تكفون يالي عنده الحل قراند ماركيز 2010

شيكت على الabs قالولي الجهاز جديد وموصل وفيوزه موصل كلهن للمعلوميه هو والتراكشن سواء فيوزهن 20و26و28و106و108 هذا فيوزات كلها خاصه بالنظامين وواصله قالولي افحصه كمبيوتر ومافضيت له علما اني طبيت في الجهاز الله يعطيك العافيه ولقيته مو مبين عليه شيء وكيبله موصل ومواسيره ووشيكت على المفتاح حق الفصل موصل بس المشكله باين انه مفصول لأنه لما تدعس للسياره تفحط بمحلها واما الفرامل ماجربته للأن... ممكن يكون له برمجه ينفصل عن طريقه ؟؟؟ هذا الي متوقعه صراحه يخرب بيت هالخواجات تخيل اليوم وانا قاعد ابحث في النت بالمواقع الامريكيه ايش حصلت لقيت واحد معه 2006 تتخيلوا ايش مسوي علشان يفصل التراكشن بدون مشاكل قالب العمود ماأدري شيء في العمود مافهمته زين لكن هالمعلومه جديده اول مره اسمع فيها وحنا ياغافل لك الله .......

ملاحظة أخرى مهمة إضافة إلى ردي أعلاه : بعض الناس اللي ماعندهم ذمة ولا ضمير لما يبيعون السيارة يفصلون جميع الكابيلات الموصلة باللمبات التحذيرية في الطبلون ، على سبيل المثال Check Engine و Trac و ABS كلها ممكن تنفصل وأنت مستانس تشوف الطبلون مرتاح وماتدري بالعيوب والبلاوي اللي تصير !!! شفت الغش كيف ؟؟ بس إن شاء الله ماتكون وقعت في هالفخ .. تفائل بالخير ولا تحاتي ..

هلا أخوي ..

أولاً .. حسب ماعرف أن الـ ABS له علاقة مباشرة بالتراكشن ، مثلاً في بعض السيارات إذا اخترب الـ ABS فالراكشن يخترب .. بس ماني متأكد الماركيز بالضبط هل هو كذا والا لا ..

ثانياً .. نعم الـ ABS شكله كأنه جهاز متوصل فيه نوع الأنابيب الصغيرة وكيبلات كهربائية .. تفضل صور وجدتها في النت لسيارات مختلفة ممكن تفيدك :









ثالثاً .. أنا مافصلت الـ ABS بنفسي ، الوكالة فصلوه لي وحسب ما قالوا لي أنها عملية غير معقدة ، مجرد فصل بعض الكابيلات الكهربائية والفيوزات ..

نصيحتي : لا تعبث بالموتر يمكن تخترب عليك أمور ثانية لأن هذا شغل ألكتروني .. اخذه ورشة بس تكون معروفة وموثوقة واشرح المشكلة (على الأقل قول لهم أبي أتأكد هل الـ ABS شغال وموصل والا لا) يمكن يساعدونك .. ومثل ماقلت لك إذا توهقت اخذه الوكالة ويعرفون شغلتهم (إذا حاب توفر مبلغ مو شرط تطلب فحص كامل ، قول لهم فقط أبيكم تفحصون التراكشن والـ ABS فقط) ، وأحياناً عندهم عروض وتخفيضات للفحص ..

وفقك الله وبشرنا إيش صار معك ..

الله يعطيك العافيه يالغلا ماقصرت ولكن سؤالي هل هو جهاز التراكشن ولاكبل يفصل التحكم بالكفرات عمل النظام عارفه الي ذكرته ولكن وشو هل هو جهاز ولا ايش ماأدري علشان ابي اشيك عليه وبالنسبة للabs ابي اجربه اليوم وارد عليك اوانت ذكرت انك فصلته ؟؟ ممكن يكون مفصول عندي مثلا ولا ايش بالضبط علما ان جميع لمبات الطبلون شغاله ولله الحمد مافي اي لمبه شغاله والموتر شغال لا الabs ولا التراكشن ولا التشك انجن يعني كل شيء طبيعي ولكن اقول حسبك الله يالمحل الي فحصت عنده قالي السياره سليمه ميه بالميه وتستاهل وماادري ايش من هالبكش انا بس خوفي لايكون ان النظام متعطل بسبب حادث او ماشابه لاسمح الله ولكن مافي شيء يدل ان هناك شيء من هذا القبيل والكارفكس والاوتو تشك طلع ان الموتر سليم من الحوادث وغيره الحمدلله والله خوفني هالموضوع ؟؟؟
لو تكرمت بس كيف فصلته وهل له فيوز ومحله وين علشان ابي اشيك عليهن ممكن تكون مشكله بسيطه

هلا أخوي

غريبة ! المفروض فحص الكمبيوتر يكشف لك العلة بسهولة ! أخاف اللي فحص لك ما هو خبير أو ماطبع لك تقرير الفحص كامل .. افحصه في محل محترف واسأل الشباب عشان يدلونك ..

أنا خبرتي متواضعة بس باقول لك اللي أعرفه واللي صار لي ..

- زر التراكشن يتحكم في تفعيل / تعطيل انزلاق السيارة (مثال إذا التراكشن مفصول ودعست على البترول كامل التاير راح يدور بقوة ويحرق والسيارة ممكن تتحرك يمين ويسار شوي بسبب عدم التوازن) هذا الخيار يستعملونه الشباب للتفحيط والقومات ياخذون راحتهم في التعامل مع الموتر .. أما إذا كان النظام مفعل فـ يمنع انزلاق السيارة ويصلبها لك ..

- الـ ABS يمنع السيارة من الانزلاق في حال الضغط القوي على الفرامل .. شكله مثل الجهاز بحجم البطيخ الصغير هههههههه ومكانه في إحدى الزوايا الجانبية الماكينة وتلاقي موصل فيه كابلات كهربائية ..

النقطتين أعلاه تعتبر إضافات أمنية مو شي أساسي ولا تسبب مشاكل جانبية للسيارة إذا تعطلت .. لكنها ضرورية من ناحية الأمان ..

بالنسبة لوضعي الورشة قالوا لي الـ ABS اخترب بالمرة ومايتصلح الجهاز ، تعبت والله فـ أخذت الموتر للوكالة وقالوا لازم تبدله مايتصلح وكان سعره عندنا البحرين تقريباً 400 دينار أعوذ بالله .. فأنا فصلته وقلت في ستين داهية الموتر قديم مايستاهل ههههههه وعقب مافصلته تعطل التراكشن وعشت حياتي بدون تراكشن ولا ABS بس الله الحافظ !!

نصيحتي : لا تعمل زيي ولا تفرط في السلامة ، افحص في ورشة ثانية ، وإذا ميزانيتك تسمح روح الوكالة وسو فحص كامل بتستفيد وبتكتشف كل عيوب السيارة ، على الأقل تدفع في شي موثوق .. وموتر 2010 جديد يستاهل ..

إذا تحتاج شي غير خبرني .. وبشرنا يالغالي

استخدام امريكي طال عمرك وايش الحل في رايك او انت ايش سويت او بمعنى اصح وشو الي صار معك بالضبط وايش هو التراكشن هل هو جهاز ولا كبل ولا ايش النظام عارفه بس وشو جهازه لا اعلم ومشكورين جميعا على الرد

أنا كان عندي مركيز .. وواجهتني مشكلة مشابهة ولعت لمبة Check Engine .. رحت فحصتها كمبيوتر وطلع أن في مشاكل في نظام الفرامل ومها ABS مخترب نهائياً ..

وتزامن مع هذا الحدث تعطل نظام التراكشن !! ومن يومها ماعاد زر التراكشن يعمل ..

سؤال : الموتر ماخذه من الوكالة على يدك ؟ والا مستعمل ؟!

انا عندي ماركيز 2009 وهي نفس الشي
عندي نفس المشكله ما تشتغل لمبه التراكشن على الطبلون
اما بالنسبه لرقم السر انا شريت سيارتي من صاله وعطوني الرقم مع السياره ببطاقه