LTZ2007 سوبربان لا يمكنيني تشغيله .. وش المشكلة ؟؟

هههههههههههه نبذه عن الشعب الخليجي المثقف
مستخسر خمسين ريال على الونش وبيدفع 900 ريال للسلف الي رايح للمفجوع الجميح وطقته وفي الاخير ليد المصنع الامريكي الهزيل

بعدين ثقافة دقة السلف قديمه واغلب الناس تعرفها
لانريد ان نحاول ونجرب نعمل الاشياء البسيطه لسيارتنا
نقول ليش ينضحك علينا لاننا شعب كسول واتكالي
عذرا على ماتقدم بس والله من حرقه على الوضع السائد والمحزن في نفس الوقت
دمتم جميعا بخير

اشور عليك تغير الدقمه فقط بلا خساير على الفاضي وانت فحصت السلف وفحماته سليمه
يعني ليه الاسراف غير الدقمه ووفر على نفسك.

موفق اخوي

الحمدلله والله يسهل امرك .

الحمد لله انك توفقت بواحد فاهم و شكلك متخوف من البداية من الفنيين وتبني افكار بدون ما تفعل شي ولكن في الاخير توفقت بواحد فاهم و زين انك تشتري سلف كامل


هل كانت ماتشتغل بالمره او انها تطق سلف بس ماتدور لان هذا الشي مابينته في اول موضوعك وجاء في بالي اشياء ثانيه مثل التايمنك او الكهرب او البنزين على اساس انها تطق سلف بس ماتشتغل
على العموم موفق ان شاء الله وان شاء الله تبشرنا خير

الحمد لله اخوي الكريم واشكرك على هذا الايضاح , ولكن يا اخوي الغالي في المرة القادمة حين تشرح حالة العطل خلي يكون كلامك دقيق حتى لا نتوهم بالتشخيص وهذه لمصلحتك طبعا , انا اتكلم معك من باب العتب والعتب لا يكون الاً بين الاحباب , انت كتبت بالحرف الواحد ما يلي : < اسمع صوت عملية التشغيل عن بعد لكن ما يشتغل > المفهوم من هذا الكلام هو ان السلف يشتغل ولكن المحرك لا يشتغل , ولو فهمنا ان السلف لا يشتغل لكنا اعطيناك الحل المناسب , على كل حال نحمد الله على كل حال , وبما انك اتعبتني بالتفكير بالحل وعلى الفاضي فانني اطلب منك تعويضي بمبلغ قدره خمسين ريال مثل ما اعطيت لصاحب السطحة .

الله يعطيكم العافية اخواني الكرام

اليوم قررت اني اشيلة بسطحة وعلى اقرب ورشة بدون تردد ومثل ما يقولون خربانه خربانه
فطبيت في ورشة فيها فلبيني ! عاد موب كل الفلبينيين كويسين لكن هذا تقريبا شبه كويس

شيك على السيارة فوق السطحة وحاول يشغلها ماشتغلت
جاب له حديدة طولها نص متر ويطق فيها على السلف .. قال لي شغل !
سميت بالله وشغلت واشتغلت السيارة
(( انقهرت على الخمسين الي دفعتها للسطحه ههههه ))
المهم قال لي المشكلة عندك في فحمات السلف او دقمة السلف .. والحل لازم ينفك السلف وينفرط برا ونشوف المشكلة من وين بالضبط .. قلت شورك وهداية الله افرط الي صنعه

فرط السلف الرجال ولقاه نظيف لأبعد حد ماشالله تبارك الله .. لكن لقا المشكلة في الدقمة

ارسل السواق تبع الورشة يجيب الدقمة ما لقا غير امريكي .. بس سألت قالو لي الامريكي حليو بس عمره قصير والسلف بشكل عام كهربته قوية وتحتاج شي اصلي ولا فيه دقمة اصلي ما فيه الا سلف كامل
الدقمة الامريكي بـ 90 ريال
والسلف الأصلي من الوكالة اعتقد بـ 900 ريال
عاد اليوم قررت اني اشتري سلف كامل وسعره يعتب حليو موب غالي انا فكرته يطق فوق الـ 1500 بس 900 الى 1000 معقول

وبكره بروح اجيبه من الوكالة باذن الله

هذا ما حصل لي اليوم يا اخوان للعلم والفائدة ولا اريد منكم سوى الدعواء لي ولوالدي وأن يصلح الله لي ذريتي


كلش ولا الخمسين حقت السطحة مقهور منها للحين هههههههه

تحياتي للجميع

كان الله في عونك وسهل امورك وامور جميع المسلمين ,,

مشكور ياغالي

والله انلحس مخي في هالسالفة لدرجة اني خلته داخل البايكة ورحت استأجرت سيارة .. ادور كهربائي يطلع معي للبيت ما لقيت واحد تحس انه فاهم
اخر شي لقيت فلبيني بشارع خالد بن الوليد لكن متخوف من هالمهندسين الي بالحواري خصوصا السنوات الاخيرة صارو تعيسين والمادة هي الأهم
انا اتصلت على راعي سطحة وبيجي بعد شوي اوديها للفلبيني عساه ما يخسرني قيمة السطحة بس ولا يعرف يصلح هذي المصيبة
وتشالينجر معروفين بكثرة الهرج وتعدد المصائب .. احسهم من علامات الساعة هم واسعارهم

الله يسهلها بس علينا وعلى المسلمين ويقطع رزق كل من حاول سرقة المسلمين بطريقة مباشرة او غير مباشرة

برد لكم وش صار معي والله يسهلها

اخوي الغالي : وعليكم السلام ورحمة الله وبركاته , شوف اخوي اهم حساسين يمنعان تشغيل المحرك هما : حساس الطرق < Knock Sensor > <وحساس الكرنك > ولكن لنبعد هذين الاحتمالين مؤقتا ونتجه الى الاسباب الاخرى , افحص البواجي واسلاكها وتأكد من وجود الشرارة الخارجة من الاسلاك ثم تاكد من مستوى الوقود في الخزان . وشيك على الفيوزات جميعها ووافينا بالنتائج وسهلة ان شاء الله .