الحيرة تتجدد !!

وعليكم السلام ورحمة الله وبركاته

اختيارتك جداً جميلة وذوقي مثل ذوقك بالسيارات , انا انسان من اشد المعجبين بالسيارتين رينج روفر سبورت والبي ام دبليو الفئة السادسة ..

نجي بالمهم , السيارتين طبعاً كلهم فخمات واسعارفهم فيهم , لكل منهم عيب وسلبيات
اولاً البي ام عيبها انها بابين وانها لراكبين فقط , طبعاً فيه مقاعد خلفيه لكن بالعافية تكفي لأحد ولا تتوقع انك بتستفيد من المقاعد الخلفية بششكل كبير



شوف يا الغالي , من رأيي اذا انت من النوع اللي يركب معاه ناس كثير بشكل متكرر الفئة السادسة راح تمل منها بشكل سريع لأنها ما راح تكون عملية بالنسبة لأحتياجك , اما اذا طلعاتك خفيفة ونادر ما يرافقك شخص واذا رافقك احد يكون شخص واحد فقط فشخصياً انصحك بالبي ام

الرانج سلبيته ان اعطاله كثيرة , وكلامي ماهو من فراغ , عدد ماهو قليل من الاقارب كان معهم رنجات ومعظمهم باعوها بسبب اعطاله المتكررة , والسيارة أوروبية وبريطانية يعني قطع غيارها وتصليحها مكلف , والرنج من السيارات اللي يبغالها الواحد يحط ميزانية مخصصه لها كل شهر !

من رأيي مثل ما قلت اذا انت مو من النوع اللي يشيل معاه ناس كثير دايم فخذ البي ام افضل , لأن احتياجاتك اللي ذكرتها بالموضوع كانت رقم 1 هي الأعتمادية والبي ام اعتمادية أكثر ورقم 2 ان الصيانة ما تكون مكلفه والرنج والجاغوار صيانتها مكلفة نوعاً ما

بالاضافة لنقطة مهمة ما أدري اذا تهمك أو لا وهي ان البي ام دبليو الفئة السادسة أكثر تميز وهيبه من الرنج :)