مشورتكم في شراء bmw

وعليكم السلام ورحمة الله وبركاته

اهلاً اخوي :)
بالنسبة للبي ام دبليو ، من رأيي مبدئياً قرار بيع لكزس ES 350 2011 لشراء بي ام دبليو الفئة السابعة الجيل السابق خاطئ ، طبعاً الفئة السابعة الجيل السابق أفضل تقنية واوسع من اللكزس واقوى اسم هذي اشياء ما يختلف عليها اثنين ولكن البي ام دبليو الفئة السابعة راح تكون موديل 2007 او 2008 وهو الجيل السابق بالاضافة انك راح تاخذها مستعمل يعني احتماليّة كثيرة بكثرة الاعطال لأن شراء السيارات المستعملة عندنا فيه مخاطرة كثير وخصوصاً سيارات من هذي الفئة لسببين ، أولاً كثير من الناس مهملين بالعناية بالسيارة ففيه ناس يشغل السيارة ويمشي على طول بدون ما يحميها وناس تدعس بالسيارة كثير ويكرفها ، والسبب الثاني هو المطبات والحفر والأشياء الي تضر بالسيارة كثير وتتعبها وتفكك الديكور مع الوقت حتى لو كان ديكور مايباخ خخخخخ فحاله شوارعنا ( خصوصاً الرياض وجده ) تخوف انك تشتري سيارة مستعملة بهالمبلغ

بالاضافة انك ذكرت انك تبغى شئ يتحمل الكرف والسفريات والخطوط وبنفس الوقت أكيد تبغى الراحة والتقنية


شوف مبدئياً انا مؤيد وبقوة انك تبيع اللكزس وتاخذ بي ام دبليو ولكن ليس الفئة السابعة الجيل السابق
من رأيي انك تبيع اللكزس الي معاك وراح تجيب لك مبلغ محترم بإذن الله ، وتاخذ بهالمبلغ بي ام دبليو الفئة الخامسة وكالة ، شكل جديد وراح يطول لين ما يتأخر + تقنية وراحة وثبات وعزل ومواصفات قوية جداً ، بالاضافة هذي الفئة من البي ام دبليو تعتبر فئة تحمل أكثر من فئة البي ام دبليو الفئة السابعة ، والفئة الخامسة بإذن الله راح تعيش معاك أكثر من ما راح تعيش معاك الفئة السابعة
















بالتوفيق ان شاء الله