كيفكم شباب
طبعا العنوان واضح .. اليوم مريت ثلاث شركات اليابانيه اول شي مريت على شركه سوبارو ول سوزوكي و ميتسوبيشي اول شي نبدي ب سوبارو
منددووب مبيعات ضيفني احل تضيفه ما شاء الله عليه من احسن مندووب مبيعات شفته يلسني وتم يقول عن سياره سياره طبعا ماينلاام لانه محد يجيله :a1120(86):
طبعاا جيت وكاله عشان الاسئل عن اسعار سيارات
فلاحظت عدهم امبريزا 2.0 لي ب 150 حصان طبعا مواصفاتها رياضيه شكلها نفس WRX قبل مايحدثو شكلها مواصفاتها خارجيه جناح صغير - اكزوزين بلغتنا بلغت سعودين شكمانين :smilie16:-بدي كت عل جوانب خفيف ومن قدام بعد - ليت زينون -جنط 17 المنيوم
مواصفات داخليه : كراسي سائق ولي جنبه سبورت طبعا مخمل - مسجل ست سيديات - قير اربع نمر:a1120(82): - فتحه AUX - مثبت سرعه - وفي ازرار في دركسون
طبعااا مواصفات امبريزا بس الحين بتنصدموون ب سعر :a1120(86): طبعا موديل 2011 وهي اصلا موديل 2010 سعرهااا الله يسلمكم 90 الف طبعا هي الفل اوبشين بتمام ول الكمال :a1120(121):
طبعاا انا قللت ليييش سعر غااالي جي يعني اول شي سياره محد ياخذها ولا تنشاف ف شارع مع احترامي لها يعني عادي امر شهرين ولا اشوفها في شارع عل الاقل STI تبين فشارع :bigggrin: فقال لي عيل هوندا سيفيك كم سعرها قريب 100 الف قلت يعني تبون تقلدونهم بل اسعار وتبون تزيدون طيين بله تراا جي صدق محد بيشتري عدكم وثاني شي تغلوون سعرهاا طبعاا انا من فتره خمس شهور سالت عن سعرها كان 77الف يعني شوفو الفررق كيف زادت 13 الف والله حرااام سعر فااحش وعلى سيااااره نازل جيل يديد حقها وللعلم بتنزل فل اسواق عدنا من شهر ابريل القادم يعني سياره هاذي قضاا عليها دهر وصار جيل قديم وبسعر 90 الف كمواصفات اقل سياره مواصفات في فئتها خاصه الجيل قديم مب الجيل الحالي يعني حراام والله الوكييل الله يسامحه والله ماشايف خير يعني وسبب الوحيد انه سعره زايد انه بسبب فياضانات لي صارت فل اليابان ف عشان جي زادو سعرهاا:a1120(121):
الحين سوزوكي
طبعاا اول مادخل وكاله كاان مندووب مبيعات فااتح كمبيوتر وداخل على مواقع خخ طبعا الوكاله خاليه مافيها حد المهم روحت عنده شفته بدون نفس يكلمني ف انا روحت على اساس اشوف كيزاشي طبعاا كمواصفاتها موجوده فل مواضيع هنا فل المنتدى انا روحت بس كنت ابا اسال عن سوالين بس سعر ول دفع امامي ولا رباعي
سعرهاا فااحش طبعااا 106 الف :c0038: الفل اوببشين دفع امامي يعني اسعااار منافسين كلها اقل عن 100 الف يمكن الاكورد يوصل فوق 100 نفسهاااا هي كمواصفات حلوه بس لييش هاذا سعر المرتفع مادري طبعاا سبب نفسه انه فياضانات وسعر الين زااد ومن هاذ القبيل يعني سوزوكي ومحد يخذها و اصلا ولا مره شفت كيزاشي في شوارعنا تبوون صراحه .
ثالثا الميتسوبيشي طبعاا اعرف مافي شي يديد فل وكاله ف قلت اسال عن سعر لانسر GT لي نفس حقتي موديل 2012 واشوف شو تغيرات لي حاصله طبعاا مافي تغيرات تذكر الا سعر:confused1:
سعرها قبل شهرين سال كانت 77 الف نفس سعر لي انا خذيته من سنه 2010 في بدايه سنه
ما الحين سعرها وصل 90 الف :a120(115)::a1120(121): قلت وليش وليش طلع نفس سبب وكالات ثانيه طبعا سالت عن جالانت سته سلندر الفل اوبششين سعره 86 الف يعني ارخص عن لانسر جي تي :c0214: طبعاا سبب معرووف صناعه امريكيه
والله حراام اسعااار صارت ناار طبعا وكالات يابانيه ثانيه انا مارحتهم بس بحاول اروح ايام الجايه
يعني الحين اي سيااره صناعه يابانيه بحته بيكون سعرهاا زايد الله يخلي كامري والتيما بيكون سعرها اقل وفي متناول اليد بعد .
وسموحه عل طوولت موضوع خخ
وشووكرا
