تقرير مفصل لـ شرائي دودج دورانجو 2012 CREW LUX ( تفاصيل وصور كامله ) ..

أخوي ميدوزوم الف مبروك عل السيارة
ياليت تقلي ايش صار معاك من ناحية القير لاني ناوي اشتريها ان شاء الله

عزيزي ابسألك بارك الله فيك عن مراتب الصف الثاني والثالث يتم ثنيها على مستوى واحد أو لابد من فكها.
ولك مني جزيل الشكر

الله يعينك يابو نايف على ذا الوكيل وموظفينه ....بس حبيت اوضح لك أن قير موديل 2011 كان خمس سرعات اما قير 2012 ست سرعات يعني اكيد البرمجة مختلفة تطمن يا ابن الحلال :) .. ويقال ان الدرانجو 2013 او 2014 راح يكون القير ثمان سرعات مثل باقي مجموعة كرايسلر

اشكرك على هذا التقرير الرائع

بس حبيت اسألك عن اقل فئه اعتقد سعرها 110 الف لأن هذا المبلغ اللي اقدر عليه

وايش المواصفات اللي فيها ولك جزيل الشكر

الله يعطيكم العافيه جميعا

وبالنسبه للسعر هذا الي انت كاتبه سعر 2011 اما سعر 2012 هو 150.450 بدون لوحات وتامين يعني طلع علي 152 الف

اتمنى اني افدتك ولو بالقليل والفل الي يسمونه سيتيدال بـ 174

الثمانيه سلندر تجي انواع

كرو
كروليكس
سيتيدال الفل

تحياتي للجميع والسياره اللهم لك الحمد ممتازه ولكن مشكلتها القير وننتظر ان الله يحلها ولا بتكون مشكله

طبعا وديت السياره الاسبوع الماضي عشان صوت الطقه

قالوا خليها وروح وتعال العصر وخليتها ولما جيت العصر قالي الحمد لله تم حل المشكله وتم برمجه القير

دخلت استلم السياره الا نفس الصوت ما تغير شي

واقوله اش ذا ما تغير شي

ورحت للمهندس الي شيك واساله قالي والله البرمجه الي جاتنا حقت 2011 وانت سيارتك 2012 لسى ما جات قلت له نفس بعض ما فيه فرق

قال لما شغلت البرنامج طلع لي الموديل مختلف

فـ انتظر الى ان ينزل البرنامج وتنحل المشكله

وقسم بالله بغيت اضرب الموظف الي كذب علي بس تمالكت نفسي وشغلت ومشيت وقلت لما يجي وقت الصيانه الاولى اتفاهم معاهم كويس لانه حرام الي يصير دم قلبي احطه بسياره وفي الاخير كل شوي طقه بالقير الله ينتقم منهم

السلام عليكم
يعطيك خير السياره ويكفيك شرهآ ..

بس انا استغربت من شي .. عندنا بالوكيل نفس مواصفات السياره اللي معك جلد وفتحة وكاميره خلفيه ونافيقشن وجنوط عشرين بس بدون رادار امامي !!!!
وبسعر 148 الف ..
والفئه اللي اعلى كاميرا اماميه وديفيدي خلفي ورادار بـ 168 الف

ما ادري احسهم نصابين اللي عندنا !!!!

بالله اللي قريب من المتحده يتاكدلي من الاسعار أو اذا يعرف ارقامهم يسدحها هنا ولا هآآن

السلام عليكم


ماشاء الله تبارك الرحمن ربي يبارك لك فيه ويهنيك


اخوي عندي استفسار بسيط لاهنت

هل يوجد عندك صوت طقه في الجير اثناء التعشيق ؟
هل جربت شغلت الدبل وعشقت الجير هل يوجد صوت طقه او اهتزاز للمحرك ؟

اثناء الوقوف من السرعات العاليه بشكل مفاجئ واثناء نزول العشيقات الى الجير من الثالث الى الثاني هل هنالك طقه ؟

جميع هذه الاسئله هي لمشكلة موجوده في الدرانقو الجديد وانا معاصرها بنفسي لكن الاشكاليه ان الوكيل يتهرب وودي باكبر عدد للشكوى عليه وان شاء الله يشوفون لها حل لان مشاكل من عيوب التصنيع

الف مبروك.. الله يعطيك خيرها ويكفيك شرها.
المواصفات رهيبة... لكن الوكيل مايمدحونه والمعارض ما شوفها موجوده!

ماشاء الله تبارك الله
الله يعطيك خيرها و يصرف عنك شرها

(ما شاء الله) الله يعطيك من خيرها ويكفيك شرها ودي اسأل بالنسبة للبنزين تعبي أي فئة وكم يمشي من كيلو بارك الله فيك

الف مبروك مرة اخرى وتتهنا فيها يارب مركوب العافية ... بس ماتحس يابو نايف ان السيارة منخفضة من الامام اقصد اللحية .... ماضايقك الشيء هذا في البر ؟؟

الله يعطيكم العافيه جميعا احبتي

واسال الله ان يوفقني ويوفق الجميع

والسياره ماشاء الله في البر وحش بسم الله ماشاء الله

من جد طلعت ونزلت ولفلفت البر بدون الدبل والكفرات مليانه

كيف لو انسم

وجربت الدبل ماشاء الله من جد راح تحس ان المكينه عندك غير عن كل السيارات

تحياتي للكل

الله يعطيك العافية على إجاباتك .... وتفاعلك مع الموضوع ....

تنويه : طبعاً قصدي من المقارنة بينه وبين القراند شيروكي الليميتد ... أقصد الفئة اللي أنت اشتريتها ... بدليل مقارنتي بالسعر بينها وبين الليميتد ...

مشاء الله سيارة روعة الله يعطيك خيرها ويكفيك شرها ..... انا سبق ان زرت الوكالة وشاهدت السيارة عن قرب صراحة موصفات رائعة خاصة فئة lux وشكل جديد وجميل من الخارج وانا محتار بينها وبين اكسبلورا 2012 xlt ..... استفساري اخي العزيز:
1- هل يمكت تشغيل الفيديو في الشاشة سواء من الهاردسك الداخلي او الفلاش
2- هل مقعد السائق فيه نظام التبريد أو فقط التسخين
3- هل يمكن المزامنة مع الجوال او مشغل ام بي ثري بحيث يتم تشغيل ملفات الفيديو او استعراض الصور و تشغيل ملفات الصوت او فقط الرد المكالمات
4- هل النقطة العمياء الموجودة في المراية الجانبية هو المثلث الذي يظهر بشكل برتقالي ام هذا المثلث يظهر فقط في الفل كامل

السلام عليكم

ماشاء الله تبارك الله

مبروك السيارة والله يعطيك خيرها ويكفيك شرها وتستاهل كل خير

مبروووك الله يعطيك خيرها ويكفيك شرها ............

السلام عليكم ..

مبروك يااخوي والله يعطيك خيرها ويكفيك شرها :smile:

عندي استفسار بسيط , من اي فرع انت شريتها ؟

شكرا , ومبروك مرة اخرى ,

T

The_king_of_road

الله يعطيك خيرها ويكفيك شرها ... تتهنا فيها..!!

حبيب قلبي كيف الوكالة معك لان الناس يطلعون كلام ان الوكالة سيئة انت مع تعاملك معهم كيف تقيمهم..؟؟

هلا هلا والله اخوي ملك

والله يجزاك خيرعلى هالكلام الطيب

بالنسبه لتعاملهم معاي اسواء تعامل مر علي بحياتي وقسم بالله كأني مشتري من عندهم لمبه وماحد فاضي يعطيك هي رح ارتاح تحت يعني اطلع من مكتبي ماني رايق << فاهمين

هذا بالنسبه للفرع الي تعاملت معاه العلم عند الله الفروع الاخرى

والله رحت المطبخ حق الفرع لقيت الهندي قلت يا محمد سوي واحد شاهي واحد مويه ؛<<< عازم نفسي وش اسوي

:

:: ابو العز ::

ماشاء الله تبارك الله
الف مبروك
التقرير ممتاز كفيت ووفيت

حياك الله ابو العز واحسن ما قلت

تحياتي لك يا عسل

و

وكيل كوووول666

ماشاء الله تبارك الله- الله يعطيك خيرها ويكفيك شرها \ ما تكلمت السعر ولا عن العزل الداخلي

احسن ما قلت اخوي وكيل

وبالنسبه للعزل مره كويس ماشاء الله

احترامي لك

ر

رمز777

س1/ هل القير فعلاً صار ست سرعات ....
لأن اللي أعرف إن موديل 2011 خمس سرعات ؟

[COLOR=red]السياره 6 سرعات [/COLOR]

س2/ هل فيها أنوار زينون ؟

يجي في الفل كامل

س3/ هل فيها نظام مساعدة الركن الأمامي والخلفي ( الباركينق ) ؟

والله ماني متأكد لانه لما اجي اعشق الريوس يجيني مسج ذي بارك اسستنت از اون بس ما تعمقت واجد ودي استكشف كل شي حبه حبه عشان ما امل فهمت قصدي
______________________________

من خلال إطلاعي البسيط فيها والقراند شيروكي (ليميتد) تبيت هذه الفروقات ( لأن بعض الناس قد يحتار بينهما لتقارب السعر لأن سعر الليمتد 160-165 ألف ) وأتمنى التصحيح إن كان فيه معلومة خاطئة .:

أ : المواصفات لصالح القراند شيروكي ( ليميتد) :
1- العدسات في الأنوار الأمامية . عدسات في الفل للدورانجو
2- DVD خلفي .دي في دي في الفل موجود ايضا للدورانجو
3- وضعيات الدفع الرباعي ( رمال - صخور - ... ) ونظام نزول وصعود التلال . مو مهمه اشوفها بحكم ان السياره دفع رباعي وفيها دبل ثقيل اعتقد انحلت المشكله
4- تدفئة الدركسون . موجود في الفل للدورانجو
5- رشاش غسل الأنوار الأمامية .
6- " ماتأكدت منها " تخزين وضعيات مقعد السائق .[COLOR=red]موجود عندي تخزين المقاعد والدركسون [/COLOR]
7- " ما تأكد منها " النظام الصوتي أقوى .


ب- المواصفات لصالح الدورانجو :
1- الرادار الأمامي .
2- تخزين ريموت الكراج ( بجاني مصابيح القراءة الأمامية ) .
3- مكيف خلفي .
4- مقاعد صف ثالث .
5- الجنوط 20

الله يعطيك العافيه وجاوبتك بنفس ردك باللون الاحمر

احترامي لسموك

م

ملك الرمل

مشاء الله تبارك الله .. سيارة جميله ومميزه .. وتقرير أجمل ..
احسن ما قلت اخوي ملك الرمل

أخي الكريم .. بالنسبه لتشغيل السيارة عن بعد .. هل هي مفعله في سيارتك ؟ اي نعم مفعل

وياليت تشرح لنا كيف يتم التشغيل في حالة وجود هذهِ الخاصية لديك ..

موجود في الريموت زر تشغيل عن بعد ضغطتين ورا بعض وتشتغل السياره عادي

وأضم صوتي مع الأخوان الذين يسئلون عن (((العزل))) .. ولك تحياتي وتقديري .

والعزل ماشاء الله ميه ميه الحمد لله

G

Golden Holden

الله يعطيك خيرة و يكفيك شره

الله يجزاك خير اخوي ويعطيك الف عافيه

f

fhad2007

بالمناسبه الرادار وش شغلته ؟ وش راح تستفيد منه ؟ !!!

وننتظر تقريرك من حيث قدرات السياره في الرماااااااااااااااال ... هذا اهم شئ عندي

بالنسبه للرادار جربته مره رهيب يخليك تترك مسافه بينك وبين السياره الي قدامك يعني مثلاً

اول شي تحدد مسافه بينك وبين اي سياره قدامك وبعدين يشتغل لما تتجاوز المسافه طوالي السياره تمسك فرامل بشكل تدريجي بدون تحكم منك

والسياره وحش في الرمال ماشاء الله بس ما جربتها في الاشياء القويه لانه حرام دم قلبي فيها واروح اطعس لا

ي

يوسف اليوسف

ماشاء الله لا قوة الا بالله .. الله يبارك لك أخوي .. وتتهنى فيها يارب .. تقرير جميل ..

احسن ماقلت اخوي يوسف والله يبارك لنا ولك يارب

والله يديم الهنا علينا وعليك

احترامي لك