كامري 2013 ممكن تدخل @

الله يوفقك ياغالي اشترها دامك مقتنع فيها :smile:

رايك واحترمه ..
وبالمقابل انا " رآي شخصي " لو جتني الكآمري بـ 60 الف ما اخذتها ! والناس اذواق ..

أما عن الأسعار السيارات كلها مرتفعه الأكورد اعتماديتها ممتازه ..

2008 الكامري الجديد سعرها حسب ما اذكر (لأني بغيت اشتريها) كان في بحر السبعينات او الثمنينات ! الحين كم ؟!!

- انا ما عندي اكورد وكل السيارات الي في البيت تيوتا - لكني افكر جدا بـ الأكورد 2013

واعرف لك اثنين معهم اكورد واحد موديله 2009 والثاني 2007 او 2006 منب متأكد ..
وكل واحد منهم شاريها على وقتها والله يبارك لك لهم ما شاء الله ولا يوم اشتكوا منها !

معليش الي يطيح من قدر الهوندا هذا [ متعصب ] ,, مثله مثل الي يجيك مطفي النور ويقول التيوتا اعتماديته وجودته سيئه !
ولا يشكك بالصناعه الالمانية وامانها !

كفا ووفا ابو تركي ..

لو مكانك استخير الله بين الأكورد والألتيما ..

سياراتين رائعتين جدا !

- الألتيما خلفيتها بالنسبه لي لك عليها شوي و وجهيتها عاديه -
- الأكورد وجهيتها تقريبا ما تغيرت تحس ان الوضع فيس لفت فقط -

والناس اذواق استخر ربك ومر على الوكالات وجرب السيارتين
[ ولا تجامل بالسياره الي بتشييلك ويتجيبك ] ..

والله يكتب لنا ولك الخير ..

شوف اخوي بإختصار شديد جدا جدا ::: بالنسبه للخيارات المطروحه : كالتالي

1- نبدأ بالكامري بحكم انك ذاكرها بالموضوع , شوف ي الغالي الكامري سياره اعتماديه من الدرجه الاولى بحكم شوارعنا المكسره , المواصفات عاديه والشكل مش ولا بد ولكن الناس اذواق .. طبعا ( هذا غير تشليح ابو جميل ) ..

2- الاكورد 2013 : السياره ممتازه جدا جدا في كل شئ مواصفات حلوه وأمان ممتاز وشكل ولا اروع ما يعيبها إلا السعر الغالي والقطع والوكيل ...

3- عندك الأتيما 2013 : سياره عجيبه جدا وتتطورت بشكل كبير ومواصفاتها كثيره ومميزه ولا تحصلها في سياره من نفس الفئه , أفضل عزل وافضل رساوه واكثر سياره في فئتها اقتصاد في الوقود هذا غير المكينه ما شاء الله تبارك ...

عيوبها :: الوووووكيل اقصد الحمراني سيئ جدا إلا اذا كنت من اهل الرياض عندكم العيسى بداياته مبشره بالخير ..

حاول انك تبعد عن الاربعه سلندر خصوصا 2013 لأن المواصفات ناقصه مثلا النظام الصوتي بوووز موجود فقط في السته سلندر واضيف فتحت السقف ونظام النقطه العمياء ونظام التنبيه من الانحراف عن الطريق بعد ..

أفضل فئه حاليا السته فل موااصفاتها تووب التووب وبعدها السته نص فل ..

انا لو مكانك بحكم تجربتي للكامري الجديده ما انصحك فيها إذا كنت ناوي سياره كشخه وعزم لأن الحسنه الوحيده لها هي (العمليه والسعر عن البيع) .. لكن اذا كنت تشتري وتبيع مالك إلا الكامرري المنطق يحكم ... ويعلم الله اني ابغى لك الخير ..

اهم شئ استخير ربك والله يكتب لك ما فيه الخير ...

ماتستاهل هالقيمه سياره وكيلها نسمع فيه وماينشاف وقطعها غاليه جدا وشكلها ماش

يابوي ماتستاهل هالسعر

الله يالدنيا كنا نسميها اول يوم كنا في الرياض(شبح العبيد)والحين ب113 هههههه

انا مريت الوكالة اشوف الاكورد الجديده
الاسعار حسب كلام الموظف

ستاندر 87
سبشل 97
فل كامل 4سلندر مخمل 107
فل كامل 4سلندر جلد 118
فل كامل 6سلندر 129
فل كامل 6سلندر سبورت 135

" أسعار الاستاندر والسبشل ممكن أقل بـ1000 ريال لأني منب متأكد من السعر فكتبت السعر الأعلى الي أذكره " ..

الألتيما حسب ما اعرف الفل كامل 6 سلندر بـ 120 " منب متأكد "

الله يكتب لنآ ولك الخيره

يعطيكم العافية على المشاركة والتفاعل
ونبي نعرف أسعار الأكورد والألتيما 2013
ماتقصرون ان شاءالله

اقولك

نصيحه اخ لاخووووه


((الكامري مالها مثيل))

توكل على الله وخذها ولا تشاور


خلك من اللي يتفلسف


صدقني ما راح تندم


الكامري وبسسسسسسسسسس في السعوديه ((شوارع رايحه فيها و اجواء الله يكون في العون وحراره تصهر الحديد))

اقول مالها الا كامري حقت هالطقووووس

بأذن الله 8 سنوات ماراح تحط فيها برغي واحد

ماهي مثل الامريكي والنيسان والكوري ((سنه او سنتين وبعدها تسمع الهرقله والخرابات والكهرباء))






................لا تشاور احد بالكامري خذها ودووووووووووووووووووووووووووووووووووووس معنا حياك:xyxthumbs:

والله يا خوك انا من رأي الشباب ..

شوف ميزانيتك وقارن ..

[ تيوتا اعتمادية هذا شي منتهين منه ] .. وعندنا سيارتين تيوتا بالبيت والثالثه باعينها من 10 شهور تقريبا

لكن والله أكذب عليك لو قلت لك منب متحسفين على نصب عبداللطيف !
اول نسمع انه يشلح لكن نقول كلام ناس
لكن الحين شفنا بعيونا والناس معدهب مثل اول .. صرنا نشوف موقع الشركة الام ونقارن بـالي يوصلنا


أنا لو مكانك والله ما اخذ الكامري واعذرني وياليت يعذروني مالكيها ! والله شكلها ما يعجبني ابد اشوفه [ قبيح ] بكل ما تعنيه الكلمه !


- عندك الماليبو " ما جربتها ولا شفتها لكن الناس تمدحها "

- أكورد 4 سلندر فل كامل مخمل بـ 105 تقريبا [ وباقي الأشياء مثل الجلد وهالكلام تقدر تركبه بعد فتره ما راح تخسر واجد اتوقع بالكثير 3 الاف خصوصا ان جنطها مثل الفل كامل ]

- الألتيما ,, سياره رائعه صراحه مواصفات وشكل وفيها فخامه داخليه عجبتني صراحتا

( هذي السيارات الإعتمادية الي اذكرها ) ..

وصدقني على 100 ألف خياراتك كثيره ..

> أهم شي الإستخارهـ <

والله يكتب لنا ولك الخير ..

معايا كامري 2013 se limited

وانا اخذتها فقط لمواصفات الامان لانها بباقي الفئات غير مكتملة مع ان فئة ال glx تناسبني لكن مواصفات الامان بها لك عليها

موديل 2013 مافيه واي فاي , فاضافات ابو جميل الحساسات والبروجكتور

السيارة للان 8000 كم فصعب احكم عليها لكني راض عنها كعزل وهدوء ونعومة في القيادة وتكييف ممتاز و مقاعد مريحة

السعر تقريبا ب 103 الف ريال , نصيختي انتظر نزول الاكورد الجديدة ( سيتم تدشينها اليوم ) وايضا الالتيما الجديدة وقارن بين الثلاثة واختار اللي يناسبك

الاكودر اليوم او غدا ستظهر مواصفاتها واسعارها النهائية

بالتوفيق

اذا. Se لينتد خذها اما غير كذا دور لك بديل

الكامري SE سعرها 102500 الالتيما V6 سعرها 116000

كيف نفسه ؟؟؟

انصح بالالتيما 2013 ال 6 سلندر

سعرها سيكون مقارب للكامري SE 4 سلندر او نفسه

انصحك في ماليبو 2013

افضل بكثير من كامري

وعلى فكره انا مجرب السيارتين

ماليبو متعه في القياده وثبات وجوده وفخامه

واعمل تجربة سياقة لسياقة ماليبو واحكم بنفسك

طيب حلو خلنا نتفق مع بالنقطه الاولى تمام

النقطة الثانية اختلف معك فيها

الحساسات .. ابو جميل من سنين و هو يركبها ولا تسبب مشاكل في كهربة السيارة و ضمان الحساسات من ضمان السيارة

الديكورات .. اللي تقول عنها اصوات الديكور هذه من موديلا 2007 الى 2011 و هذه مشكلة عامة سواء هنا او بالخليج للاوريون و الكامري و لاحظ الاوريون شد بلد 100% وارد ابو جميل

و اساسا مافيه شي يستدعي فك الديكور في الموديلات هذه لان مافيها اي اضافة تحتها

نجي لموديلات 12 و 13 و تم فك الديكور فقط من اجل اضافة الواي فاي و صراحه فك الديكور من اسهل ما يكون

ولا يبغالها لا حرفنه ولا معلم عن تجربة :smile:

و بنفس الوقت ما سمعت احد من ملاك كامري الجديدة يشتكي من الديكور



حياك

هذه النصيحة جاءت لسببين :

1- الكامري القطرية و الاماراتية مثلا حتى الـGLX تيجي بنافيقيشن و جلد ، بينما أبو جميل ما يوفرها بالـSE لمتد :a1120(82):

2- و هو السبب الأهم ،، أبو جميل يلعب بالسيارة ، و يركب حساسات صيني - و هذه تسبب مشاكل كبيرة في كهرب السيارة - عدا عن فك الديكور و الصدامات و اللي مستحيل يقدر يرجعها مثل ما كانت

و النتيجة حسب متابعتي : أغلب اللي أخذوا الكامري من أبو جميل واجهوا مشاكل إما أصوات ديكورات أو أو ..إلخ ( و الفك و التركيب هو السبب )
بينما أغلب الأخوة بدول الخليج ، أو حتى الموجودين بالسعودية و اشتروا كامري خليجي ما واجهتهم أي مشاكل - رغم أن كامري أبو جميل و الخليجية نفس المصدر -

تحياتي لك .. :xyxthumbs:

ايش الفرق بين وارد ابو جميل و الخليجي ؟

شوف كم ميزانيتك وقارن ميزانيتك
باسعار السيارات اللي بنفس القيمه
واسستخر