ايدج سبورت .. استشاره !

أخوي أنا أمس مريت توكيلات الجزيرة جدة فرع طريق المدينة
ألوانها الداخلية مافي غير اللون الاسود
بالنسبة لنظام الملاحة موجود لكن خاص بامريكا
بالنسبة للسعودية مافي للحين
على العموم الدفعة الاخيرة اللي وصلت من ايدج سبورت كلها محجوزة
سعر السيارة الحالي
157500 ريال سعودي
159500 ريال سعودي للون اللولي
ادا نويت تاخد السيارة انا ماعمري سمعت عنها مشاكل بالعكس كثيرين مدحوها
وتقدر تروح اي فرع لتوكيلات الجزيرة وتحجزلك سيارة من الدفعة الجاية

النيفيقيشن للاسف مهم بالنسبه لي وخوفي يأثر على قراري :/
المسألة محتاجه تفكير خصوصا مع عدم توفر البيج فالداخليه :(
سعره في الوكاله 2012 161 الف !

ياهلابك المحرك ذكرته في ردي الثاني المحرك محرك الموستانج 6 سلندر 305 حصان صافي السيارة دفع رباعي AWD الداخليه حسب اللي شفته بالمواقع الامريكية تجي بالوان مختلفه لكن الاسود هو الاغلب على السبورت اتوقع ممكن تطلب في الوكالة ويوفرون لك اللون خاصة البني جداً جميل
النفيشقن للأسف فورد لم تصنع خرائط للشرق الاوسط الى الان وكان في احاديث من الوكالة انها راح تجي مع موديلات 2012 لكن الى الان لايوجد اخبار وتوقعي انها ماراح تصدر الى 2013 وهذا يعتبر من عيوب فورد بشكل عام
انصحك تقرا الموضوع اللي في ردي الثاني في تفاصيل كاملة عن السبورت
ايضاً الدفع الرباعي هذا غير مخصص للتطعيس والطرق غير المعبده وخاصة السبورت لان جنوطه كبار والمعروف كل ما كبر الجنط صار اسوأ في التطعيس فأذا انت راعي تطعيس ماينفع الايدج ابداً

احيلك الى هذا الموضوع اذ كنت تبي تعرف تفاصيل السبورت http://www.assayyarat.com/forums/thread242712.html
احب اقول اكثر مايميز السبورت محركه الجبار اللي يعتبر معجزه في فئة 6 سلندر ويتفوق على بعض مكاين 8 سلندر في عدد الاحصنه محرك الموستانج 6 سلندر بعدد احصنه 305

انا معي ايدج سبورت 2011 اللون ابيض لؤلؤي وهو افضل الالوان على السبورت ويعطي طابع رسمي للسيارة وبنفس الوقت السيارة شكلها سبورت واللون يضيف الرسمية لأن في اجزاء في السياره تجي اسود على كل الالوان مثل الشبك بالكامل اسود وجزء المراية الخارجي الاسفل يجي اسود والجنوط سوداء عشان كذا اللون الابيض هو الافضل وللأمانة السياره جميلة بكل الالوان لكن الابيض افضل
بالنسبة للأداء السيارة ادائها قوي واستجابتها سريعة ومحركها ممتاز والقير الست نمر مريح السياره يعني على سرعة 140 الضغط يكون على 2 ونص وبدون اي اصوات

بالنسبة للقساوة انا ماجربت ايدج غير السبورت لكن مقارنه مع الكورولا اللي معي 2004 يعتبر اريح بكثير ولاتصدق الكلام اللي يقول عشان الجنوط 22 يعني بتكون في رجه واصوات الكفر عالية وقساوة على المطبات هذا الكلام غير صحيح لأن ببساطة لايوجد اي جنط مقاس 22 ستوك وحط على ستوك الفين خط يعني مدروس الجنط على هذه السيارة ولن يؤثر عليها بأي شي
العيوب لايوجد عيوب حتى الان لكن ملاحظات بالنسبة للمراية تبع السائق لاتتحرك مع تحرك المراية تبع الراكب من خلال عصا التحريك ومدري هذا عيب ولا السيارة جايه كذا
2-السبورت لايوجد به هوك خلفي زي باقي الفئات وهذا لايعتبر عيب لان السياره بفئه السبورت والسبورت مايجي بهوك ولكن ملاحظه
3-الكفرات راح تكلفك كثير عند تغييرها
4-الجنوط خلال القياده تحتاج انتباه اضافي خاصه عند الصرافات وعند المرور من ارصفه ضيقه لانها مكلفه
غير كذا انا اقولك توكل على الله السيارة مميزة جداً وملفته للانتباه