السلام عليكم ورحمة الله
طبعا اغلبكم يعرف هالموضوع (خصوصا في السيارات اليابانيه) واللي اغلب الوكالاء يقولون السبب (زلزال و تسونامي وضربة نووية وغلاء الين) طيب هذا الكلام من سنه والشركات اليابانيه اعلنت منذ فتره انها الان تعمل بكامل عافيتها .....
خلوا السيارات اليابانيه اللي تصنع داخل اليابان ...... طيب السيارات اليابانيه اللي تصنع في تايلاند , استراليا , امريكيا , المكسيك , البرازيل وايضا بنغلادش؟؟؟ هذي ليش ارتفعت اسعارهم؟؟؟؟ :confused1:
يعني اقرب مثال الهايلوكس 4x4 صار بـ 100 الف ريال وهي اصلا مال امها دخل في اليابان؟؟؟ كلها تصنيع تايلاند؟؟؟ ليش زاد سعرها 30 الف ريال في 4 سنوات؟؟؟؟؟ :c0214:
خلوا الياباني على جنب؟؟
حتى السيارات الامريكيه ارتفع سعرها في اخر سنتيين مع انها تصنع في امريكيا وجميع عملات دول الخليج مربوطه بالدولار الامريكي؟؟؟
يعني المفروض اللي يجينا من امريكيا يكون بنفس سعره في بلد الصنع! ومع ذلك تجد انها ارتفعت بزياده من 5 الى 10 الاف ريال وفالاخير يجي الموظف يقول لك لانها موديل جديد؟؟
اقرب مثال ..... الدودج تشالنجر فل موديل 2011 كان بـ 199 الف ريال والان نفس السياره بس موديل 2012 صارت بـ 210 الاف ريال (زياده 11 الف ريال)
ولو تدخل موقع دودج الامريكي راح تلاقي الفرق بين موديل 2011 و 2012 فقط 1000 دولار (اي مايعادل 3700 ريال)
اذا ضل الموضوع على نفس الموال معناته في القريب العاجل راح يكون امتلاك سياره جديده مجرد حلم!!! الا اذا كنت مستعد تدفع اكثر من 100 الف ريال على كورولا سياحي اسوح شيء :a1120(82):
ايش الحل مع جنون الاسعار هذي؟؟
