ساهر .. اسم جميل

اعيد لكم رد ... صالح كامل .. لكل من هو ضد ساهر ...


بكل بساطة ..

... ((لا تسرع !! ))

الله يهين صالح كامل وكل من سوا نظام ساهر معاه كائنا من كان
الله يبتليهم في دنياهم قبل آخرتهم
حرااام اني ما اتكلم الا من قهر
الغني يزيد غنا والفقير يزيد فقر
لكن على الله

السلااام عليكم ورحمة الله وبركاته


اخوي ابو غامد1


انا معارض 100% ضد نظام ساهر لأن هدفه الرئيسي رأس المال فقققط لا اكثر ولا اقل

ويمشون تحت شعارات كاذبة (ساهر لسلامتكم) والله من شفت ساهر ماعد شفت السلامة من وراه

ماشفت الا الخساير على الوالد والأخوان والأصحااب

وللمعلومية فقط خويي عمره ماتعدى الــ 20 وعليه 48 الف ريال سعودي مخالفات وعاطل


هذا بالله وش يسوي

وعلى طاري البلدان الصارمة انا رحت دبي وفرنسا ودول الغرب بصفة عامة

نظاااام زي الألف سرعة اكل مطاعم اسواق شوارع اي شي

دامك تتكلم عن الصرامة اوكي متفق معاك

اول المشاكل : التفحيط ليش مايوقفون التفحيط ويحطون حلبات مخصصة لصالح المواطن والمفحط والمشاهد

انا ماقد شفت امر ملكي يوقف التفحيط لأنه معروف الرياض نصها تفحيط ومحد يقدر يوقف الشي ذا لأن ماعندهم اي صرامة

لكن اذا تبي تروح تشوف لك لوحة لسيارتك الجديدة زيي مثلاً تاخذ معاملتك اسبوع اسبوعين مافي مشاكل تتعطل في حريقة

اما لو بتسدد ولا فيه فلوس في وقتها المعاملة تنتهي

فا بأي حق ساهر ياخذ من جيوبنا هالفلوس الله لا يبارك في صالح ناقص الي حطه a1120(82):):

اتمنى انك ماتزعل مني وهاذي مجرد وجهة نظر اخوي

تحياتي واتمنى لكم اطيب الأوقات

الاخ super safari

اشكرك بشدة على هذه الاضافة الجميلة
اضفت للموضوع نقاط مهمة و مفيدة جدا
فشكرا جزيلا

شكرًا لمقالتك الرائعة و التي أجدت في صياغتها و مضمونها كذلك.

و بالفعل.. إذا كان الهدف فعلاً هو النظام , فأين مكافحة الغش التجاري و الاحتكار.
بل لنقترب على السيارات: أين محاسبة الغير مبالين بالوافقين على الإشارة و هو يتوقفون عرضيًّا! و لا يتحركون عند الإشارة الخضراء لأنهم بالطبع لا يرونها!
أين مخالفة من يغلق المسار الايمن و يمنع طابور طويل من الالتفاف إلى اليمين؟!
أين تطبيق عقوبة صارمة على من يستخدم الجوال أثناء القيادة؟! حصلت حالات وفاة و أقل المشاكل هو تعطيل السير بسبب عدم التركيز و عدم سماع منبهات السيارة له الي صار لها ساعة تدق.
و أين و أين و أين... القائمة جد!ًا طويلة. و وقفت على السرعة يعني! و ليت السرعات المحددة مناسبة و منطقية على الشارع.

صدقت في العبارة:
لا يوجد ملايين وراء حفظ الأمن
و لكن يوجد ملايين الملايين من المخالفات المرورية

كلامك صحيح اخي الكريم
و 99 % من الناس يدرون ان ساهر الجائر هدفه الاموال

واللي حصل في القويعية من مقتل سائق سيارة ساهر واحراق السيارة
يبين شدة حنق الناس على هذا النظام الجائر
((( مع اعتراضي الشديد على القتل او الاعتداء على الموظف البرئ)))

نظام ساهر هدفه جمع الاموال فقط انا عندي اثبات ...اللي من جده يعرفون طريق المينا انا امر عليه مرتين في اليوم عندما بدا ساهر كانو يحطون سياره عند بعض المخارج لكنهم ما استفادو لان الشاحنات تمسك المسار الايمن والشعب ماشي بعدين شالو هالسياره وحطو ثابت في لفه صعب انك تنتبه له طيب ليش ....طبعا عشان يجمعون اموال الشعب .....الله ينتقم منهم بس انا عندي سؤال ...الحين نظام المرور ان فيه حد ادنى 300وحد اعلى 500 انا لقطني وجات القسيمه بحد اعلى على طول بس المفاجئه انهم رفعوها بعد شهر الى 900 :confused1: ليش مدري .....تنصحوني اروح للمرور ولا ايش السالفه ..

يعطيك العافية اخ MMD
وكلامك جميل جدا ويثبت صحة كلامي عن ساهر الجائر

اول شي انا اهنيك على الموضوع بس انا عندي ملاحظه على نظام ساهر ،‘
إوٍل شيُ إنـآإ معارض ان ساهر يطبق دـآإخل المدينه (الشوارع الفرعيه ) يعني الواحد بالشوارع
زي هذي يالله يمشيُ 90 واشاره وقلق ومصيره يهدي ،‘
طيب النقطه الي بقنعك فيها وإلي هي مصدرهم الاول والاخير المآإل ؤليس الامان
الامان حاطينه بالمرتبه الثانيه بعد المال ،‘
طيب ليه ماتطبق هالنظام بالشوارع السريعه زي الدايري عندنـآإ كم حاطلك وحده مثبته على
الدايري الشمالي ،‘ طيب والدايري الشرقي.،؟ والدايري الجنوبي،‘؟ والدايري الغرٍبي،‘؟
مو تسمى شوراع سريعه يعني العالم بتحط رجلها ليه ماطبقته اكثر الحوـآإدث بالشوراع
السريعه ياما وياما انا شخصيا شفت وفيات على الدوايري حقتنا .!! طيب ليه حاط حيلك بالشوارع الفرعيه الي الواحد مامداه يدعس الا جته اشاره ،‘
الا هم يستغلون هالشي لآن بعضنا يروح اماكن او يدخل حي اوشارع فرعي بيقضي حاجه فيه
واول مره يدخل هالشارع وتصير فينا كثير واثر فيه ساهر !! طيب انا امشي 80 والسرعه70
ولا تلقاه زابن الجيب حق الكمرهـُ انت متخبي تبي توعي الناس ولآ تبي تسرق الناس ؟؟
بعدين ياخي كل هالمخالافات الي نشوفها راحت وربي صرنا والله والله اني انا وكثير من الي
اعرفهم وربي البيت اننا صرنا نحط ميزانيه من الراتب لساهر ليه ماعندنا مصاريف والي ماعنده قدره ماديه ايش يسوي مايسدد تتدبل بعد شهر !! طيب انا مزنوق الشهر هذـآ ماقدر
تدبلها علي ليه !! اصبر عليها 6 شهور سنه ياخي ليه التدبيل !! تقولي مكان تروحله يسقطون التدبيل <~ ياعمي تروح يبهذلو ام اممك وانت ماخذت شي منهم والله توقف بينك وبين نفسك تقول انا مالي بالبهذله هذي يعني عندك التزامات تبي تسويها وساهر ياخذ منها
شوف ساهر انا معـآإهـ بس يكون ،‘
1- عند الاشارات المروريه ولو تلاحظون الكميرات الي على الاشارات ماتنحط عند اي اشاره يحطونها على الاشارات الي فيها زحمه ،‘ يعني ركبها عند كل الاشارات مو تبي الامان للكل ؟
ركب ثواني على الاشارات بالرياض الي مركبين ثواني عليها يمكن اشارتين او ثلاث ،‘
وبعدين مو تركب عند الاشارات بعدين يطلع لك المقبل يقولك ترا الاشاره الفلانيه والاشاره الفلانيه فيها عيب وهي تصور من حالها <~ ؟؟ وين الجوده بالعمل مو تبي تحافظ على الارواح ،‘
2- يتطبق ساهر بالشوارع السريعه وهذا هو سبب الحوادث كلها وكل الوفيات فيها مو الشوارع الفرعية ولا يحطها بالشوارع الفرعيه ولا فيه لوحات كم السرعه المطلوبه وكثير
بالشوارع مافيها خلونا نكون واقعين ،‘
موقف صارلي بـ سيارة ساهر بس اثبتلك ان سببه مادي ولآليس حفظ الارواح على مايقلون
تخيلو جيب ساهر واقف بعد الاشاره يمين على طول ؟؟؟ يعني الي بيلحق على الاشاره صادهـ
وانا صادني وش هالمكان .؟؟؟
وبس معليش طولت بس من الحره الي فيني وبعض الناس مو واعيه للي يصيرٍ فينا من ساهر
ويقلون مايدينه شوفو مواقفه حرام عليكم وربي شيباننا تلقاه فوق 45 سنه ماقد اخذ مخالفه
وساهر الحين مصلع فيه يعني الدنيا بروحها تصلع بالواحد هم يجي هذـآ ويكمل عليها ،‘

اتمنى انها وصلت المعلومه ومعليش على الاطـآإله وتقبل مروري ويعطيك العافيه على الموضوع ،‘

شكرا على تفاعلك ابو غامد
واقول :
اولا : انا معترض على نظام ساهر لان هدفه الرئيسي هو الحصول على اموال الناس حتى لو كان هناك جانب ايجابي فيه وحتى لو زعم من زعم انه لمصلحة المواطن

ثانيا : بالنسبة للدول الغربية فليست هي الوحيده المتقدمة علينا بل حتى الدول الفقيره في شرق آسيا مثل سريلانكا والهند افضل منا بالانظمة وتطبيقها واتباعها
وياليت حنا نصير مثلهم في كل الانظمة وليس فقط في الانظمة اللي تاكل اموال الناس

يعني سبحان الله قدرنا نقلدهم في نظام الكاميرات لمراقبة السرعة فقط ولا قدرنا نقلدهم في نظام الكاميرات لمراقبة الامن
وايضا ماقدرنا نقلدهم في ((( تطبيق ))) منع التدخين في المطارات والداوئر الحكومية والمطاعم
ولا قدرنا نقلدهم في القضاء على الفساد من رشوة وغش تجاري وتلاعب بالاسعار

ولا قدرنا نقلدهم في مباني الجامعات او مباني الدوائر الحكومية او المدارس

ولا قدرنا نقلدهم في تطبيق النظام على الجميع وليس البعض دون البعض الآخر

وغير هذا اشياء كثيره وش اقول وش اخلي

يا ابو غامد
اتمنى الدولة تطبق علي وعلى الجميع كل الانظمة الصارمة سواء في الانظمة المرورية او غيرها سواء فيها مردود مادي للدولة او مافيها

ثالثا : نظام ساهر استهدف الناس اللي ما منهم خطر في الغالب
مثل شخص عليه مخالفة 300 ريال لانه مشى 80 في شارع سرعته 70 بالله عليك هذا منه خطر
بينما المتهورين والمفحطين والله انهم ماطقوا خبر لساهر وشفهم على الطريق الدائري اذا كنت في الرياض يمشون 170 و 180 الساعة 6 صباحا والناس رايحه للدوامات
ولا اهتموا بشي اسمه ساهر
لكن الشايب المسكين اللي مشى 80 في شارع سرعته 70 الله يعينه على المخالفات

واخيرا : انا لست ضد تطبيق الانظمة ولكن ضد اكل اموال الناس بإسم الانظمة

وآسف على الاطالة