انا ابي أحاول اعطيك الصوره العامة للاختبارات لان امريكا تختلق اختبارات ولايتها عن بعض وطرق القيادة فيها.
فأنا راح اعطيك اللي سويته في اختبار الحصول على رخصة قيادة من ولاية أوهايو
طبعا الاختبار يتطلب الامور التالية:
التوجه للمركز الخاص باصدار الرخص بمدينتك بالإضافة الى الامور التالية:
1ـ أحضار الأي توني.
2ـ الجواز السعودي مع I-94 ، يفضل انك تعطيهم بعد رخصتك السعودية الجديده اللي باللغتين عشان تسلك امورك اسرع.
3ـ بعدها يسون لك اختبار نظر عندهم وانت واقف.
4ـ اذا نجحت في اختبار النظر، يقولون لك رح لجهاز الكمبيوتر رقم (!) عشان تسووي اختبار نظري وهو عبارة عن انظمة المرور بولايتك يعني الاشارات الانعطاف وبعض القوانين. طبعا ولايتي انا كان اختبار الكمبيوتر عندهم في اكثر من لغة واخر اللغة العربيه ... بس لازم تقولهم ابي عربي عشان يحددون الكمبيوتر قبل تتوجه له.
اختبار الكمبيوتر كان عباره عن 40 سؤال لازم تجاوب تقريباً 31 سؤال صح والا تعيد الاختبار.
بعد ما تجتاز اختبار الكمبيوتر (هنا مربط الفرس) في ولاتي يعطوني رخصه مؤقته حتى يجي موعد اختبار القيادة اللي لازم تسوي له حجز بالنت بعد اجتيازك لاختبار الكمبيوتر باسبوع فأكثر.
في ولاتي الرخصة المؤقته تقدر تسووق فيها بس لازم يكوون معك (محرم) يعني يكون يملك رخصة قياده كاملة وليست مؤقته زيك.
وبعض الولايات تسوي لك اختبار القيادة على طول بعد ماتجتاز اختبار الكمبيوتر.
ملاحظات لازم تحطها بالاعتبار:-
يفضل قبل هذا كله انك تاخذ كتيب عن قانون الولاية والرخصه تقرأه قبل الأمتحان النظري تحصله في مكتب الانترناشونال عندكم بالجامعة او بالمعهد.
لازم تجيب معك سيارة لأجراء الاختبار العملي.
إذا أجتازت جميع الأختبارات بنجاح تأخذ رخصة قيادة على مدة الأي توني
اخيرا اتمنى اني قدر اعطيك نبذه عامة عن اجراءات الرخصه...........دمتم بود
