السلام عليكم.
أنا كنت مخططة أشتري لكزس إن شاء الله، بس بعد سالفة الإشعاعات اللي باليابان هونت :( مع إن خدمة الساير ممتازة وصار لنا معاهم سنين على سيارات التويوتا
المهم،
شكلي باختار سيارة بي أم دبليو ... بس بصراحة عندهم مليون فئة! ما عرفت شنو الفرق بينهم!
خل أقول لكم شنو أبي بالسيارة، ويا ريت تفيديوني بأنسب فئة حقي :smile:
- أنا أبي سيارة Sedan عادية
- أهم شيء الدعامية تتحمل الصدمات لا سمح الله. حاليا عندي كامري وبصراحة دعاميتها أشك إنها بلاستيك! على أقل طقة تنخفس!
- أنا سواقتي على قدي، فأبي يكون حجم السيارة ما يزيد عن حجم الكامري لأني ما أعرف اتحكم بسيارة حجمها كبير وايد.
- أنا ما اعترف بش اسمه مطبات ... فأبي نوع يتحمل ... ترى مو وايد اهتم بسيارتي .. حتى ما اسخنها الصبح .. اشغلها واسوق .. :)
- يكون التكييف قوي للمقاعد الخلفية لأن الكامري تكييفها زين للسايق بس اللي يقعدون ورا مو شي
- و ياريت تذكرون لي السعر التقريبي للفئة اللي تنصحوني فيها
الشي الثاني:
وبسألكم شلون خدمة وكالة الغانم؟ هل بمستوى الساير؟
ومواعيدهم وأسعار شلون؟
أدري طولت .. سامحوني..
ويعطيكم العافية :)
