السلام عليكم
حبايب سيارتي
لومينا 2006 LTZ V6
قبل كم يوم كنت باجرب السياره :D
طفيت الترانكشن و شغلت البور
ودعست فرامل وبنزين لمدة تقريبا 10 ثواني وبعدين فلت الفرامل
ومشيت جيت بعدين وقفتها السياره بدون أطفيها قلت تريح شوي
جيت باحرك بعدها باعشر دقائق تقريبا حطيتها بـ D ومشيت
يوم غيرت ترس سمعت صوت طق وﻻحظت عداد الضغط يرقص
يعني مثلا تكون ماشي بسرعة 40 وعداد الضغط يكون على واحد تشوف يرقص
1:30 ويطلع لـ 1:50 ثم يرجع ينزل وعلى هالحاله
طبعا عداد الضغط بيعطي الضغط صح ومع السرعه بيرتفع طبيعي
بس مشكلته يرقص
طبعا طفيت السياره قلت خلها ترتاح وجيت بعد ساعه وشغلت
والحمدلله صوت (( طق )) اللي مع ردت الترس راح ورقصت العداد حق الضغط راحت
وديتها للميكانيكي ثاني يوم قلت ابيه يفحص السياره من تحت كامله فحصها كامله
قالي السياره من ناحية ميكانيكا سليمه أتوقع هذي مشكلة حساسات أو برمجه كمبيوتر
وديتها عند كهربائي والكهربائي هذا معه شهادات كهربا ودارس خبره يعني
عنده أجهزة GM للفحص و البرمجه
مالكم بالطويله كلمته قالي يبي لها برمجه وتكلفك 500 ريال
قلت طيب باشوف وارد لك خبر
طبعا قعدت أختبر السياره وأشوف المشكلة تطلع بالضبط متى اللي توصلت له
انه اذا مشيت هادي المشكلة ما تظهر لكن اذا دعست للبنص والسياره اخذت عزمها كامل لما أهدى أﻻقي العداد حق ضغط الماكينة يرقص لمدة فتره وبعدين يرجع طبيعي
جربت أفصل البطاريه لمدة نص ساعه قلت يمكن تضبط فأنا متحير بين أني أطنش المشكلة أو أصلحها
وأيضا لما رحت الوكاله وسألتهم عن البرمجه قالي المهندس حق بالبيد الشفر ما يتبرمج مستحيل برمجته مره وحده من الوكاله اﻷم فقط ما يتبرمج مره ثانيه
وهالكهربائي يقولي مالك شغل أنا أبرمجها و أضبطها لك وعليها ضمنان عشر أيام
وانا الصراحه خايف أبرمج ويخرب لي أم الدنيا
فهل يا أخوان عندكم نصيحة لي جزاكم الله خير
وشكرا
