوده اليابانيه لانه كل شركه تضع معاييرها الخاصه في الجوده وطرق قياسيها حسب متطلباتها وحسب الكلفه ايضا للوصول للجوده المطلوبه .....
منظور مستقبلي .....
سعر الين مقابل الدولار في سنة 1999 كان تقريبا 125
سعر الين مقابل الدولار في سنة 2007 كان تقريبا 85 (اصبح غالي)
سعر الين اليوم مقابل الدولار هو 77 ين (اصبح سعر مجنون)
مستقبلا بيكون حتى اقل من 50 ين مقابل الدولار الواحد
حسبه بسيطه لتعليل السبب في فزع اليابانيين واغلاق مصانعهم في اليابان وفتح مصانع اخرى في البلدان اللي العماله في رخصيه (ايضا عملتهم مستقره)
لو عندنا سياره تصنع في اليابان (مثلا تويوتا لاندكروزر) وتكلفتها يطلع 4,400,000 ين (اربع مليون واربعمائة الف ين ياباني)
نحسب قيمتها بالدولار بسعر صرف سنة 1999 وحسبه اخرى بسعر صرف اليوم والثالثه بمنظور خيالي/مستقبلي لو صار الين بـ 50
السعر بالدولار سنة 1999
4,400,000 ين تقسيم 125 = 35,200 دولار (اي 128 الف ريال)
نفس السياره بس بسعر صرف 2007
4,400,000 ين تقسيم 85 = 51,700 دولار (اي 189 الف ريال)
طيب نفس السياره بس نتخيل انه الين في المستقبل صار ب 50
4,400,000 ين تقسيم 50 = 88,000 دولار (اي 321 الف ريال)
شفتوا الفرق الكبير في تضخم السعر الجنوني للسياره؟
الشركات اليابانيه عندهم خبراء اقتصاديين وعندهم علم بمثل هذي الامور (خصوصا انه الدولار الامريكي ينهار من سنة 2008 وهذا اللي يخلي الاوضاع من سيء الى اسوء للصانع الياباني)
يعني تخيل سياره انت متعود تشتريها بمبلغ معين قبل 10 سنوات وتتفاجا انها صارت 3 اضاعف سعرها!!!! والسبب انه الدولار الامريكي تقل قيمتة اما الين الياباني
لذلك تشوف توجههم انهم يفتحون مصانع في بلدان رخيصه لتعويض الخساره اللي تسببها لهم انهيار العمله الامريكيه (وهي حركه مقصوده من الحكومه الامريكيه لتكبيد اليابان خسائر اقتصاديه ...... لذالك تشوف السيارات الامريكيه رخيصه عندنا من زمان والسبب انه عملتنا مربوطه بهم ومايتغير سعر الصرف لانه سعر الصرف في سنة 1990 للريال مقابل الدولار هو نفسه في سنة 2011)
هذا هو الواقع المر وارتباط عملاتنا بالدولار وانهيار سعرة هو السبب الرئيس للتخم الحاصل في البلد وارتفاع الاسعار بشكل كبير في جميع السلع وليس السيارات فقط
